Author

Lagt út ÓML

Politikkur

Íslendsk vitjan av ráðharra og handilssendinevnd

by Lagt út ÓML august 20, 2024

Skriva hevur: Lagt út ÓML

Høgni Hoydal, landsstýrismaður í uttanríkis- og vinnumálum, hevur í dag hitst við íslendska starvsfelaganum, Thórdís Kolbrún Gylfadóttir, uttanríkisráðharra, sum vitjar í Føroyum við eini íslendskari handilssendinevnd.

Sendinevndin er partur av føroyskt-íslendska handilskamarinum, sum varð sett á stovn í 2012 við tí endamáli at styrkja um samhandil og búskaparligt samstarv millum londini. Endamálið við vitjanini er at fáa innlit í føroysk viðurskifti, og í hesum sambandi eisini vitja føroysk virki og fyritøkur. Landsstýrismaðurin møtti sendinevndini og gav innlit í føroysk samfelagsviðurskifti og hvørji mál eru á politisku dagsskránni.

Landsstýrismaðurin og uttanríkisráðharrin høvdu síðani ein fund sínámillum um felags áhugamál, viðurskiftini millum londini og møguleikar at styrkja um samstarvið.

^{_{Kelda:uvmr.fo}}

august 20, 2024 0 comments

Fólk og Samfelag

Kemur tú við til Eldraleikir í Marghøllini í Vági?

by Lagt út ÓML august 20, 2024

Skriva hevur: Lagt út ÓML

Eldraleikir til tórshavnfo við ð og ý 2024

Væl umtóktu Eldraleikirnir verða endurtiknir tann 29. august 2024 í Marghøllini í Vági. Hetta verður ein stuttligur, øðrvísi dagur, har vit kappast í liðum í ymiskum avbjóðingum. Vit kappast millum annað í at sláa seym, minnast ting, kasta og raka. Málið við degnum er fyrst og fremst, at vit skulu hava tað stuttligt.

Tú skalt ikki halda teg aftur, hóast tú møguliga ikki fært luttikið beinleiðis í øllum avbjóðingunum: Til tær flestu avbjóðingarnar skulu nøkur umboð úr liðunum luttaka, ímeðan restin “heppar”.

Skráin fyri dagin er hendan:

8.45: Smyril siglir úr Havn
10.45: Bussar koyra til Marghøllina
11.30: Vit bjóða vælkomin, greiða frá degnum og hita upp
12-13.30: Postarnir verða avgreiddir
13.45: Ábit
14: Vit finna vinnararnar, fáa medalju og takka fyri dagin
14.30-16: Páls høll er opin, og vit kunnu fara í brús, svimja, fara í hitapottar og tílíkt
16.30: Bussar koyra aftur til Smyril
17.30: Smyril siglir av Krambatanga

Vit hava bara pláss fyri 150 luttakarum, so tekna teg til dagin, ímeðan vit enn hava pláss.

Tú teknar teg til Eldraleikir við at senda ein teldupost til baram@bhs.fo við tínum navni, bústaði og telefonnnummari innan freistina 26. august 2024. Vit gera liðini, men um tú veitst onkran, sum tú fegin vilt sleppa á lið saman við, kanst tú viðmerkja tað í teldupostinum.

Tú frættir aftur frá okkum, tá ið tú hevur teknað teg.

Kostnaðurin er 200 krónur – alt íroknað uttan ferðaseðilin við Smyrli.

^{_{Kelda: torshavn.fo}}

august 20, 2024 0 comments

Fólk og Frítíð

Fylg við í øllum tí stuttliga, sum hendir í Tórshavnar kommunu

by Lagt út ÓML august 19, 2024

Skriva hevur: Lagt út ÓML

Skipar tú fyri tiltaki, ella hevur tú áhuga fyri ítróttakappingum, sjónleiki, tónleiki, framsýningum, eldrafimleiki, skating, upplestri, borðspølum ella øðrum spennandi virksemi, ja so er tað Tímanum, tú skalt halda eyga við. Tímin er nýggi kalendarin, ið savnar øll tey spennandi tiltøkini, sum eru á skrá í Tórshavnar kommunu.

Tímin (timin.fo)

_{^{Kelda: torshavn.fo}}

august 19, 2024 0 comments

Uncategorized

Innflutningurin minkaður 852 milliónir krónur fyrra hálvár 2024

by Lagt út ÓML august 19, 2024

Skriva hevur: Lagt út ÓML

Innflutt var fyri 5,1 milliard krónur fyrra hálvár 2024. Tað er góð 14 prosent ella 852 millónir krónur minni enn fyrra hálvár 2023.

Innflutningurin fyri fyrra hálvár 2024 er nú gjørdur upp, og innflutt varð fyri 5,1 milliard krónur. Innflutningsvirðið minkaði 852 milliónir krónur.

Minkingin í innflutninginum stavar í høvuðsheitum frá lægri innflutningsvirði á brennievni og skipum. Innflutningurin av brennievni og øðrum oljum er minkaður 72 milliónir krónur, sum í høvuðsheitum stavar frá lægri prísum.

Innflutningurin av maskinum, motorum, skipum og akførum er minkaður við 574 millión krónum, ella 31 prosentum. Hetta er fyri tað mesta skip.

Vøruinnflutningur skiftur á SITC høvuðsbólkar

https://hagstova.fo/fo/tidindi/innflutningurin-minkadur-852-millionir-kronur-fyrra-halvar-2024?px-web-graph=41b638ccdd967aa5360ab2be3dc178b4

Talva frá Hagstovu Føroya

Januar – juni 2023/2024

Kelda:Hagstova Føroya

Um hugt verður eftir, hvussu innflutningurin er skiftur á nýtsluendamál sæst, at innflutningurin til endaliga nýtslu er minkaður 271 millión krónur, ella sløk 11 prosent.

Innflutningurin til nýtslu í framleiðsluni er minkaður 119 milliónir krónur, ella sløk 6 prosent. Minkingin er størst av byggitilfari, men har er eisini minking í innflutningi av flutningstólum og tilfari til alivinnuna.

Fyri fastar bruttoíløgur stavar minkingin serstakliga frá, at færri skip eru innflutt í tíðarskeiðnum.

Vøruinnflutningur skiftur á BEC nýtslubólkar

Januar – juni 2023/2024

	januar – juni		munur
	2023	2024	mió. kr.	%

Tilsamans	5.966,9	5.114,6	-852,4	-14,3
Endalig nýtsla	2.550,5	2.279,5	-271,1	-10,6
Nýtsla í framleiðsluni	2.128,9	2.009,8	-119,2	-5,6
Landbúnaður; skógbrúk; fiskivinna; matur; drekka; tubbak	694,2	642,3	-52,0	-7,5
Námsvirki; grótbrot; reinsingarstøð; brennievni; evnindi; ravmagn; vatn; rusk viðgerð	121,9	121,1	-0,8	-0,6
Byggivirki; timbur; glas; grót; metal; bústaðir; eltól; húsbúni	751,8	679,1	-72,7	-9,7
Vevnaður; klædnavørur; skógvar	96,7	126,1	29,4	30,4
Flutningstól og -tænastur; ferðing; posttænastur	243,6	203,7	-39,9	-16,4
KST; miðlar; teldur; handils- og fíggjartænastur	29,8	29,8	0,0	0,1
Heilsa; heilivágur; útbúgving; mentan; ítróttur	182,8	200,0	17,2	9,4
Tað almenna; hervald og annað	8,2	7,8	-0,5	-5,5
Fastar bruttoíløgur	1.287,4	825,3	-462,1	-35,9

Kelda:Hagstova Føroya

Uppsetanin av talvunum fyri innflutning og útflutning eru broyttar. Eitt nú kann bæði inn- og útflutningur veljast í øllum talvum. Somuleiðis kann bæði virði og nøgd veljast í øllum talvum.

Nýggja SITC talvan (UH01026) minnir um gomlu talvurnar (UH01020 og UH01021). Annars eru hesar broytingar:

Farið verður frá 4. útgávu av BEC til 5. útgávu.
Fyri fiskavørur brúka vit ISSCFC flokkingina hjá FAO.
Fiskasløgini fylgja flokkingini MCS (Main Commercial Species) hjá The European Market Observatory for fisheries and aquaculture products (EUMOFA), sum ES nevndin hevur sett á stovn. Harumframt ber í hesi talvu til at síggja, hvussu fiskurin er viðgjørdur og hagreiddur.

Í ISSCFC eru nógvar vørur og tískil ber til at leita tær vørur fram, brúk er fyri. Leitast kann eftir kotum og teksti.

Í løtuni er alt ikki umsett til føroyskt. Haldið okkum til góðar. Í ISSCFC talvuni ber til at leita á enskum. Ætlanin er, at alt við tíðini verður umsett til føroyskt.

august 19, 2024 0 comments

Fólk og Frítíð

Skráin fyri Føroya Sjómannadag 2024

by Lagt út ÓML august 16, 2024

Skriva hevur: Lagt út ÓML

Føroya Sjómannadagur kunngerð fjølbroyttu skránna fyri familjudagarnar 12. – 17. august 2024.

Á skrá eru kappingar, mentanarlig tiltøk, undirhald, framførslur, góður matur og hugni fyri bæði børn og vaksin, og alt er sjálvsagt ókeypis.

Mánadagur 12. august

20.00 – 22.00
Fyrilestur um Vinnukaving, har Janus Joensen, stjóri á vinnukavaraskúlanum, fer at greiða frá um føroysku kavaravinnuna. Fyrilesturin er í Stórustovu á Sjónámi.

Týsdagur 13. august

20.00 – 22.00
Fyrilestur: “Hvussu verður veðrið”. Hanus Kjølbro frá Veðurstovu Føroya greiðir frá um Veðurstovu Føroya, hvørji tey eru, og hvat tey gera. Fyrilesturin er í Stórustovu á Sjónámi.

Mikudagur 14. august

19.00
Fiskivinnuting í Varpinum
Á einum upplýstum grundarlag verður viðkomandi kjak millum politikarar og áhugapartar í fiskivinnuni um viðkomandi avbjóðingar og møguleikar í fiskivinnuni í løtuni. Serfrøðingar leggja fram og fáa uppfylgjandi spurningar frá orðstýrara.

19.00 Jóhann Lützen frá Føroya Sjómannadegi bjóðar vælkomin. Jón Brian Hvidtfelt, orðstýrari greiðir frá skránni.

19.05 – 19.15 Eydna í Homrum, deildarleiðari á Havstovuni, hevur stutta framløgu um (1) virksemi hjá Havstovuni í mun til at koma við tilmælum um avmarkingum fyri veiðuna eftir botnfiskasløgunum í føroyskum øki, (2) lýsir støðuna hjá teim stóru botnfiskastovnunum og tilmælini hjá ICES og Havstovuni, (3) hvørji eru útlitini til at toskastovnurin kemur fyri seg afturá landgrunninum? Jón Brian setur avklárandi uppfylgjandi spurningar.

19.15 – 19.25 Stefan í Skorini fyri Føroya Reiðarafelag og umboð fyri Ráfiskakeyparafelagið lýsa týdningin av stovnsrøkt og burðardyggari fiskiveiðu fyri marknaðaratgongd og vinnuligu avleiðingar av avmarkingum fyri botnfiskaveiðu. Hvørji ynskir hevur vinnan til førda fiskivinnupolitikkin? Jón Brian setur avklárandi uppfylgjandi spurningar.

19.25 – 19.40 Panelkjak

19.40 – 19.50 Jan Arge Jacobsen, Havstovan, lýsir lívfrøðiligu orsøkirnar til tørvin á strandalandaavtalum og avmarkingum, støðan hjá pelagisku stovnunum og útlitini, um ongar avmarkingar verða gjørdar.

19.50 – 20.00 Jógvan Jespersen, stjóri í Nótaskipum, greiðir frá søguligu bakgrundini fyri strandalandaavtalum og ynskini hjá vinnuni til avtalur og karmar framyvir.

20.00 – 20.10 Hans Ellefsen, lektari í búskaparfrøði, leggur fram um búskaparligu bakgrundina fyri strandalandaavtalum, og lýsir búskaparligu avleiðingarnar fyri vinnuna, í veiðuliðnum og framleiðsluliðnum, Landskassan og Samfelagsbúskapin? Hvørji eru búskaparfrøðiligu tilmælini? Jón Brian setur avklárandi uppfylgjandi spurningar.

20.10 – 20.25 Panelkjak um boðskapirnar og verandi fiskivinnupolitikk í mun til botnfiskaveiðuna.

20.25 – 20.35 Johnny í Grótinum, búskaparfrøðingur, greinar búskaparligu avleiðingarnar við støði í búskaparfrøðiligum meginreglum fyri skynsomum fiskivinnupolitikki.

20.35 – 20.50 Panelkjak um boðskapirnar og ætlaðu inntrivini.

Hósdagur 15. august

14.00
Línuskipið Helena verður søkt á Borðoyarvík. Áhugafelagið Reynsmúli sigur, at teir opna botnventilarnar um 14 tíðina, og síðani fara at ganga eini 4 tímar, til skipið liggur á havsins botni. Skipið skal nýtast til kavingarendamál

20.00
FK Borac Banja Luca – KÍ (Útidystur)

Fríggjadagur 16. august

17.00
Fiskikapping á Kósabrúnni fyri øll børn.

Børnini skulu sjálvi hava tráðu og bjargingarvest við.
Tilmeldingin er á Kósabrúnni, har luttakarar fáa agn, posa og pappírslepa at skriva navn og fartelefonnummar á.
Møtið í góðari tíð.

Silvi vitjar, og børn og vaksin fáa kaffi, kakao og góðgæti.

Heiðursmerki verða latin til nr. 1, 2, og 3 í hesum bólkum:

Gentur undir skúlaaldur, dreingir undir skúlaaldur, gentur í skúlaaldri og dreingir í skúlaaldri.

Hesi 12 fáa eisini øll hvør sítt atgongumerki til Sirkus Baldoni í Klaksvík umframt tinganest frá Kjølbro Heilsølu.

Tann, ið fiskar størsta fiskin verður útnevndur fiskikongur/drotning, fær handað steyp umframt gummibát til tveir persónar frá Mítt Alfa, virði 1.199 kr.

Heiðursmerkjahandanin verður á stóra palli á Sjómannadegnum leygarmorgunin 19. august kl. 11.20

18.00
Stórt vatnkríggj millum bátar og skip umframt á kajøkinum á Vestursíðuni.

Tá fiskikappingin er liðug, leggja skip og bátar at Kósabryggjuni og taka fólk umborð, og síðani verður kríggjast millum bátarnar á Vágni.
Sløkkilið og bjargingarfeløg luttaka í vatnkrígginum.
Siglt verður í ring inni á Vágni, og kríggið endar, tá sjóverjuskipið Brimil blæsir tríggjar ferðir við stóra skipslúðrinum.

Á vestursíðuni frammanfyri Northern Fish Cold Storage, er stórt vatnkríggj á landi fyri børn og vaksin, sum ikki ynskja at verða umborð á bátunum. Sjórænarar vitja.
Øll – bæði børn og vaksin – sum luttaka í vatnkrígnum, kunnu rokna við at gerast dýggjvát og tí er umráðandi, at verða í heitum klæðum.

Tað er ikki loyvt at kasta vatnballónir á sjógv! Minnist til, at lata tykkum í bjargingarvestar!

Leygardagur 17. august

09.00 – 10.00
Dyppimik við neystið á Flesjum á Borðoyarvík. Øll eru vælkomin.

10.30
Merkið verður vundið á stong

Umboð fyri manning, ið hevur longstu leið á Sjómannadag, vindur Merkið í húnar hátt, meðan tjóðsangurin verður sungin.

Síðani verður Føroya Sjómannadagur 2024 settur á stóra pallinum, og boðið verður til stóra morgunmatarborðið á bryggjuni.

Á stóra palli

Tilmeldingin til allar kappingar fer fram á pallinum.
*undantikið til svimjikappingina.

10.45
Karl Johansen, borgarstjóri í Klaksvíkar Kommunu, bjóðar vælkomin

10.55
Eirikur í Jákupsstovu setur Føroya Sjómannadag vegna Fiskimálaráðharran

11.05
Eirikur í Jákupsstovu letur heiðursmerki til bestu skip og bátar í Føroyum

11.15
Føroya Sjómannadagur heiðrar Tyrlutænastuni. Torbjørn Jacobsen heldur røðu.

11.45
Umboð fyri Føroya Sjómannadag letur heiðursmerki til vinnararnar av fiskikappingini

11.55
Granskarar frá Havstovuni skera størsta fiskin frá fiskikappingini upp, og greiða í stuttum frá fiskinum

12.15
Dávur Winther greiðir frá um læknastríðið, QR-lyklar og skattaveiðu

12.25
Skipalista-Kvissin – undankapping
Ernst S. Olsen og Gunnar Nolsøe eru vertir
Kappingin er skipað sum Kahoot! á snildfonini – Minnist til at heinta appina.

Finalan verður kl. 15.20

13.10
Føroyameistarakapping – Vinda hespur upp í noða
Kappingin er fyri pør

Vinningurin er gisting í tvær nætur í dupultkamari á Hilton Garden Inn íroknað morgunmat og 4 rættir fyri 2 í Hallartúni annað av kvøldunum.

13.30
Føroyameistarakapping – Kasta langlínu

Føroyameistarin fær ein PlayStation 5 Slim Digital Edition (2023) frá Elding, virði 4.599 kr.

Silvurvinnarin fær eitt gávukort á kr. 3.000,- frá INN

Bronsuvinnarin fær eitt gávukort á 1.000 kr. frá INN

13.45
Føroyameistarakapping – Egning

Føroyameistarin fær gávukekk á 5.000 kr. frá Kjølur.

Silvurvinnarin fær gávukekk á 3.000 kr. frá Kjølur

Bronsuvinnarin fær gávukekk á kr. 2.000 kr. frá Kjølur.

14.30
Føroyameistarakapping – Trolbøting

Føroyameistarin fær vikuskifti í Captains Cottage á Sandi frá Skipara- & Navigatørfelagnum

Silvurvinnarin fær Ipad 10,9” 10th Gen, 64 GB frá Føroya Tele, virði 4.999 kr.

Bronsuvinnarin fær eitt gávukort á kr. 1.000,- frá Bónus

15.00
Føroyameistarakapping í køkubaking
– Køkurnar skulu latast inn í hølini hjá Fullpower Klaksvík ímillum klokkan 11:30 og 12:00

Køkudómarar: Ranva Knudsen, Elsbet Heðinsdóttir Christiansen og Jona Elisa Andreasen.

Vinningar:
Besti smakkur: Gávukort á kr. 3.000,- frá Inn
Kreativitetur: Gávukort á kr. 3.000,- frá BÓNUS
Teknikkur: Gávukort á kr. 3.000,- frá FK

15.20
Skipalista-Kvissin – Finalan
Ernst S. Olsen og Gunnar Nolsøe eru vertir

2 x Iphone 15 128 GB yellow frá Føroya Tele, virði 7.999 kr.

Øll í finaluni fáa Skipalistin 2024

16.20
Vinnarin av kokkakappingini “Arctic Young Chef”, ið er eitt samstarv millum NORA, Tekniska Skúla í Klaksvík og Føroya Sjómannadag, verður kunngjørdur. Dennis Holm og Høgni Hoydal siga nøkur orð.

16.50
Føroyameistarakapping – Sjómanstak, innleiðandi umfar

17.20
Føroyameistarakapping – Halda dregg

Føroyameistarin fær ein Samsung 55″ QLED 2024 Q60D flatskerm frá Elding, virði 8.499 kr.
Silvurvinnarin fær gávukort á 3.000 kr. frá Bónus
Bronsuvinnarin fær gávukort á 1.000 kr. frá FK

17.50
Vinnararnir av Føroyameistarakapping í kassastápling og svimjing um Vágna verða avdúkaðir

Vinningur Svimjing um vágna:
Menn: Gávukort á 5.000 kr frá Atlantic Airways
Kvinnur: Gávukort á 5.000 kr frá Atlantic Airways

Vinningur Kassastápling:
Føroyameistarin fær Soundboks frá Elding, virði 8.999,-
Silvurvinnarin fær Ipad Air 5th Gen, 256 GB WiFi frá Nema, virði 8.199 kr.
Bronsuvinnarin fær gávukort á 1000 kr frá Bónus

18.10
Togtogan millum skipsmanningar
8 persónar pr. lið

Liðið, ið gerst føroyameistarar fær gávukort frá Smyril Line áljóðandi cruise til Danmarkar ella Íslands til 12 ferðandi í 2-koyggjukømurum uttan vindeygu.

18.40
Føroyameistarakapping – Sjómanstak, Finalan

Føroyameistarin fær Samsung Galaxy S24 128 GB Onyx Black frá Nema, virði 7.399 kr.
Silvurvinnarin fær Gávukort á 5.000 kr. frá Atlantic Airways

19.00
Felagssangur við sjómansvísum. Hans Hjalti og Hóraldur syngja og spæla fyri.
Sangirnir eru at finna her.

Á Tekniska Skúla í Klaksvík

10.00 – 18.00
”Arctic Young Chef” kokkakapping.

Stað: Matvørudeildin TSK, Mýrivegur 2.
Kokkar fara at kappast í matgerð, har høvuðsrávørunar eru skrubba og saltfiskur.
Øll áhugaði eru vælkomin at hyggja.

Í stóra tjaldinum

10.40
Stóra morgunmatarborðið

11.00 – 18.00
Listaframsýning
Lydia Petersen, Magna Auðunsson, Monica Ósá Henriksen

11.00 – 18.00
Framsýning við 1912.

12.00 – 16.00
Havstovan vísir, hvussu fiskar verða kannaðir

Á barnaøkinum

11.00 – 19.00
Ókeypis hoppiborgir

11.00 – 19.00
Rógving fyri børn og ung á flakum í grunnum hyli

12.00 – 17.00
Ókeypis andlitsmáling v/ Kæti

13.00 – 17.00
Ókeypis kramarísar – Føroya Sjómannadagur og MBM bjóða øllum børnum ókeypis kramarís

13.00 – 17.00
Trygd bjóðar øllum børnum ókeypis poppkorn og annað leskiligt úr reyða Trygd vogninum.

Á lítla palli

13.30
Trøllapætur, omman & ommudidd rokka

14.30
Barnatiltak og felagsspøl við Kæti og Silva
Silvavinir deila góðgæti út til øll tey fittu børnini

16.45
Konsert við Anua

Á økinum

10.00 – 20.00
Edward Fuglø hevur opið Atelier

13.00
Grindamannafelagið skerir ein grindahval upp niðanfyri Ídni.
Greitt verður frá á enskum, meðan grindahvalurin verður skorin upp.

Tvøstið verður síðani grillað og hesin leskiligi borðiskur verður borðreiddur gestum saman við rómaeplum.

13.00 – 19.00
KAV & Norðvask bjóða ókeypis poppkorn niðanfyri Roykivirkið.

13.00 – 17.00
Opið hús á Looknorth
Kom og hygg at, hvussu EPS (flamingo) og hart plast verður framleitt. Looknorth bjóðar gestunum kaffi og vaflur.

13.00 – 19.00
Føroya átiligasta fiskaborð

JFK bjóðar Fish & Chips. Fiskurin er fyrstafloks toskur frá Gadus, meðan chipsini verða framleidd úr nýggjum eplum úr Onglandi, sum eru serliga væl egnað til endamálið. Aftur í ár fara tveir kokkar frá kendum enskum Fish & Chips matstovum at kokkast. Fyri at stytta um tíðina í bíðirøðini, kann hvør persónur í mesta lagi fáa fýra portiónir.

—–

Føroya Bjór bjóðar sodavatn og vatn úr Føroya Bjór smáttuni

—–

Bakkafrost eru errin av sínum vælsmakkandi og heilsugóða laksi, aldur á føroysku firðunum. Aftur í ár fer Bakkafrost at borðreiða við ókeypis smakkiroyndum á bryggjuni. Hesar fara vónandi at geva tær íblástur til aðrar laksarættir.

—–

Christian í Grótinum og Amarant – Á sjómannadøgunum í ár borðreiða vit við eini Pokéskál við heitt royktum makreli. Omaná bjóðar Amarant kaffi og eina rabarbu desert.

—–

14.00
Føroya Sjómannnadagur bjóðar grindabúff og rómaepli

14.00 – 17.00
Føroyameistarakapping í kassastápling

Á sjónum

09.00
Føroysk træseglskip og motorbátar hittast á Pollinum og seta segl

10.00
Seglskipini koma á Klaksvík og leggja at kai, innast í krókinum við Stórukaj.
Westward Ho, Dragin, Thorshavn og Norðan eru við.

11.00 – 17.00
Sjórænaraskip við Trøllapæturi, ommuni og ommudidd siglir stuttar túrar við børnum

11.00 – 17.00
Vilt á sjónum
– Ókeypis túrar við skjóttgangandi RIB-bátum

11.00 – 17.00
Opið skip umborð á Westward Ho
Manningin hjalpir børnum at hála fokkuna upp og nidur, leggja um klampa og seta fast. Síðan gera fallið upp.

11.00 – 17.00
Opið skip umborð á Norðan

11.00 – 17.00
Opið skip umborð á Draganum

11.00 – 17.00
Opið skip umborð á Thorshavn

13.30
Bjargingarroynd við Norðoya Bjargingarfelag

14.00 – 17.00
Opið skip umborð á Christian í Grótinum

14.00 – 17.00
Opið skip umborð á bjargingarbátinum Ziska

14.00 – 17.00
Opið skip umborð á Brimli
Manningin bjóðar heitar vafflur og kakao.

14.00 – 17.00
Opið skip umborð á sjóverjuskipinum ”Vædderen”
Manningin bjóðar heitar pannukøkur, kaffi og saft.

15.25
Svimjikapping á Vágni fyri menn og kvinnur
Svimjifelagið ÆGIR skipar fyri svimjikapping tvørtur um Vágna. Tilmelding hjá ÆGIR við at skriva navn á svimjara í sms-boðum til 229950
Kappast verður í tveimum bólkum: Kvinnur og menn

Sunnudagur 18. august

11.00
Sjómansgudstænasta í Christianskirkjuni við Marjuni Lómaklett

12.30
Sunnudagsskúlin í Betesda byrjar aftur eftir summarsteðg.

18.00
Sjómansmøti í KFUM & K
John Kári Jacobsen, skipari sigur nøkur orð. Harmonikuvinir luttaka við sangi.

Innsavnan til Sjómanskvinnuringin.
Eftir møtið verður nátturði.
Øll eru hjartaliga vælkomin.

august 16, 2024 0 comments

Fólk og Frítíð

Vælkomin á Ovastevnu um vikuskiftið

by Lagt út ÓML august 16, 2024

Skriva hevur: Lagt út ÓML

Ovastevnan, sum hevur fleiri enn 25 ár á baki, er fastur táttur á summarskránni hjá nógvum føroyingum, og í ár verður hon leygardagin 17. august.

Bygdastevnurnar eru nógvar, men ovastevnan í Nólsoy er nakað serstakt, og eftir ólavsøkuna og festivalarnar man ovastevnan mangan hava verið mest vitjaða stevna í Føroyum.

Ovastevna er stevnan í Nólsoy har bygdafólkið ger alt, tey eru ment at bjóða tær vælkomnum og vísa tær, hvussu stuttligt, hugnaligt og gott tað er at vera í Nólsoy. Ovastevna er stevnan fyri alla familjuna og hevur heilt víst okkurt til tín, líkamikið hvør tú ert. Skráin er løgd soleiðis, at tiltøkini, sum eru fjølbroytt, eru allan dagin og byrja longu leygarmorgunin. Hetta eru ikki bara typisk stevnutiltøk, men eisini tiltøk, sum geva ein brellbita av gerandisdegnum í Nólsoy.

Í Nólsoy er ríkt tónleikalív, og nólsoyingum dámar væl at syngja og spæla. Hetta sæst eisini aftur í ovastevnuskránni. Tónleikurin setur dám á stevnuna. Livandi tónleikur og framførslur eru á keiini gjøgnum dagin, út á kvøldið er felagssangur undir Mikkjalsveggi, tá vit tríva í kendar føroyskar sangir og lokalar slagarar. Við hesum eru lunnar lagdir undir eitt ordans bygdaball. Kendir tónleikarar fara at spæla í tjaldinum á keiini og um tú hevur hug til ein sving-om er eisini møguligt at leggja leiðina eystur í Royndarhúsið har tónleikarar spæla til góðan bygdadans. Sjálvandi verður eisini farið uppá gólv.

Flest øll tiltøkini á ovastevnu eru ókeypis, og møguligt er at koma um Nólsoyarfjørð nærum hvønn tíma.

Samlaðu skránna sært tú á leinkinum niðanfyri. Tú sært eisini tiltøkini á tímin.fo, har tú kanst leggja tey í kalendaran á snildfonini.

Ovastevnuskráin 2024

^{_{Kelda & mynd: torshavn.fo}}

august 16, 2024 0 comments

Fólk og Samfelag

Amerikanski herflotaráðharrin á vitjan í Føroyum

by Lagt út ÓML august 12, 2024

Skriva hevur: Lagt út ÓML

Mikudagin 14. august kemur amerikanski herflotaráðharrin, Carlos Del Toro, á vitjan í Føroyum. Landsstýrismaðurin í uttanríkis- og vinnumálum, Høgni Hoydal, er vertur fyri vitjanini.

Mikudagin hava landsstýrismaðurin og herflotaráðharrin fund, har teir m.a. fara at umrøða trygdarstøðuna í Norðurhøvum, umframt samstarv og viðurskifti landanna millum.

Í sambandi við fundin verður tíðindafundur í Salinum í Tinganesi mikudagin 14. august kl. 18.30. Miðlar, ið ynskja at luttaka á tíðindafundinum, skulu boða frá á palln@mfa.fo ella tlf. 551028 í seinasta lagi mikudagin kl. 14.

Á vitjanini skal herflotaráðharrin eisini hitta Løgtingsins Uttanlandsnevnd og vitja hjá Vørn, MEST, Arktis Kommando og Atlantic Airways.

_{^{Kelda & mynd: uvmr.fo}}

august 12, 2024 0 comments

Fiski- & Alivinna

Fiskifrøðin er orsøkin til lítla toskastovnin

by Lagt út ÓML august 12, 2024

Skriva hevur: Lagt út ÓML

Fyri fiskivinnugransking verður úrslitið ein kollvelting.

Fiskimenn siga: Fortel mær okkurt, sum eg ikki veit.

Politikarar áttu at spurt, hví fiskifrøðin oftast/altíð tekur feil. Eisini áttu teir at spurt, hvar allur fiskurin er, sum vit seinastu 20 árini hava goymt til framtíðina. Gjørdu teir tað, høvdu teir vita, at úrslit mótsætt fiskifrøðini, kunnu verða røtt.

Við nógvum stríði í nógv ár, kann eg við sera stórari vissu siga (>99%) at ikki ber til at goyma fiskin í sjónum. Eg havi gjørt eitt “model”, soleiðis at eg kann broyta tøl og simulera, alt eg higartil havi havt brúk fyri.

Við at, simulera allar árgangir frá 1959-2017, har vit goyma væl av 2&3 ára gomlum toski, sum vit í staðin fiska komandi árini, sum eldri og størri fisk, ber til at eftirkanna, um tað loysir seg at goyma fiskin í sjónum.

Fiskifrøðin vísur bara útrokningar og metingar út frá miðaltølum og mettum tølum. Mær vitandi er hetta fyrstu ferð, tað er gjørt við vísandilgum tølum, fyri allar árgangir.

Úr hesum árum velja vit árini 1980-2007. Datagrundarlagið hesi ár er væl betri. Og árgangin 2007 fiska vit fram til 2017 og kanska nakrar fáar fiskar seinni. Restin av árunum, 1959-1979 eru eisini simulera og er munurin tá 1,51%

Tilsamans fiskaðu vit 550.000 tons av toski, úr hesum 28 árgangum. Simuleringin vísur, at veiðan økist økt veiðuna 4.060 tons. Tað er ein øking uppá 144,98 tons pr. ár ella 0,74%. Tað er ein vøkstur, men:

Útseta vit veiðuna og lesa hagtøl fyri avreiddar støddir, fiskaprísir og óbrúktar dagar, síggja vit, við berum eygum, uttan at rokna, at veiðan verður væl lægri og ikki hægri. Tað kann eisini roknast.
At goyma fiskin og fiska meira seinni treytar; at fiskatorvur blíva størri, tilsvarandi meira føði er í sjónum, skip/bátar økja effektivitetin 25%, at veiðan er í mun til fiskar í havinum, at føði á hvørjum miði er uttan tídning, at vísindaliga greinin, at svangur fiskur tekur betri líni, er skeiv.

Útrokningin omanfyri tekur ikki hædd fyri tí, nevnt er í punkt 1&2. Umframt eru fleiri aðrir faktorar, sum sambært fiskifrøði, hava stóra ávirkan skeiva vegin.

Vit vita við vissu, at rokna vit hetta uppí, so manglar nógv í, at til ber til at goyma fiskin í sjónum.

Árligur vøkstur hjá toski

Vanliga verður rokna við 20% náttúrligum deyða hjá toski. Tað merkir, at skal toskastovnurin ikki minka, krevst vøkstur á 25% hvørt ár. Árligur vøkstur er ójavnum, men vit síggja, at í miðal, veksur toskur eldri enn 4 ár ájavnt við og minni enn náttúrligur deyði.

Út frá myndini og við vitanini hjá sjómonnum, bar til at siga frammanundan, at úrslit av simuleringini bleiv, at tað ikki loysir seg at goyma fiskin í sjónum.

Eftirkannan og kalibrering

Myndin vísur stovnsstødd í 1000 stk av árgangum føddir 1957-2007. Í 2017 eru teir 10 ára gamlir og sostatt eru tølini fram til 2017.

Eftirkanna er, fyri at síggja mun á, ymiskum mátum at simulera veiðu. Simulering av 1990 og 1982 árgangum gevur ikki sama tal í stovninum, tí simulera er eftir veiðu í ávísum árum og ikki í mun til útroknað tal av toski í hvørjum árgangi. Onkur ár brúkar simuleringin fleiri fiskar, enn tað vóru í stovninum og onnur ár færri. Tað gevur sjálvandi ein misvísing, sum tað tó ber til, at fyrihalda seg til.

Sum myndin vísur eru frávikini sera lítil. Tað skulu góð eygu og litir til, fyri at síggja munin. Tað sigur okkum, at tað er ikki stórur munur á, um vit fiska eftir einum leisti ella eftir øðrum leisti.

Onnur simulering, sum ikki er við í hesum, vísur enntá, at fiska vit meira av yngstu árgangunum, so gevur tað sama úrslit sum at fiska meira ella minni. Tað er ein logisk frágreiðing uppá hví so er.

Úrslit av simulering valdast, tølini vit brúka. Hyggja vit eftir úrsliti av simulering av veiðu samsvarandi veiðu av 1982 og 1990 árgangunum, vísa hesar at simuleringin samsvarandi 1982 árganginum gevur meira, og samsvarandi 1990 árgangurin gevur minni.

Simulering sambært 1982 árganginum ger stovnin størri enn hann var. Tá betrast úrslitið av pappírsfiskum í telduni, sum tó ikki er í sjónum. Fyri 1990 árgangin kann tað mótsætta henda.

Tað merkir, at høga veiðutrýsti á ungan fisk, á 1982 árgangin, gevur meira fisk, enn lága veiðutrýsti, eftir yngstu árgangunum, á 1990 árgangin. Tað indikerar, at tað beinleiðis gevur størri veiðu og “størri stovn” at fiska eins og í 1982 árgangin, heldur enn at fiska eins og vit gjørdu við 1990 árgangin.

Niðurstøða

Tað er tí prógva, vísindaliga, at tað ikki ber til at goyma fiskin í sjónum. Tað merkir samstundis at ráðgevingin frá ICES og Havstovuni er skeiv.

Tað kann sjálvandi eisini skrivast, sum vísindalig grein, PhD, Dr. Philos ella hvussu fínt tað skal verða.

Vit vita, hvat er hent aðrastaðni, hóast fiskifrøðin í 50 ár hevur bjóða okkum meira fisk. Tí merkir tað, at lurta vit eftir Havstovuni og ICES, so má roknast við, at landgrunnurin verður stongdur fyri allari veiðu, eins og Føroya banki, í minst 20 ár og helst til ævigar tíðir.

Uppsjóvar kvotur, barentshavi og island verða skorin eftir sama leisti og har er gongdin hin sama, tó at vit ikki eru komin eins langt. Men vit eru allíkavæl komin rættuliga nógv longri enn teir, sum eru í hesum vinnum eru greiðir yvir.

Eg kann sjálvandi skriva eina Dr. Philos. Men Føroyar eru ávegis konkurs og hin seinasti fiskimaðurin er helst føddur. Endamálið frá byrjan var, at sleppa undan hesum, men tíðin rennur undan.

Eivind Jacobsen

Fiskivinnugranskari

Strendur

august 12, 2024 0 comments

Fólk og Samfelag

Ansið væl eftir børnunum í ferðsluni, nú skúlin byrjar 14. august

by Lagt út ÓML august 9, 2024

Skriva hevur: Lagt út ÓML

Tann 14. august byrjar skúlaárið. Hetta merkir, at tað aftur verða børn í ferðsluni á veg í og úr skúla. Og fyri Miru og Gilla – og umleið 760 onnur børn í Føroyum, verður hetta eisini fyrstu ferð, tey fara í skúla. Ansið tí væl eftir teimum í ferðsluni komandi tíðina.

Vit skulu altíð geva teimum ábæru í ferðsluni gætur, men tá skúlarnir byrja, mugu vit vera serliga varin. Um hetta mundið kunnu vera fleiri børn, ið eru smá og óroynd í ferðsluni. Tað krevur, at ferðin verður sett niður, og at vit eru gáin.

Aftur í ár samstarva kommunur og Ráðið fyri Ferðslutrygd um átakið. Við skúlar verða skelti hongd upp við áheitan um at vísa ansni, og hesaferð eru 13 kommunur við í átakinum.

Tilfar til foreldur

Skelti eru tó ikki nóg mikið. Ráðið fyri Ferðslutrygd mælir til, at foreldur fara út í ferðsluna við børnunum at venja tey. Tí tað krevur venjing og royndir at gera børnini til trygg vegfarandi og at læra tey, hvørjum tey skulu ansa eftir á vegunum.

Tá barnið byrjar í skúla, er hetta ein nýggj støða, og hon krevur at barnið dugir at bera seg rætt at í ferðsluni. Barnið lærir ikki um ferðslutrygd av baksetrinum í bilinum ella við at hyggja í eina bók. Vit mæla tí foreldrum til at fara út í ferðsluna saman við barninum. Tess meira foreldur og børn venja í ferðsluni, tess raskari verður barnið at ferðast sjálvt.

Allir næmingar í 1. flokki fáa ein súkkluhjálm og kunning og góð ráð til trygga atferð í ferðsluni. Eisini eru góð ráð og venjingar at finna á heimasíðuni hjá Ráðnum fyri Ferðslutrygd. Í heyst fáa tey yngstu eisini endurskinsvest. Harumframt er ferðsla kravt undirvísingarevni í skúlunum.

Ráðið fyri Ferðslutrygd (rff.fo)

^{_{Kelda & mynd:torshavn.fo}}

august 9, 2024 0 comments

Politikkur

Vinnan skal ikki rinda fyri mistøkini hjá politisku skipanini

by Lagt út ÓML august 6, 2024

Skriva hevur: Lagt út ÓML

Politisk Útmelding frá Sjálvstýri

Dennis Holm, landsstýrimaður, sýnist at leggja størri dent á at herða antitrustreglurnar við at minka prosentpartin, sum hvør einstøk fyritøka kann eiga, heldur enn at taka ítøkilig stig fyri at forða misnýtslu av menningarkvotum.

Reiðaríini, sum hava bygt vinnuna upp, ætlar landsstýrismaðurin nú at revsa fyri feilir, sum politiska skipanin sjálv hevur gjørt við vitleysari lóggeving.

Sjálvstýri hevur greiða áskoðan um støðuna við menningarkvotunum og óhepnu avleiðingunum, sum tær nú vísa seg at hava.

Misnýtsla av menningarkvotum

Tað er nógv fyri at síggja, at ávísar fyritøkur hava fingið menningarkvotur fyri einki, men ikki hava gjørt nakað sum helst við tær verkætlanir, sum kvoturnar vóru ætlaðar til. Ístaðin hava hesar fyritøkur selt kvoturnar fyri tíggjutalsmilliónir. Hetta kann ikki góðtakast.

Órættvíst og oyðileggjandi fyri politiska álitið

At skipanin, sum skuldi skapa varandi menning kring landið, nú verður misnýtt av summum fyritøkum til persónligan vinning, er ikki bert órættvíst, men eisini oyðileggjandi fyri álitið á okkara politisku skipan.

Javnbjóðis kapping og rættvísi

Vit í Sjálvstýri hava altíð trúð upp á javnbjóðis kapping og rættvísi. At reiðarí, sum hava bygt vinnuna upp gjøgnum fleiri áratíggju, skulu revsast tí at menningarkvoturnar ikki riggja, er púra órímiligt.

Fyrilit og eftirmeting av skipanum

Tað er altíð neyðugt at meta eftirmeta, um galdandi skipanir hava fyri neyðini at strammast, men hetta má gerast við fyriliti til, at vit ikki leggja órímiligar forðingar fyri tey, sum hava tikið ábyrgd og bygt vinnuna upp.

Sjálvstýri mælir til, at:

Ein nágreinilig frágreiðing verður gjørd um allar menningarkvotur, fyri at finna út av, hvussu og hvørt tær hava verið nýttar til tað, tær vóru ætlaðar til.
Strammari reglur og treytir verða settar fyri sølu av menningarkvotum, har vit tryggja, at virðið av kvotum ikki enda í lummunum á nøkrum fáum hepnum.
Javnbjóðis og rættvís kapping verður tryggjað, uttan at reiðaríini, sum hava mist kvotur, verða revsað fyri feilir, sum politiska skipanin er atvoldin til.

Ábyrgd og menning av fiskivinnuni

Sjálvstýri vil arbeiða fyri, at okkara fiskiríkidømið verður nýtt til at menna og styrkja alt samfelag okkara, heldur enn at verða handlað fyri persónligan vinning. Vit krevja eina skipan har tað ikki stendur hvørjum landsstýrisfólki í fiskivinnumálum frítt at útluta kvotur sum tað passar teimum best. Og vit krevja rímiligar, støðugar og virðiligar treytir til okkara høvðusvinnur.

Sámal Petur í Grund
Formaður í Sjálvstýri

_{^{Kelda: Sjálvstýrið Rúna Sivertsen July 28, 2024 Politikkur}}

august 6, 2024 0 comments

Load More Posts