<\/p>\n\n\n\n
Ta\u00f0 hevur leingi veri\u00f0 tosa\u00f0 um \u2019b\u00fasta\u00f0artrot\u2019 ella \u2019b\u00fasta\u00f0arney\u00f0\u2019 \u00ed F\u00f8royum, men h\u00f3ast or\u00f0aval, so tala t\u00f8lini sama m\u00e1l. Ta\u00f0 er vor\u00f0i\u00f0 alsamt d\u00fdrari at b\u00fagva \u00ed F\u00f8royum.<\/p>\n\n\n\n
Seinastu 10 \u00e1rini eru h\u00fasapr\u00edsirnir tv\u00edfalda\u00f0ir, og b\u00fasta\u00f0arbyr\u00f0an hj\u00e1 f\u00f3lki \u00f8kt vi\u00f0 rakettfer\u00f0 \u00far 15% upp \u00ed 30% [T\u00f3rshavn \u00far 25% upp \u00ed 44% har helvtin av f\u00f3lkinum b\u00fdr].<\/p>\n\n\n\n
Men hvat er ta\u00f0, sum f\u00e6r pr\u00edsirnar at blussa upp ? Einfalt – ov f\u00e1 h\u00fas til h\u00faski:<\/p>\n\n\n\n
Eftirspurningur > \u00datbo\u00f0 = Pr\u00edsh\u00e6kking<\/p>\n\n\n\n
Samb\u00e6rt Hagstovuni blivu bert 1.524 n\u00fdggir b\u00fasta\u00f0ir bygdir \u00ed t\u00ed\u00f0arskei\u00f0inum 2015-2023, samstundis sum f\u00f3lkatali\u00f0 vaks vi\u00f0 5.609 f\u00f3lkum.<\/p>\n\n\n\n
H\u00f3ast rentan er l\u00e6kka\u00f0 seinastu t\u00ed\u00f0ina, bendir onki \u00e1, at gongdin fer at venda komandi t\u00ed\u00f0ina \u2013 b\u00fasta\u00f0armarkna\u00f0urin k\u00f3kar, og ongin ansar eftir gr\u00fdtuni.<\/p>\n\n\n\n
Spekulasj\u00f3n vi\u00f0 ognarr\u00e6tti<\/strong><\/p>\n\n\n\n N\u00fa Samgongan vi\u00f0 Javna\u00f0arflokkinum \u00e1 odda r\u00e6\u00f0ur \u00ed politiska k\u00f8kinum, er \u00e6tlanin at l\u00e6kka hitan \u00e1 b\u00fasta\u00f0armarkna\u00f0inum vi\u00f0 at innf\u00f8ra b\u00fdlisstu\u00f0ul og ste\u00f0ga spekulasj\u00f3n \u00e1 b\u00fasta\u00f0armarkna\u00f0inum.<\/p>\n\n\n\n Hans Jacob Thomsen v\u00edsir \u00e1 spekulasj\u00f3n sum syndara, t\u00ed \u2019spekulasj\u00f3nin ger, at pr\u00edsurin h\u00e6kkar, og harvi\u00f0 gerst ta\u00f0 uppaftur truplari hj\u00e1 teimum, i\u00f0 skulu seta f\u00f8tur undir egi\u00f0 bor\u00f0\u2019.<\/p>\n\n\n\n Landsst\u00fdriskvinnan, Margit St\u00f3r\u00e1, sigur \u00ed svari s\u00ednum \u2019at \u00f8ll eiga at taka \u00e1byrgd fyri, at b\u00fasta\u00f0ir fyrst og fremst t\u00e6na, sum heim hj\u00e1 f\u00f3lki, heldur enn sum gistingarh\u00fas ella sum spekulati\u00f3ns\u00edl\u00f8gur.\u2019<\/p>\n\n\n\n Men hv\u00f8rji er \u2019\u00f8ll\u2019. \u00d8ll \u00e1 javna\u00f0arm\u00e1li merkir hini og \u00ed hesum f\u00f8ri \u00fatleigararnir og h\u00fasaeigarar. Umframt, b\u00fasta\u00f0arskyldu, sekt og t\u00e6nastugjald [80.000 kr. um \u00e1ri\u00f0] \u00e1 t\u00f3m h\u00fas t.e. har ongin hevur skr\u00e1setta adressu \u2013 er \u00e6tlanin enn eina fer\u00f0 at r\u00e6\u00f0a f\u00f3lk fr\u00e1 at eiga, men heldur at leiga.<\/p>\n\n\n\n \u00cd Vestanlondum, [F\u00f8royum \u00edrokna\u00f0] er privati ognarr\u00e6tturin heilagur. Hv\u00f8rt einasta land, i\u00f0 vir\u00f0ir privata ognarr\u00e6ttin, eisini til seth\u00fas og fastogn, hevur markna\u00f0arb\u00faskap og h\u00e6gri livist\u00f8\u00f0i fyri \u00f8ll, enn sosialistisk lond hava. Ta\u00f0 er ikki ein s\u00f8guligur veruleiki av tilvild, men ein n\u00e1tt\u00farul\u00f3g.<\/p>\n\n\n\n Fyri f\u00e1um \u00e1rum s\u00ed\u00f0an \u00e1ttu 85% av f\u00f8royingum s\u00edn egna b\u00fasta\u00f0. Hini 15% arbeiddu fram \u00edm\u00f3ti at gerast sj\u00e1lvseigarar, at f\u00e1a tak yvir h\u00f8vdi\u00f0 og seta f\u00f8tur undir egin bor\u00f0.<\/p>\n\n\n\n F\u00f3lk seta pengar \u00ed ognir, t\u00ed ta\u00f0 s\u00f8guliga hevur veri\u00f0 ein trygg og gevandi \u00edl\u00f8ga. Heldur enn at eggja f\u00f3lki til at ogna s\u00e6r egnan b\u00fasta\u00f0 vil samgongan hava fleiri\u2019 almennar \u00edb\u00fa\u00f0ir\u2019, so landskassin kann f\u00e1a \u00e1g\u00f3\u00f0an av \u00edl\u00f8guni. At landi\u00f0 byggir b\u00fdlir hevur higartil ikki givi\u00f0 b\u00edligari leigukostna\u00f0 \u2013 tv\u00f8rtur\u00edm\u00f3ti.<\/p>\n\n\n\n Samstundis sum barnatali\u00f0 l\u00e6kkar ver\u00f0a flestu almennu leigub\u00fasta\u00f0irnir bygdir til bert at h\u00fasa sm\u00e6rri h\u00faskum [2-3 koyggjur]. Vi\u00f0 hetta lag vera barnagar\u00f0arnir t\u00f3mir um stutta t\u00ed\u00f0, t\u00ed foreldur hava hv\u00f8rki pl\u00e1ss ella r\u00fam at f\u00e1a s\u00e6r tey b\u00f8rnini tey ynskja s\u00e6r.<\/p>\n\n\n\n Hin loysnin – B\u00fdlisstu\u00f0ul<\/strong><\/p>\n\n\n\n Hin \u2019loysnin\u2019 vi\u00f0 b\u00fdlisstu\u00f0li er ikki n\u00f8kur loysn, men partur av trupulleikanum. Hv\u00ed? T\u00ed b\u00fdlisstu\u00f0ul \u00f3r\u00f3gvar markna\u00f0in og bl\u00e6sur pr\u00edsin upp. T\u00e1 \u00fatbo\u00f0i\u00f0 er avmarka\u00f0, sum ta\u00f0 t\u00ed\u00f0iliga er \u00ed F\u00f8royum, vil b\u00fdlisstu\u00f0ul vi\u00f0f\u00f8ra h\u00e6gri pr\u00edsir, t\u00ed f\u00f3lk at hava meira at rinda fyri.<\/p>\n\n\n\n B\u00fdlisstu\u00f0ulin f\u00e6r hv\u00f8rki \u00fatleigarar ella onnur at byggja fleiri b\u00fdlir. Tv\u00f8rtur\u00edm\u00f3ti, ber til at h\u00e6kka pr\u00edsin, t\u00ed leigarar hava fleiri pengar um hendi. Sl\u00edkar stu\u00f0ulsskipanir eru sk\u00falad\u00f8mir um, at eftirspurningurin eksploderar, uttan at \u00fatbo\u00f0i\u00f0 veksur, i\u00f0 bert kyndir undir inflati\u00f3n \u00e1 b\u00fasta\u00f0armarkna\u00f0inum.<\/p>\n\n\n\n At tingf\u00f3lk \u00ed F\u00f8royum hugsa um at innf\u00f8ra danska \u2019boligst\u00f8tte\u2019 \u00ed F\u00f8royum, minkar ynski og evni hj\u00e1 fj\u00f8ldini til at spara saman, byggja n\u00fdtt ella keypa gamalt, og ta\u00f0 \u00f8kir tali\u00f0 \u00e1 teimum, sum seta seg hendur \u00ed favn og lata hini gjalda fyri seg. <\/p>\n\n\n\n Harafturat er b\u00fdlisstu\u00f0ul ikki n\u00f8kur haldf\u00f8r loysn. Hann bindur f\u00f3lk at almennari hj\u00e1lp og doyvir hug og stembran. T\u00e1 f\u00f3lk f\u00e1a \u2019r\u00e6tt\u2019 til stu\u00f0ul tengd at innt\u00f8ku, vilja tey ofta umganga yvirarbei\u00f0i ella betur l\u00f8nt st\u00f8rv um tey krossa innt\u00f8kumarki\u00f0 og harvi\u00f0 missa stu\u00f0ulin. Ein doyvdur arbei\u00f0smarkna\u00f0ur og minni framlei\u00f0sla er ikki naka\u00f0, b\u00faskapurin hevur r\u00e1\u00f0 til og so slettis ikki tann f\u00f8royski.<\/p>\n\n\n\n Veruleikin er tann, at stu\u00f0ul er ikki \u00f3keypis, og ta\u00f0 er t\u00fa, sum rindar hann.<\/p>\n\n\n\n Gamla sosialistiska mantra\u2019in er \u2019gev eftir evnum og nj\u00f3t eftir t\u00f8rvi\u2019. Men um Javna\u00f0arflokkurin og Tj\u00f3\u00f0veldi sleppa at avgera, hvat t\u00edn t\u00f8rvur er, so er b\u00fdlisstu\u00f0ul ein g\u00f3\u00f0 strategisk loysn fyri hesar flokkar, t\u00ed hann ger f\u00f3lk tengd at g\u00e1vumildni hj\u00e1 flokkinum og ikki flokkin tengdan at veljaranum.<\/p>\n\n\n\n Ein b\u00fdlisstu\u00f0ul eggjar f\u00f3lki at leiga heldur enn at eiga. Er ta\u00f0 ikki j\u00fast sosialistiska \u00e6tlanin? Landi\u00f0 sum \u00fatleigari megnar ikki at byggja b\u00edliga ella halda leigukostna\u00f0inum ni\u00f0ri, men vi\u00f0 at geva eitt sindur aftur sum \u2019stu\u00f0ul\u2019 afturfyri javna\u00f0aratkv\u00f8\u00f0una, er flokkurin tryggja\u00f0ur valdi\u00f0 n\u00e6stu \u00f8ldina.<\/p>\n\n\n\n B\u00fdlisstu\u00f0ul vil bert ala fleiri sosialistar, i\u00f0 mugu sl\u00e1a seg til tols vi\u00f0 sm\u00e6rri og d\u00fdrari sm\u00e1ttum, me\u00f0an sjampagnusosialistarnir \u00e1 Vaglinum og almennu b\u00fasta\u00f0arfel\u00f8gini kunnu svimja \u00ed sm\u00f8ri. <\/p>\n\n\n\n Leiga er og ver\u00f0ur ein \u00fatrei\u00f0sla, men ogn er ein \u00edl\u00f8ga og loysir seg b\u00e6\u00f0i \u00ed dag og \u00ed framt\u00ed\u00f0ini.<\/p>\n\n\n\n T\u00edn ogn, t\u00edn avger\u00f0<\/strong><\/p>\n\n\n\n F\u00f3lkaflokkurin vil v\u00edsa \u00e1 a\u00f0rar loysnir. Loysnir sum \u00f8kja um \u00fatbo\u00f0i\u00f0 og samstundis tryggja haldf\u00f8ri hj\u00e1 f\u00f8royingum vi\u00f0 at ogna s\u00e6r egnan b\u00fasta\u00f0. Egin b\u00fasta\u00f0ur er \u00edl\u00f8ga \u00ed egna framt\u00ed\u00f0.<\/p>\n\n\n\n B\u00fasta\u00f0ur kann umfarmt at vera heim eisini ver\u00f0a uppsparing, pensj\u00f3n, arvur ella \u2026 T\u00fa r\u00e6\u00f0ur, ta\u00f0 eru j\u00fa t\u00edn ogn, t\u00ednir pengar og t\u00edn avger\u00f0.<\/p>\n\n\n\n