271 seth\u00fas v\u00f3r\u00f0u seld \u00ed fj\u00f8r, og ta\u00f0 var ta\u00f0 minsta tey s\u00ed\u00f0stu t\u00edggju \u00e1rini. 99 \u00ed sm\u00e6rri bygdum, 90 \u00ed st\u00f8rri bygdum og b\u00fdum og 82 \u00ed T\u00f3rshavnar\u00f8kinum.<\/p>\n\n\n\n
L\u00e6gsta tali\u00f0 \u00ed hesi \u00f8ldini var \u00ed 2009, t\u00e1 153 seth\u00fas v\u00f3r\u00f0u seld, og met\u00e1ri\u00f0 var 2015, t\u00e1 398 seth\u00fas v\u00f3r\u00f0u seld. Minkingin tey s\u00ed\u00f0stu tvey \u00e1rini hevur veri\u00f0 um alt landi\u00f0, men var serliga st\u00f3r uttan fyri T\u00f3rshavnar\u00f8ki\u00f0.<\/p>\n\n\n\n
Mi\u00f0alpr\u00edsurin fyri eina seth\u00fas er t\u00f3 n\u00f3gv h\u00e6gstur \u00ed Havn, samanbori\u00f0 vi\u00f0 hvat eini seth\u00fas kosta \u00ed st\u00f3rum og sm\u00e1um bygdum \u00ed F\u00f8royum. \u00cd Havn var mi\u00f0alpr\u00edsurin fyri eini seth\u00fas 3,9 mi\u00f3. kr., samanbori\u00f0 vi\u00f0 2,2 mi\u00f3. kr. \u00ed st\u00f3rum bygdum og b\u00fdum og 1,8 mi\u00f3. kr. \u00ed sm\u00e1bygdum.<\/p>\n\n\n\n
Aftast \u00ed hesi grein eru uppl\u00fdsingar um keldu og avmarkingar \u00ed uppl\u00fdsingunum hj\u00e1 Hagstovuni. Her skal havast \u00ed huga, at hetta yvirliti\u00f0 fevnir einans um s\u00f8lu av seth\u00fasum og ikki av \u00edb\u00fa\u00f0arb\u00fast\u00f8\u00f0um. T\u00ed kann eitt yvirlit av seth\u00fasas\u00f8lum ikki geva eitt n\u00f8ktandi yvirlit yvir s\u00f8lu av b\u00fast\u00f8\u00f0um. Serliga vi\u00f0 t\u00ed \u00ed huga, at st\u00f3rt tal av \u00edb\u00fa\u00f0um er bygt seinastu \u00e1rini:<\/p>\n\n\n\n
\u00cd t\u00ed\u00f0arskei\u00f0num 2015-2022 v\u00f3ru tilsamans bygdir 1.524 n\u00fdggir b\u00fasta\u00f0ir \u2013 652 seth\u00fas og 872 \u00edb\u00fa\u00f0ir\/ra\u00f0h\u00fas. Av hesum v\u00f3ru 311 seth\u00fas og 677 \u00edb\u00fa\u00f0ir\/ra\u00f0h\u00fas bygd \u00ed Streymoyar s\u00fdslu (mest \u00ed T\u00f3rshavnar\u00f8kinum). Hetta hevur sj\u00e1vsagt eisini st\u00f3ra \u00e1virkan \u00e1 s\u00f8luna av seth\u00fasum. <\/p>\n\n\n\n
Eftir kreppu\u00e1rini \u00ed fyrru helvt av 1990-unum vaks s\u00f8lan av seth\u00fasum spakuliga og kom fyribils \u00ed h\u00e6ddina \u00ed 2007, beint \u00e1\u00f0renn f\u00edggjarkreppuna, vi\u00f0 300. So var eitt st\u00f3rt fall ni\u00f0ur m\u00f3ti helvtini \u00ed 2009-10. S\u00ed\u00f0ani er s\u00f8lan vaksin javnt og samt \u00f8ll \u00e1rini fram til 2015, i\u00f0 er met\u00e1r vi\u00f0 398 seth\u00fasas\u00f8lum. Eftir hetta minka\u00f0i s\u00f8lan n\u00f3gv tey n\u00e6stu f\u00fdra \u00e1rini, men vaks so aftur til ta\u00f0 n\u00e6stmesta \u00ed 2020. S\u00ed\u00f0an er hon aftur minka\u00f0 ni\u00f0ur \u00ed 271 seth\u00fas \u00ed fj\u00f8r.\u00a0<\/p>\n\n\n\n