{"id":5029,"date":"2023-07-22T19:09:08","date_gmt":"2023-07-22T19:09:08","guid":{"rendered":"https:\/\/24fo.news\/?p=5029"},"modified":"2023-07-22T19:09:08","modified_gmt":"2023-07-22T19:09:08","slug":"hatidarhald-vid-havnara","status":"publish","type":"post","link":"https:\/\/24fo.news\/index.php\/2023\/07\/22\/hatidarhald-vid-havnara\/","title":{"rendered":"H\u00e1t\u00ed\u00f0arhald vi\u00f0 Havnar\u00e1"},"content":{"rendered":"\n

Ta\u00f0 var sum \u00e1 \u00f3lavs\u00f8ku \u00ed mi\u00f0b\u00fdnum \u00ed dag, t\u00e1 n\u00fdggja Havnar\u00e1 alment var\u00f0 latin upp og tikin \u00ed n\u00fdtslu. Borgarstj\u00f3rin seg\u00f0i, at hetta var ein av st\u00f8rstu d\u00f8gum hj\u00e1 honum, at \u00e1in n\u00fa endiliga rann aftur \u00e1 Vaglinum.<\/h2>\n\n\n\n

Her er r\u00f8\u00f0an, He\u00f0in Mortensen, borgarstj\u00f3ri, helt \u00e1 Vaglinum.<\/p>\n\n\n\n

– G\u00f3\u00f0u havnarf\u00f3lk, f\u00f8royingar og gestir. G\u00f3\u00f0an dagin \u00f8ll somul og hjartaliga v\u00e6lkomin higar \u00e1 Vagli\u00f0 \u00ed dag, n\u00fa vit lata fyrsta byggistig av einum n\u00fdggjum b\u00fdarr\u00fami upp, sum fer at ver\u00f0a okkum \u00f8llum til hugna og st\u00f3ra gle\u00f0i.<\/p>\n\n\n\n

– Hetta er ein st\u00f3rur og gle\u00f0iligur dagur fyri okkum \u00f8ll og fyri Havnina.<\/p>\n\n\n\n

Hugnaligt at s\u00edggja tykkum \u00f8ll her \u00ed dag. Takk til Havnar Hornorkestur fyri g\u00f3\u00f0an hornt\u00f3nleik, sum alt\u00ed\u00f0.<\/p>\n\n\n\n

– Poul F. yrkti um Havnina sum F\u00f8royalands mi\u00f0st\u00f8\u00f0u. Og t\u00e1 ein stendur her vi\u00f0 eini b\u00fdr\u00e1\u00f0sumsiting \u00f8\u00f0rumegin vegin, sum umbo\u00f0ar 42,5% av F\u00f8roya f\u00f3lki, og okkara felags l\u00f3gg\u00e1vutingi hinumegin, so kennist hetta fyri mong sum heimsins nalvi.<\/p>\n\n\n\n

– Fyri hei\u00f0ursborgaran William Heinesen var Havnin ikki bert h\u00f8vu\u00f0ssta\u00f0ur \u00ed l\u00edtlum oyggjalandi; Havnin var sanniliga eisini mi\u00f0depilin \u00ed \u00f8llum heiminum! William skrivar:<\/p>\n\n\n\n

\u201cHer var ta\u00f0, at s\u00f3l og m\u00e1ni v\u00edstu seg \u00e1 fyrsta sinni, her er sta\u00f0urin, har n\u00e1tt og dagur v\u00f3r\u00f0u til, her valdar enn hitt su\u00f0andi frummyrkri\u00f0, ha\u00f0ani allir lutir komu og spruttu \u00ed fagran bl\u00f3ma.\u201d<\/em><\/strong><\/p>\n\n\n\n

– William Heinesen skrivar eisini einasta\u00f0ni um, hvussu ta\u00f0 var her \u00e1 Vaglinum fyri meira enn eini \u00f8ld s\u00ed\u00f0an:<\/p>\n\n\n\n

\u201c\u00c1 \u00c1arvegnum gingu vit um summari\u00f0 \u00ed eini gandaver\u00f0 vi\u00f0 tutlandi vatni og bleiktrandi leyvi, einum \u00e6vint\u00fdri av ripsrunnum, gullregni og roynivi\u00f0i…\u201d<\/em><\/strong><\/p>\n\n\n\n

– Andrias Ziska, sum var so g\u00f3\u00f0ur vi\u00f0 f\u00f8\u00f0ib\u00fdin Havnina, skrivar \u00ed b\u00f3kini \u201cL\u00edv og v\u00f8kstur\u201d, at \u201cT\u00f3rshavn er sta\u00f0urin, har f\u00f3lk hugna s\u00e6r, og v\u00f3n tilflytaranna at f\u00e1a st\u00f8\u00f0ugt arbei\u00f0i\u201d. Eg vil siga, at so er enn, har vit n\u00fa lata mi\u00f0b\u00fdin \u00ed n\u00fdggjan hugnaligan og virkisgla\u00f0an ham. Ta\u00f0 lei\u00f0ir tankarnar til okkara slagor\u00f0 \u00ed Havn: Vakin og virkin – alt l\u00edvi\u00f0!<\/p>\n\n\n\n

– Niels Finsens g\u00f8ta var fyrsta g\u00f8ta \u00ed F\u00f8royum, sum hev\u00f0i gongubreytir b\u00e1\u00f0umegin. Navni\u00f0 Vagli\u00f0 sigst koma av, at her s\u00f3tu ungd\u00f3mar \u00e1 gelendaranum framvi\u00f0 \u00e1nni, eins og h\u00f8nur og hanar \u00e1 einum vagli. Vagli\u00f0 var savningarsta\u00f0i\u00f0 her \u00ed Havn.<\/p>\n\n\n\n

– Mong hava s\u00e6\u00f0 hugnaligu \u00f3lavs\u00f8kumyndirnar av \u00e1nni vi\u00f0 f\u00fdramannafarinum fl\u00f3tandi \u00ed hylinum \u2013 og ikki minni sjarmerandi og hugnaligar v\u00f3ru vetrarmyndirnar av Vaglinum. \u00cd l\u00f8tuni hava vit frams\u00fdning av gomlum myndum av Havnar\u00e1 \u00ed Snarskivuni hj\u00e1 \u00f8llum at s\u00edggja.<\/p>\n\n\n\n

– Her ni\u00f0anfyri Tingh\u00fasv\u00f8llin var St\u00f3ridammur, har havnarf\u00f3lk t\u00f3ku drekkivatn. Niels Finsensg\u00f8ta, sum n\u00fa er 120 \u00e1ra gomul, var ey\u00f0kend vi\u00f0 st\u00f3ru tr\u00f8unum, sum longu st\u00f3\u00f0u her, t\u00e1 Havnar\u00e1 var opin millum kioskina og Tingh\u00fasi\u00f0.<\/p>\n\n\n\n

– Tr\u00f8ini aftanfyri gamla meinigheitsh\u00fasi\u00f0 fr\u00e1 1896 \u2013 sum n\u00fa er b\u00fdr\u00e1\u00f0ssalur \u2013 eru leivdir av gomlu urtag\u00f8r\u00f0unum, sum v\u00f3ru framvi\u00f0 g\u00f8tuna.<\/p>\n\n\n\n

– \u00c1 \u00f3lavs\u00f8ku er fr\u00edggingarmyrkt, var gamalt at taka til. Og her, sum \u00e1in liggur, var \u00ed gomlum d\u00f8gum ein sm\u00f8l g\u00f8ta, har ta\u00f0 helst hevur veri\u00f0 hugnaligt hj\u00e1 ungum p\u00f8rum at ganga \u00ed h\u00e1lvask\u00fdmingini, t\u00ed g\u00f8tan fekk ikki anna\u00f0 navn enn K\u00e6rlighedsstien.<\/p>\n\n\n\n

– N\u00f8kur av st\u00f8rstu og vakrastu tr\u00f8unum \u00ed landinum s\u00edggjast framvegis her \u00ed \u00f8kinum og skapa ein fj\u00e1lgan og livandi d\u00e1m \u00ed mi\u00f0b\u00fdnum.<\/p>\n\n\n\n

– Sj\u00e1lvur gekk eg \u00ed sk\u00fala her, sum R\u00e1\u00f0h\u00fasi\u00f0 er \u00ed dag. Fyrsta sk\u00fala\u00e1ri\u00f0 l\u00e1 \u00e1in opin her \u00e1 Vaglinum. Eg minnist g\u00f3\u00f0ar l\u00f8tur vi\u00f0 sk\u00f3tunum \u2013 millum anna\u00f0 Tingakrossrennningina \u00far Tj\u00f8rnuv\u00edk, sum enda\u00f0i vi\u00f0 st\u00f3rari b\u00e1lbrenning \u00e1 Vaglinum.<\/p>\n\n\n\n

– Eg minnist t\u00e1 \u00e1in rann \u00far Villingardali oman \u00ed Gundadal, oman gj\u00f8gnum Plantasjuna, framvi\u00f0 Sj\u00f3nleikarh\u00fasinum oman \u00e1 Vagli\u00f0 framvi\u00f0 Tingh\u00fasgar\u00f0inum og oman undir Kongabr\u00fanna.<\/p>\n\n\n\n

– Sum fr\u00e1lei\u00f0 gj\u00f8rdist \u00f3gj\u00f8rligt at halda \u00e1nna reina, og t\u00e1verandi b\u00fdr\u00e1\u00f0 l\u00f8gdu dekk yvir Havnar\u00e1 \u00ed fleiri st\u00f8\u00f0um. T\u00ed\u00f0liga \u00ed fimti\u00e1runum var\u00f0 betondekk lagt \u00e1 Havnar\u00e1 fr\u00e1 Vaglinum oman \u00e1 Kongabr\u00fanna.<\/p>\n\n\n\n

Sohv\u00f8rt fleiri h\u00fas v\u00f3r\u00f0u bygd, f\u00f3r \u00e1in undir heilt.<\/p>\n\n\n\n

—<\/p>\n\n\n\n

– Vi\u00f0 visj\u00f3nini fyri h\u00f8vu\u00f0ssta\u00f0in var\u00f0 hugskots- og prosjektkappingin fyri mi\u00f0b\u00fdin hildin \u00ed 2014. B\u00e6\u00f0i kappingin og seinni Mi\u00f0b\u00fdar\u00e6tlanin fr\u00e1 2016 arbei\u00f0a b\u00e1\u00f0ar fyri, at b\u00fdurin gerst \u00e1hugaverdur og savnandi fyri \u00f8ll og \u00ed \u00f8llum aldursb\u00f3lkum.<\/p>\n\n\n\n

– B\u00fdar\u00f8kini skulu skapa m\u00f8guleika fyri uppihaldi hj\u00e1 f\u00f8royingum og fer\u00f0af\u00f3lki, og t\u00ed skal T\u00f3rshavnar kommuna skapa karmar fyri einum n\u00e1tt\u00farligum samsp\u00e6li millum hesi.<\/p>\n\n\n\n

– Eins og gl\u00e6man fr\u00e1 kertulj\u00f3si hugfangar okkum, so er vi\u00f0 \u00e1artutli. Vi\u00f0 \u00e1nni ver\u00f0ur lj\u00f3\u00f0myndin her \u00e1 Vaglinum aftur fylt vi\u00f0 t\u00f3nandi \u00e1artutli, sum b\u00e6\u00f0i hugtekur og stillar sinni\u00f0 sum mental og b\u00fdarlig v\u00e6lvera.<\/p>\n\n\n\n

– Hetta er t\u00ed ein st\u00f3r l\u00f8ta fyri okkum. Hetta er fyribils endin \u00e1 einum kjaki um mi\u00f0b\u00fdin, sum hevur vart \u00ed meira enn h\u00e1lva \u00f8ld. N\u00fa vit taka n\u00fdggju \u00e1nna \u00ed br\u00fak er hetta eitt beinlei\u00f0is \u00e1tak fyri at geva b\u00fdnum enn eitt vakurt og hugnaligt b\u00fdarr\u00fam til okkum \u00f8ll at nj\u00f3ta.<\/p>\n\n\n\n

– T\u00ed \u00ed dag taka vit eitt st\u00f3rt stig fram \u00edm\u00f3ti at gera Vagli\u00f0 og alt b\u00fdarr\u00fami\u00f0 kring Vagli\u00f0 aftur til meginsavningarsta\u00f0i\u00f0 \u00ed b\u00fdnum.<\/p>\n\n\n\n

– Eg kenni meg sannf\u00f8rdan um, at vit \u00f8ll eru g\u00f3\u00f0 vi\u00f0 okkara b\u00fd, og saman fegnast vit um \u00f8ll tilt\u00f8k, sum skapa trivna\u00f0 og hugna \u00ed b\u00fdnum – og t\u00edskil r\u00f8kja og fara vit v\u00e6l um ta\u00f0, vit eiga felags.<\/p>\n\n\n\n

– Her hava arkitektar, verkfr\u00f8\u00f0ingar og politikkarar valt at lata gera eina \u00e1, sum rennir gullrein \u00far sparikassat\u00faninum oman til Rasmus, sum helst eisini fegnast um n\u00fdggja \u00fats\u00fdni\u00f0.<\/p>\n\n\n\n

—<\/p>\n\n\n\n

– Eg kann nevna, at \u00e1in er umlei\u00f0 110 metrar long, breiddin er \u00far 2,3 metrum upp \u00ed 3,5 metrar. D\u00fdbdin er \u00far umlei\u00f0 10 cm upp \u00ed 40 cm.<\/p>\n\n\n\n

– Vatni\u00f0 spr\u00edkir \u00fat \u00far dysum og \u00e1in hevur filtur eins og hon er tryggja\u00f0 m\u00f3ti yvirfloti. Ta\u00f0 tekur bert l\u00edtla l\u00f8tu at t\u00f8ma og fylla \u00e1nna aftur. Okkara dugnaliga Reinhald kemur at umsita og r\u00f8kja \u00e1nna.<\/p>\n\n\n\n

– S\u00e1ttm\u00e1li um n\u00fdggju \u00e1nna var undirskriva\u00f0ur vi\u00f0 J&K Petersen tann 4. juli \u00ed fj\u00f8r. Eg skal her n\u00fdta h\u00f8vi\u00f0 at takka stj\u00f3ranum Sigt\u00f3ri Petersen og hansara f\u00f3lki fyri gott arbei\u00f0i. Ein serlig t\u00f8kk til Hilbert Elison, prosjektlei\u00f0ara, fyri avbera gott samstarv.<\/p>\n\n\n\n

– Zeta Arkitektar og Melcon Verkfr\u00f8\u00f0ingar hava veri\u00f0 r\u00e1\u00f0gevandi \u00ed hesi verk\u00e6tlan. Gr\u00f3ti\u00f0 er alt skori\u00f0 \u00e1 F\u00f8roya Gr\u00f3tvirki \u00ed Skopun, og eg fari at takka H\u00f8gna Tausen og toyminum hj\u00e1 gr\u00f3tvirkinum fyri eitt fram\u00far flott avrik. Blikksmi\u00f0jan hevur veri\u00f0 undirveitari hj\u00e1 teimum.<\/p>\n\n\n\n

– Gartnaraarbei\u00f0i\u00f0 er gj\u00f8rt av Pf. Havanum, V\u00f8gg Debess hevur gj\u00f8rt gelendaran, sum l\u00edkist akkur\u00e1t gamla gelendaranum, sum gav Vaglinum navn. Og elarbei\u00f0i\u00f0 er gj\u00f8rt av Install.<\/p>\n\n\n\n

– ByggiConsult hevur havt verk\u00e6tlanarlei\u00f0sluna fyri T\u00f3rshavnar kommunu. Og takk til okkara egnu umsiting, sum eisini hava veri\u00f0 vi\u00f0 til at ment hesa verk\u00e6tlan.<\/p>\n\n\n\n

– Ta\u00f0 er Brandur Patursson og Tr\u00f3ndur, sum hevur listpr\u00fdtt \u00e1nna vi\u00f0 glasi, lj\u00f3si og gr\u00f3ti. Tilsamans eru t\u00f3lv standmyndir \u00far glasi, sum myndlistarliga taka st\u00f8\u00f0i \u00ed trappuni \u00e1 Perlugrundini.<\/p>\n\n\n\n

– Vit eru sera errin av t\u00ed arbei\u00f0i, sum er gj\u00f8rt her. Hetta er f\u00f8royskt handverk av besta slag, alt gj\u00f8rt vi\u00f0 n\u00e6rlagni og eldhuga. Her ver\u00f0ur trivna\u00f0ur \u2013 kioskin \u00e1 Vaglinum, kioskin hj\u00e1 Astu, hevur fingi\u00f0 luft og n\u00fdggja rey\u00f0b\u00f3kin bl\u00f3mar og vit fegnast.<\/p>\n\n\n\n

– Eg fegnist eisini um, at ta\u00f0 hevur bori\u00f0 til at framt hesa verk\u00e6tlan vi\u00f0 n\u00e6rum fullari semju \u00ed b\u00fdr\u00e1\u00f0num, og at l\u00f8gtingi\u00f0 eisini hevur stu\u00f0la\u00f0 f\u00edggjarliga. Fyri l\u00f8gtingsh\u00fasi\u00f0 gevur \u00e1in saman vi\u00f0 tingh\u00fasv\u00f8llinum annars eina n\u00e1tt\u00faruvakra frams\u00ed\u00f0u mitt \u00ed h\u00f8vu\u00f0ssta\u00f0num.<\/p>\n\n\n\n

– Hjartaliga takk \u00f8ll somul, sum hava gj\u00f8rt hesa \u00e6tlan m\u00f8guliga. Takk til \u00edb\u00fagvarnar \u00ed mi\u00f0b\u00fdnum fyri \u00f3metaligt tolni \u00ed sambandi vi\u00f0 arbei\u00f0i\u00f0. Og enn einafer\u00f0: Takk fyri einastandandi gott f\u00f8royskt handverk.<\/p>\n\n\n\n

– Hetta er eisini ein av st\u00f8rstu d\u00f8gunum hj\u00e1 m\u00e6r at uppliva, at Havnar\u00e1 letur upp aftur. Lati\u00f0 okkum ynskja okkum \u00f8llum somlum hjartaliga til lukku vi\u00f0 Havnar\u00e1.<\/p>\n\n\n\n

– T\u00f8kk f\u00e1i Havnin og f\u00f3lki\u00f0, her b\u00fdr. Takk fyri og hjartaliga tillukku, seg\u00f0i He\u00f0in Mortensen, borgarsjt\u00f3ri, at enda.<\/p>\n\n\n\n

<\/a><\/p>\n\n\n\n

\"a<\/figure>\n\n\n\n

<\/a><\/p>\n\n\n\n

\"a<\/figure>\n\n\n\n

<\/a><\/p>\n\n\n\n

\"a<\/figure>\n\n\n\n

<\/a><\/p>\n\n\n\n

Kelda & myndir: torshavn.fo<\/sub><\/sup><\/p>\n","protected":false},"excerpt":{"rendered":"

Ta\u00f0 var sum \u00e1 \u00f3lavs\u00f8ku \u00ed mi\u00f0b\u00fdnum \u00ed dag, t\u00e1 n\u00fdggja Havnar\u00e1 alment var\u00f0 latin upp og tikin \u00ed n\u00fdtslu. Borgarstj\u00f3rin seg\u00f0i, at hetta var ein av st\u00f8rstu d\u00f8gum hj\u00e1…<\/p>\n","protected":false},"author":1,"featured_media":5030,"comment_status":"closed","ping_status":"closed","sticky":true,"template":"","format":"standard","meta":{"content-type":"","_lmt_disableupdate":"","_lmt_disable":"","footnotes":""},"categories":[131],"tags":[],"class_list":["post-5029","post","type-post","status-publish","format-standard","has-post-thumbnail","hentry","category-folk-og-samfelag"],"_links":{"self":[{"href":"https:\/\/24fo.news\/index.php\/wp-json\/wp\/v2\/posts\/5029","targetHints":{"allow":["GET"]}}],"collection":[{"href":"https:\/\/24fo.news\/index.php\/wp-json\/wp\/v2\/posts"}],"about":[{"href":"https:\/\/24fo.news\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/24fo.news\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/24fo.news\/index.php\/wp-json\/wp\/v2\/comments?post=5029"}],"version-history":[{"count":1,"href":"https:\/\/24fo.news\/index.php\/wp-json\/wp\/v2\/posts\/5029\/revisions"}],"predecessor-version":[{"id":5031,"href":"https:\/\/24fo.news\/index.php\/wp-json\/wp\/v2\/posts\/5029\/revisions\/5031"}],"wp:featuredmedia":[{"embeddable":true,"href":"https:\/\/24fo.news\/index.php\/wp-json\/wp\/v2\/media\/5030"}],"wp:attachment":[{"href":"https:\/\/24fo.news\/index.php\/wp-json\/wp\/v2\/media?parent=5029"}],"wp:term":[{"taxonomy":"category","embeddable":true,"href":"https:\/\/24fo.news\/index.php\/wp-json\/wp\/v2\/categories?post=5029"},{"taxonomy":"post_tag","embeddable":true,"href":"https:\/\/24fo.news\/index.php\/wp-json\/wp\/v2\/tags?post=5029"}],"curies":[{"name":"wp","href":"https:\/\/api.w.org\/{rel}","templated":true}]}}