Ein sunnudag \u00ed 1938 \u2013 hin 21. august \u2013 stendur ein 19 \u00e1ra gomul glyvragenta alspent \u00e1 Skarvakletti \u00ed N\u00f3lsoy. \u00cd svimjib\u00fana smurd inn \u00ed feitt loypur hon \u00e1 bl\u00e1man kl. 16:22. Hon er ikki \u00f8rindaleys \u2013 \u00e6tlar s\u00e6r til Havnar. N\u00f3lsoyingar veglei\u00f0a um r\u00e1k og fr\u00e6gastu farlei\u00f0 og Poul Petersen, \u00edtr\u00f3ttarr\u00e1\u00f0gevi, hevur tiki\u00f0 \u00e1 seg at skipa fyri fer\u00f0ini. Gentan eitur Maria Jacobsen og er \u00far Hvalsinsr\u00e6tt, d\u00f3ttir Mathildu og Martin, i\u00f0 var slekta\u00f0ur av S\u00fdnuni. Seinri giftist hon \u00ed V\u00e1gi, – har var hon vanliga r\u00f3pt Mia \u00ed Tr\u00f8\u00f0ini. Tingakrossur hev\u00f0i frammanundan sett \u00fat eitt steyp til tann, sum megna\u00f0i at vinna \u00e1 N\u00f3lsoyarfir\u00f0i svimjandi, steypi\u00f0 st\u00f3\u00f0 \u00ed s\u00fdnisglugganum hj\u00e1 Niels L. Arge fram til hendan dagin, t\u00e1i\u00f0 Mia kom svimjandi inn \u00e1 Havnarv\u00e1g. St\u00fagvandi fult av f\u00f3lki st\u00f3\u00f0 \u00fat eftir Molanum, og v\u00e6l var samankomi\u00f0 uppi vi\u00f0 b\u00fdr\u00e1\u00f0sh\u00fasi\u00f0, har f\u00f3lk ynsktu at s\u00edggja hana sum framt hev\u00f0i bragdi\u00f0. Seinri f\u00f3r hon inn \u00e1 Glyvrar vi\u00f0 mj\u00f3lkarb\u00e1tinum Tr\u00f3ndi, og har var eisini st\u00fagvandi fult av f\u00f3lki og t\u00f3k \u00edm\u00f3ti. Hildi\u00f0 ver\u00f0ur, at hendan hendingin fekk st\u00f3ran t\u00fddning fyri svimjingina \u00ed F\u00f8royum. \u00cd februar 1968 svam Bjarni Bjarnastein sama teinin \u00ed froskmannab\u00fana. S\u00ed\u00f0an hava mong roynt hendan og a\u00f0rar teinar kring um F\u00f8royar.
T\u00e1i\u00f0 olympisku leikirnir byrja\u00f0u aftur \u00ed Athen \u00ed 1896, var havsvimjing \u00e1 skr\u00e1nni, og s\u00ed\u00f0an er svimjingin vor\u00f0in ein st\u00f3r \u00edtr\u00f3ttargrein \u00ed heimsh\u00f8pi, har i\u00f0 f\u00f8royingar eisini hava gj\u00f8rt vart vi\u00f0 seg. Ta\u00f0 var leingi eitt r\u00e1k \u00ed t\u00ed\u00f0ini at svimja longri teinar \u2013 eisini millum lond. Tiltikin er kapteynurin Matthew Webb, sum \u00ed 1875 svam \u00far Dover til Calais \u00ed 21 t\u00edmar og 45 minuttir. Fyrsta kvinnan sum svam um Ermasund var Gertrude Ederle \u2013 hetta var \u00ed 1926, og kanska hevur hetta r\u00e1ki\u00f0 eisini bori\u00f0 vi\u00f0 her \u00e1 landi, solei\u00f0is, at Mia \u00ed Hvalsinsr\u00e6tt t\u00f3k hetta \u00f3vanliga stigi\u00f0 \u00ed 1938. Hon l\u00e6rdi at svimja her \u00e1 fj\u00f8r\u00f0inum \u2013 hylur var og er ongin, h\u00f3ast konturarnir n\u00fa s\u00edggjast av einum frambroti \u00e1 t\u00ed m\u00f3tinum.
T\u00e1i\u00f0 teir st\u00f3ru framhaldssk\u00falarnir v\u00f3r\u00f0u bygdir kring um landi\u00f0, serliga \u00ed fimmti- og seksti\u00e1runum, var ta\u00f0 ikki so sj\u00e1ldan, at man, umframt eina trivaliga fimleikah\u00f8ll, eisini leg\u00f0i ein minni svimjihyl inn \u00ed verk\u00e6tlanina. Hetta hendi ikki \u00e1 Glyvrum. Naka\u00f0 eftir at sk\u00falin var li\u00f0ugur, t\u00f3ku menn seg saman \u2013 ta\u00f0 v\u00f3ru bara 17 menn \u00e1 fundinum hin 27. februar \u00ed 1964 – har semja var um at stovna eitt svimjifelag og at \u00fatvega felagnum eitt grund\u00f8ki dygst omanfyri sk\u00falan. Alt fall v\u00e6l \u00ed lag. Grivi\u00f0 var\u00f0 \u00fat, men so hendi ikki meiri. Ors\u00f8kirnar kunnu vera mangar, helst hevur kommunalpolitiska \u00f3r\u00f3gvin \u00e1 herm\u00f3tinum millum partar \u00ed t\u00e1verandi kommunu og vantandi f\u00edgging veri\u00f0 ein for\u00f0ing. Neptun er kortini til enn, og v\u00f3nandi f\u00e6st l\u00edv \u00ed felagi\u00f0 aftur, n\u00fa allar fyritreytir vera til sta\u00f0ar fyri einum virknum felagsl\u00edvi, t\u00e1i\u00f0 hendan svimjih\u00f8llin stendur t\u00f8k hj\u00e1 okkum \u00f8llum at br\u00faka um eitt \u00e1r \u2013 ella har \u00e1 lei\u00f0.
St\u00f3rar rembingar eru farnar fram \u00ed kommunalinum, eisini eftir at Nes S\u00f3knar kommuna gekk sundur pr. 1 apr\u00edl \u00ed 1967. Samanleggingarnar fyrst \u00ed hesari \u00f8ldini h\u00f8vdu vi\u00f0 s\u00e6r, at vit n\u00fa h\u00fasast \u00ed tri\u00f0ju st\u00f8rstu kommunu \u00ed landinum, sum r\u00f8kkur av Tinghelluni nor\u00f0ur \u00e1 F\u00f8rjaklettin. Fimm kommunur l\u00f8gdu saman, og h\u00f3ast t\u00e6r v\u00f3ru v\u00e6l \u00fatgj\u00f8rdar \u00e1 mongum m\u00f3tum, so \u00e1tti ongin teirra tann fasilitetin, sum gevur f\u00f3lki m\u00f8guleikan at svimja.
Sj\u00e1lvur l\u00e6rdi eg at halda m\u00e6r uppi \u00e1 einum skipsdekki onkusta\u00f0ni \u00e1 lei\u00f0ini millum Valpara\u00edso og New York. Nakrar fjalar og ein segld\u00fakur var ta\u00f0 sum skuldi til fyri seinri at vinna \u00e1 jar\u00f0arinnar tyngdarmegi \u00e1 G\u00f8tu sandi og \u00ed svimjingarhylinum omanvert sk\u00falan vi\u00f0 G\u00f8tugj\u00f3gv. G\u00f3\u00f0 seksti \u00e1r eru umli\u00f0in s\u00ed\u00f0an hin fam\u00f8sa fundin \u00ed Glyvra sk\u00fala, og ta\u00f0 er ikki ov n\u00f3gv sagt, at n\u00f3gv valevni \u00f8ll hesi \u00e1rini hava roynt seg vi\u00f0 hesum sama agninum – svimjih\u00f8llini. Hugskotini hava ikki troti\u00f0, men ivaleyst hevur veruleikin yvirh\u00e1la\u00f0 m\u00f8guleikan hv\u00f8rja fer\u00f0. F\u00edggjarligi veruleikin foykti verkliga m\u00f8guleikan. \u00cd skj\u00f3tum f\u00f3lkav\u00f8kstri kann ta\u00f0 vera avbj\u00f3\u00f0andi at navigera millum verkligu og f\u00edggjarligu ra\u00f0festingarnar, og kanska var l\u00f8tan ikki komin fyrrenn n\u00fa, ella sum Voltaire gamli t\u00f3k til \u00e1 sinni, ta\u00f0 r\u00e6\u00f0ur um at handla, t\u00e1i\u00f0 s\u00f8gan opnar gapi\u00f0 fyri m\u00f8guleikanum.
T\u00e1i\u00f0 hendan h\u00f8llin stendur li\u00f0ug – hon er \u00ed grundini ikki anna\u00f0 enn eitt nat\u00farligt og logiskt framhald av t\u00ed, sum frammanundan er vi\u00f0urfarist um hesi sv\u00e6\u00f0i \u2013 sum byrja\u00f0i vi\u00f0 f\u00f3tb\u00f3ltsv\u00f8llinum \u00ed 1972 \u2013 hevur hon umsitingarliga og politiskt veri\u00f0 serliga \u00e1s\u00fdnilig. Fylt almiki\u00f0 \u00ed skipanini, og t\u00e1i\u00f0 hon stendur li\u00f0ug um eitt \u00e1r, eru 10 \u00e1r og t\u00fasundtals t\u00edmar br\u00faktir av mongum dugandi f\u00f3lkum, s\u00ed\u00f0an loyst var \u00far lagdi og leikur t\u00f3k s\u00edna byrjan. Skiftandi uppskot og sn\u00f8ggingar hava runni\u00f0 \u00e1 fr\u00e1 byrjan, men solei\u00f0is sum hon n\u00fa liggur \u00ed \u00e6tlan, var hon h\u00f8lva\u00f0 til, hin dagin vit b\u00e1\u00f0ir Kjartan skriva\u00f0u undir \u00ed n\u00fdggja b\u00fdr\u00e1\u00f0ssalinum \u00e1 Glyvrum h\u00f3sdagin hin 27. oktober 2022 kl. 15, – eftir at b\u00fdr\u00e1\u00f0i\u00f0 ums\u00ed\u00f0ir hev\u00f0i samtykt at fara undir at fremja hendan 60 \u00e1ra gamla dreymin.
B\u00fdr\u00e1\u00f0 standa oman\u00e1 f\u00f3lksins vilja \u00ed eina t\u00ed\u00f0 \u2013 hetta eru t\u00edbetur demokratisku sp\u00e6lireglurnar. N\u00f8gdsemi og misn\u00f8gd kunnu umsetast til atkv\u00f8\u00f0ur fj\u00f3r\u00f0a hv\u00f8rt \u00e1r. To be or not to be, sum Shakespeare gamli t\u00f3k til. T\u00fa kanst vera ella ikki vera, alt eftir sum reykurin stendur \u00ed veljarafj\u00f8ldini. Hesi 9 \u00e1rini ber til at siga, at j\u00fast hendan verk\u00e6tlanin hevur havt legitimitet \u00ed st\u00f3rum parti av fj\u00f8ldini, og t\u00e1i\u00f0 vit n\u00e6rka\u00f0ust grand finaluni \u00ed m\u00e1linum, l\u00f8tuni, t\u00e1i\u00f0 avger\u00f0in skuldi takast \u00e1 politiska parnassinum, kom fyrst Kvinnufelagi\u00f0 inn \u00e1 pallin vi\u00f0 stu\u00f0landi t\u00ed\u00f0indaskrivi, og t\u00e1 arbei\u00f0arafelagi\u00f0 opna\u00f0i dyrnar fyri ressingarfundi kv\u00f8ldi\u00f0 fyri atkv\u00f8\u00f0ugrei\u00f0sluna, t\u00e1 kendist ta\u00f0 sum, at m\u00f8guleikin var st\u00f8rri enn hann kanska hev\u00f0i veri\u00f0. Vit, sum tilvildarliga s\u00f3tu har fyri eitt f\u00fdra \u00e1ra skei\u00f0, vi\u00f0 heimildini at disponera yvir tykkara og okkara f\u00edggjarf\u00e6i, t\u00f3ku eina avger\u00f0 sum sj\u00e1lvandi fyllir n\u00f3gv – ikki minst f\u00edggjarliga. Skuldin veksur av \u00edl\u00f8guni, gaman\u00ed, men tr\u00fagva vit \u00e1 eina bjarta framt\u00ed\u00f0 fyri kommunu og tj\u00f3\u00f0 okkara, fer eisini hetta at bera til. Vit hava tiki\u00f0 eina avger\u00f0 tykkara vegna, tit og vit eiga \u00edl\u00f8guna, og meira s\u00e6st n\u00fa eftir optimistarnar, heldur enn pessimistarnar, \u00e1 s\u00f8gunnar sl\u00f3\u00f0.
Landi\u00f0 er l\u00edti\u00f0, men havi\u00f0 er st\u00f3rt. Ongasta\u00f0ni er lutfalli\u00f0 millum land og hav st\u00f8rri enn j\u00fast \u00ed F\u00f8royum. F\u00e1ar sta\u00f0ir \u00ed heimi b\u00faleika og virka menniskju so t\u00e6tt at nat\u00faru og sj\u00f3gvi sum j\u00fast her, eisini t\u00ed eiga vit \u00f8ll at duga kynstri\u00f0 at svimja.
70% av jar\u00f0arinnar \u00fatskinni \u2013 yvirflatan \u2013 er vatn og sj\u00f3gvur. \u00c1 lei\u00f0 70% av mannakroppinum er vatn, ikki minst h\u00fa\u00f0in, og hartil eru vit komin svimjandi til l\u00edvi\u00f0 \u00edgj\u00f8gnum fosturvatni\u00f0 hj\u00e1 mammum okkara. \u00c1hugaverdar javnv\u00e1gir \u00ed Skapanarverkinum, sum s\u00edggjast aftur \u00ed atfer\u00f0ini hj\u00e1 eitt n\u00fa heilt sm\u00e1um \u00f3vitum. Sleppa teir framat vatni ella sj\u00f3gvi fara teir \u00ed eitt vi\u00f0 hesi, h\u00f3ast teir hava l\u00edti\u00f0 meiri enn gonguvit, ta\u00f0 dregur \u00edmillum, substansurin er hin sami. \u00cd k\u00f8ksvaskinum, seinri \u00ed einum hyli, gili, eini \u00e1 ella ni\u00f0ri \u00ed fj\u00f8runi. Alt ein nat\u00farlig gongd, t\u00ed v\u00f3ru vatn og sj\u00f3gvur ikki, v\u00f3ru vit heldur ikki. Ta\u00f0 r\u00e6\u00f0ur bara um at l\u00e6ra seg at liva saman vi\u00f0 hesum veruleika, sum vit \u00ed \u00f3lukkum\u00e1ta eru ein partur av \u00ed a\u00f0rar m\u00e1tar. N\u00f3gv st\u00f8rsti parturin av menniskjans bl\u00f3\u00f0i er eisini vatn, og r\u00e1mandi er ta\u00f0, at saltkonsentrati\u00f3nin \u00ed hesum sama bl\u00f3\u00f0i er j\u00fast hin sama sum \u00ed havsins sj\u00f3gvi. Ein \u00e1hugaverd kv\u00f8rn \u2013 l\u00edvi\u00f0.
T\u00e1i\u00f0 vit fluttu \u00far G\u00f8tu \u00fat \u00e1 Glyvrar einafer\u00f0 \u00ed seksti\u00e1runum st\u00f3\u00f0 illa til vi\u00f0 svimjing um hesar lei\u00f0ir. Minnist meg r\u00e6tt dugdi ongin at halda s\u00e6r uppi \u00ed t\u00ed flokkinum sum eg enda\u00f0i \u00ed. Onkur l\u00f8ta \u00ed fj\u00f8runi ni\u00f0anfyri sk\u00falan, og onkur hendinga fer\u00f0 su\u00f0ur \u00ed gamla svimjihylin \u00ed Gundadali, muna\u00f0u l\u00edti\u00f0, – kanska batna\u00f0i ta\u00f0 naka\u00f0, eftir at vit sj\u00e1lvi f\u00f3ru undir at stima yvir \u00e1 Strendur, sum t\u00e1 hev\u00f0i fingi\u00f0 ein sk\u00falahyl bygdan. Trey\u00f0ugt so, onkur fann sj\u00e1lvur \u00fat av t\u00ed, men yvirh\u00f8vur var st\u00f8\u00f0an \u00fassalig. Kanningar hava eisini v\u00edst, at ungd\u00f3mar okkara ikki eru v\u00e6l fyri \u00e1 hesum m\u00f3tinum.
Eitt anna\u00f0 \u00e1hugavert fyribrigdi t\u00f3k seg kortini upp fyri n\u00f8krum \u00e1rum s\u00ed\u00f0an \u2013 havsvimjing og dypping. Kommunan bygdi Heimistovuneysti\u00f0 uppaftur \u00ed \u00d3sanum fr\u00e1 Gj\u00f3nni, og \u00e6tlanin var at seta ein eldri b\u00e1t inn hagar \u2013 \u00e6tla\u00f0 sum savn, men \u00e1\u00f0renn b\u00e1turin var komin, var\u00f0 neysti\u00f0 hersett av st\u00f3rum fylgi av dyppandi konum, og n\u00fa vendist neyvan aftur \u00ed t\u00ed m\u00e1linum. T\u00e6r hava tiki\u00f0 yvir, har i\u00f0 Mia \u00ed Hvalsinsr\u00e6tt slepti, t\u00e1i\u00f0 hon gj\u00f8rdist Mia \u00ed Tr\u00f8\u00f0ini su\u00f0uri \u00ed V\u00e1gi.
Ein svimjih\u00f8ll er fyri alt f\u00f3lki\u00f0, – fyrst og fremst. \u00d8ll hugskot hesi \u00e6tlanini vi\u00f0v\u00edkjandi hava havt til endam\u00e1ls, at fremja eina \u00e6tlan fyri fj\u00f8ldina. Kortini valdu vit loysnina vi\u00f0 8 geilum fyri at r\u00fama so n\u00f3gvum \u00ed t\u00ed st\u00f3ra hylinum sum gj\u00f8rligt, eisini kappingar\u00edtr\u00f3ttini. V\u00e6ntandi fer svimjifelagi\u00f0 Neptun n\u00fa at taka s\u00edtt starv uppaftur solei\u00f0is, at eisini hetta \u00f8ki\u00f0 kann gera seg galdandi \u00ed kapping vi\u00f0 a\u00f0rar partar av landinum og \u00fati \u00ed heimi, har teir alra bestu svimjararnir kappast \u00ed ymsum disciplinum \u00ed hinum v\u00e1ta elementinum. \u00cd mun til a\u00f0rar \u00edtr\u00f3ttagreinar kann svimjingin \u00fatinnast av \u00f8llum \u00far v\u00f8ggu \u00ed gr\u00f8v \u2013 ja, ta\u00f0 er l\u00edkamiki\u00f0 hvussu ein annars er likamliga \u00fatborin, so ber ta\u00f0 til at f\u00e1a okkurt burtur\u00far undir vatni. \u00darm\u00e6lingarnir herja \u00e1 \u00ed kappingum, solei\u00f0is rennur alt upp \u00ed eina h\u00e6gri eind, og solei\u00f0is fer ta\u00f0 at vera, t\u00e1i\u00f0 hesin n\u00fdggi m\u00f8guleikin stendur okkum \u00ed bo\u00f0i um eitt \u00e1r. Ikki v\u00edst at \u00f8ll kunnu gera Miu \u00ed Halsinsr\u00e6tt kynstri\u00f0 eftir, at svimja \u00far N\u00f3lsoy inn \u00e1 Havnarv\u00e1g, men minni kann eisini gera ta\u00f0.
Tey eru somiki\u00f0 mong, sum hava havt ein fingur vi\u00f0 \u00ed sp\u00e6linum hesi verk\u00e6tlan vi\u00f0v\u00edkjandi, at ikki ber til at nevna n\u00f8vn \u00ed dag. Ongin nevndur ongin gloymdur. Gott og v\u00e6l 4 t\u00fasund og 4 hundra\u00f0 borgarar eiga hesa h\u00f8llina og koma at borga fyri hana. Onkur t\u00f3k avger\u00f0ina, til ta\u00f0 hava vit eina politiska skipan, men onki bar til uttan tykkum, sum aksla\u00f0u skinnini vi\u00f0 \u00e6tlanina. St\u00f3ra takk \u00f8ll somul.
N\u00fa um dagarnar gj\u00f8rdu vit eitt rend oman til b\u00fdarinnar b\u00fd – Par\u00eds. \u00cd n\u00f3gv \u00e1r hava fraklendingar og onnur ilskast um hina illa d\u00e1lka\u00f0u \u00e1nna Seinen, sum rennur \u00edgj\u00f8gnum h\u00f8vu\u00f0sborgina. \u00cd \u00e1r vera olympisku leikirnir hildnir \u00ed b\u00fdnum, og n\u00f3gv er gj\u00f8rt fyri at reinsa \u00e1nna aftur. So v\u00e6l er ta\u00f0 n\u00fa komi\u00f0 \u00e1lei\u00f0is vi\u00f0 hesum, heldur borgarstj\u00f3rin Anne Hidalgo, at hon fyri l\u00edtlari viku s\u00ed\u00f0an leyp \u00e1 bl\u00e1man \u00ed \u00e1nni – \u00ed svimjidrakt og brillum \u2013 til tess at pr\u00f3gva fyri \u00f8llum heiminum, at Seinen \u00e1in n\u00fa er ivaleysa rein til at svimja \u00ed og harvi\u00f0 vandaleys fyri so mangt anna\u00f0.
Hv\u00f8r i\u00f0 ver\u00f0ur tann fyrsti ella fyrsta at leypa \u00e1 bl\u00e1man her vi\u00f0 L\u00f8kina um eitt \u00e1r, \u00ed eini h\u00f8ll sum burturav ver\u00f0ur hita\u00f0 upp vi\u00f0 gr\u00f8nari orku, ja, ta\u00f0 spyrst um livst.<\/p>\n\n\n\n
Kelda & mynd: runavik.fo – 23. juli 2024<\/sub><\/sup><\/p>\n\n\n\n 23. juli 2024<\/p>\n\n\n\n \u00d3lavur Frederiksen t\u00f3k myndirnar<\/p>\n\n\n\n Myndir fr\u00e1: runav\u00edk.fo <\/p>\n\n\n\n <\/p>\n","protected":false},"excerpt":{"rendered":" R\u00f8\u00f0a, sum borgarstj\u00f3rin flutti fram, n\u00fa reisigildi var fyri n\u00fdggju svimjih\u00f8llini \u00ed Runav\u00edk \u00ed dag Fleiri myndir ni\u00f0ast Ein sunnudag \u00ed 1938 \u2013 hin 21. august \u2013 stendur ein 19…<\/p>\n","protected":false},"author":1,"featured_media":6389,"comment_status":"open","ping_status":"open","sticky":true,"template":"","format":"standard","meta":{"content-type":"","_lmt_disableupdate":"","_lmt_disable":"","footnotes":""},"categories":[124],"tags":[],"class_list":["post-6388","post","type-post","status-publish","format-standard","has-post-thumbnail","hentry","category-fritid-og-itrottur"],"_links":{"self":[{"href":"https:\/\/24fo.news\/index.php\/wp-json\/wp\/v2\/posts\/6388","targetHints":{"allow":["GET"]}}],"collection":[{"href":"https:\/\/24fo.news\/index.php\/wp-json\/wp\/v2\/posts"}],"about":[{"href":"https:\/\/24fo.news\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/24fo.news\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/24fo.news\/index.php\/wp-json\/wp\/v2\/comments?post=6388"}],"version-history":[{"count":1,"href":"https:\/\/24fo.news\/index.php\/wp-json\/wp\/v2\/posts\/6388\/revisions"}],"predecessor-version":[{"id":6390,"href":"https:\/\/24fo.news\/index.php\/wp-json\/wp\/v2\/posts\/6388\/revisions\/6390"}],"wp:featuredmedia":[{"embeddable":true,"href":"https:\/\/24fo.news\/index.php\/wp-json\/wp\/v2\/media\/6389"}],"wp:attachment":[{"href":"https:\/\/24fo.news\/index.php\/wp-json\/wp\/v2\/media?parent=6388"}],"wp:term":[{"taxonomy":"category","embeddable":true,"href":"https:\/\/24fo.news\/index.php\/wp-json\/wp\/v2\/categories?post=6388"},{"taxonomy":"post_tag","embeddable":true,"href":"https:\/\/24fo.news\/index.php\/wp-json\/wp\/v2\/tags?post=6388"}],"curies":[{"name":"wp","href":"https:\/\/api.w.org\/{rel}","templated":true}]}}Myndar\u00f8\u00f0 fr\u00e1 reisigildinum fyri svimjih\u00f8llini<\/h1>\n\n\n\n
![\"\"\/](\"https:\/\/runavik.fo\/upload\/tinymce\/ae7fa8eba19c1cd88c185a3788a6c5ed9a5181e8.jpg\")
<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n<\/a><\/figure>\n\n\n\n