{"id":8001,"date":"2025-01-01T19:52:52","date_gmt":"2025-01-01T19:52:52","guid":{"rendered":"https:\/\/24fo.news\/?p=8001"},"modified":"2025-01-02T00:38:22","modified_gmt":"2025-01-02T00:38:22","slug":"umskifti-og-framtoeka","status":"publish","type":"post","link":"https:\/\/24fo.news\/index.php\/2025\/01\/01\/umskifti-og-framtoeka\/","title":{"rendered":"Umskifti og framt\u00f8ka"},"content":{"rendered":"\n
\"\"
Happy New Year. Old clock on yellow abstract background<\/figcaption><\/figure>\n\n\n\n

R\u00f8\u00f0a, sum T\u00f3rbj\u00f8rn Jacobsen, borgarstj\u00f3ri, flutti fram \u00ed Gulu smi\u00f0ju, n\u00fa vit fluttu fr\u00e1 einum \u00e1ri til anna\u00f0.<\/p>\n\n\n\n

\u00cd heyst var aftur val til tj\u00f3\u00f0arinnar b\u00fd- og bygdar\u00e1\u00f0, og veljarin – borgarin – sum eigur kommunurnar \u2013 hevur gj\u00f8rt av hvussu umbo\u00f0andi valdi\u00f0 skal mannast \u00ed 29 kommunum, m.a. \u00ed Runav\u00edkar kommunu, tey n\u00e6stu f\u00fdra \u00e1rini fr\u00e1 \u00e1 mi\u00f0n\u00e1tt \u00ed kv\u00f8ld at rokna. Onki her \u00ed ver\u00f0ini stendur \u00ed sta\u00f0 \u2013 alt er umskiftandi – \u00ed broyting – innan \u00ed okkum sj\u00e1lvum og \u00ed umhv\u00f8rvinum, vit fer\u00f0ast \u00ed og um. Umskifti kann vera afturgongd ella framt\u00f8ka, og onki er v\u00edsari enn ta\u00f0, at t\u00f3mgongd er ta\u00f0 sama sum afturgongd, serliga \u00ed kappingarst\u00f8\u00f0um.
\u00a0
Ta\u00f0 var Kl\u00e6mint \u00e1 Bakka sum gj\u00f8rdi meg \u00e1huga\u00f0an \u00ed forns\u00f8guni. \u00cd sildini arbeiddu vit n\u00f3gv saman, – h\u00f3ast hann var um h\u00e1lva \u00f8ld eldri enn eg. Ofta var grikska gu\u00f0al\u00e6ran uppi og vendi. Annars skal ein nor\u00f0ma\u00f0ur hava sagt um fer\u00f0ina heim vi\u00f0 damparanum Niels R. Finsen, beint fyri kr\u00edgsbyrjan \u00ed 1939, \u00ed f\u00falasta \u00f3dnarve\u00f0ri v\u00f3ru teir um at ganga burtur \u00e1 Hvarvinum, at: \u201cUm tann rey\u00f0h\u00e6rda kempan \u2013 Clement Jacobsen \u00far F\u00f8royum \u2013 ikki hev\u00f0i veri\u00f0 vi\u00f0, so visti hann ikki, um teir h\u00f8vdu bori\u00f0 bo\u00f0 \u00ed b\u00fd. Hann hev\u00f0i ongant\u00ed\u00f0 \u00ed s\u00ednum livandi l\u00edvi s\u00e6\u00f0 eina sl\u00edka kempu. Hann tveitti l\u00fdsi- og oljuf\u00f8t og onkran b\u00e1tamotor fyri bor\u00f0, sum ta\u00f0 kundu veri\u00f0 ullaposar.\u201d
\u00a0
Onkur hevur hoyrt um hetjuna Theseus \u00ed griksku gu\u00f0al\u00e6runi. Umframt, at hann einsamallur feldi og gj\u00f8rdi enda \u00e1 tarvinum Minotauros, so \u00e1tti hann skip.
\u00a0
J\u00fast skip hansara ver\u00f0ur ofta br\u00fakt sum mynd og \u00edmynd um flytingar millum uppruna og umv\u00e6lingar ella avgerandi sn\u00e1kingar yvir t\u00ed\u00f0arm\u00e1l. Skip hansara, sum \u00ed mong \u00e1r sigldi \u00ed grikska oyggjahavinum, fekk sum vera man n\u00f3gvar yvirh\u00e1lingar og kalfatringar, sum \u00e1rini gingu. Plankar, mastrar, bekkir og \u00e1rar, ja, alt var vi\u00f0 t\u00ed\u00f0ini b\u00f8tt um vi\u00f0 n\u00fdggjum vi\u00f0i og burtur\u00far hesum kom hugtaki\u00f0 Theseus-paradoksi\u00f0. \u00cd hesum liggur fl\u00f3tandi spurningurin, um skipi\u00f0 var hitt sama sum upprunaliga – ella um ta\u00f0 var eitt n\u00fdtt skip eftir allar umv\u00e6lingarnar og kalfatringarnar? Gamalt ella n\u00fdtt?
\u00a0
Hetta er eisini ein spurningur um samleika og samleikahugsan. Ein kommuna kann eisini setast inn \u00ed hetta sama hugtaki\u00f0. Runav\u00edkar kommuna er avlei\u00f0ingin av einum sliti \u00ed 1967. Sum vi\u00f0 skipinum hj\u00e1 Theseusi hevur hon s\u00ed\u00f0an stevnt um t\u00ed\u00f0arh\u00f8vini vi\u00f0 ymiskari fer\u00f0, og ta\u00f0 er ikki s\u00f8rt, at hon hevur veri\u00f0 fyri st\u00f3rum broytingum hesi gott og v\u00e6l 57\/58 \u00e1rini, hon hevur veri\u00f0 til. Umframt samanleggingarnar av fimm kommunum \u00ed oynni \u00ed 00\u00b4unum, hevur menning veri\u00f0 \u00e1 flestu \u00f8kjum.
\u00a0
1.422 f\u00f3lk b\u00fa\u00f0u \u00ed Runav\u00edkar kommunu, t\u00e1i\u00f0 hon s\u00e1 dagsins lj\u00f3s pr. 1 apr\u00edl \u00ed 1967, og beint fyri j\u00f3l \u00ed \u00e1r var sta\u00f0fest, at vit n\u00fa eru 4.415 borgarar \u00ed teimum 15 bygdunum, sum eru landafr\u00f8\u00f0iligu lutirnir, i\u00f0 vit \u00f8ll eiga saman. Tri\u00f0ja st\u00f8rsta kommunan \u00ed landinum. Bara \u00ed m\u00ednari t\u00ed\u00f0 \u00e1 ovastu r\u00f3k, \u00ed 9 \u00e1r, er kommunan vaksin \u00ed f\u00f3lkatali vi\u00f0 sama meingi sum m\u00edn egna heimbygd Glyvrar. Vi\u00f0 sl\u00f8kum 5 hundra\u00f0 borgarum. Sigast skal, at byrurin hevur veri\u00f0 vi\u00f0 tj\u00f3\u00f0ini og okkum hesi \u00e1rini, og menningin \u00ed undirst\u00f8\u00f0ukervi hevur veri\u00f0 okkum til fyrimunar, ikki minst Eysturoyartunnilin.
\u00a0
Ein kommuna er ein \u00edt\u00f8kilig og l\u00f3garskipa\u00f0 eind, men kortini siglir hon \u00e1 t\u00ed\u00f0arhavinum \u00ed skiftandi l\u00edkindum. Fer\u00f0ast um aldukambar og dalar og um vaggandi gj\u00e1lv, og fyri at sleppa snikkaleys um ringastu nosini, m\u00e1 hon stj\u00f3rnast solei\u00f0is, at hon hv\u00f8nn dag hevur eina k\u00f3s. Eina trygga k\u00f3s, sum eisini ger, at hon st\u00f8\u00f0ugt liggur \u00ed broddi fylkingar \u2013 fremst \u00ed skipabunka.
\u00a0
H\u00f3ast vit hava veri\u00f0 \u00e1 vali fyri h\u00e1lvum \u00f8\u00f0rum m\u00e1na\u00f0a s\u00ed\u00f0an, har borgarin hevur gj\u00f8rt av, hvussu mynstrast skal, og hv\u00f8r i\u00f0 manningin skal vera tey n\u00e6stu f\u00fdra \u00e1rini, og h\u00f3ast naka\u00f0 av manningarskifti ver\u00f0ur \u00e1 politisku bekkunum, n\u00fa gamla \u00e1ri\u00f0 fer framvi\u00f0 okkum, og leingi \u00e6tla\u00f0u bygna\u00f0arbroytingarnar \u00ed fyristingini n\u00fa taka skap av \u00e1lvara, so er meginendam\u00e1li\u00f0 vi\u00f0 einari kommunu enn hitt sama.
\u00a0
Ta\u00f0 sn\u00fdr seg um at menna og r\u00f8kja undirst\u00f8\u00f0una \u2013 infrastrukturin \u2013 handaliga og andaliga – sum vit \u00f8ll hava t\u00f8rv \u00e1 og br\u00fak fyri. Ta\u00f0, sum skal standa \u00e1 hesum lunnum \u2013 felagsognini – ta\u00f0 veri seg vinna, \u00edtr\u00f3ttur, felags- og tr\u00faarl\u00edv og so frameftir, eigur borgarin sj\u00e1lvur at f\u00e1a \u00ed lag. Har r\u00e6\u00f0ur ta\u00f0 um, at hv\u00f8r einstakur br\u00fakar s\u00edni skapandi evni til tess at sm\u00ed\u00f0a s\u00e6r eydnuna g\u00f3\u00f0a. Ta\u00f0 meiri borgarin hv\u00f8r \u00ed s\u00e6r spa\u00f0ar til – og leggur afturat samfelagnum – ta\u00f0 liviligari ver\u00f0ur ta\u00f0 hj\u00e1 \u00f8llum. Hvat kann eg gera fyri kommununa er hugaligari spurningurin, enn hvat i\u00f0 kommunan kann gera fyri meg. Onki er heldur betri enn konstruktivur kritikkur \u2013 hesin kann hvessa viti\u00f0 og pumpa adrenalini\u00f0 upp hj\u00e1 teimum, i\u00f0 sita fyri umbo\u00f0andi valdinum yvir eitt avmarka\u00f0 t\u00ed\u00f0arm\u00e1l. Hinvegin. T\u00f3mur, ni\u00f0urbr\u00f3tandi og illa grunda\u00f0ur kritikkur, l\u00edti\u00f0 at s\u00e6r komi\u00f0 kverulantar\u00ed, fremur onki, hetta br\u00fdtir bara ni\u00f0ur og sendir \u00f3ney\u00f0ugar klandrandi bylgjur av \u00f3n\u00f8gd og \u00f3megd \u00ed umfar. Kanska til fragdar fyri onkran, sum \u00ed hugm\u00f3\u00f0s\u00f8\u00f0i situr uttanvert eingjargar\u00f0arnar og l\u00f8\u00f0ir vi\u00f0 v\u00e1tum kinesarum. Forna knarri\u00f0 undir neystunum og \u00ed bindiklubbum er n\u00fa enda\u00f0 \u00e1 sosialum mi\u00f0lum, har i\u00f0 kverulantarnir veruliga brillera, ikki minst \u00ed b\u00f3lkinum \u201d\u00cdb\u00fagvar \u00ed Runav\u00edkar kommunu\u201d, sum onkunt\u00ed\u00f0 er farin at l\u00edkjast einum lokalum kommunalum septiktanga heldur enn einum kunnandi vanga. V\u00f3nandi r\u00e6\u00f0ir hetta kortini ikki yngra \u00e6ttarli\u00f0num fr\u00e1 at taka lut \u00ed politiskum arbei\u00f0i frameftir, h\u00f3ast hv\u00f8ljan gerst seigari og meiri m\u00f3tst\u00f8\u00f0uf\u00f8r vi\u00f0 aldri og royndum.
\u00a0
Vit 11, kvinnur og menn, i\u00f0 hava veri\u00f0 ta\u00f0 \u00farvalda li\u00f0i\u00f0 \u00ed f\u00fdra \u00e1r, og sum hava umsiti\u00f0 ognina hj\u00e1 okkum 4.415 borgarum, l\u00f8gdu \u00e1 b\u00fdr\u00e1\u00f0sfundi hin 28. november \u00ed \u00e1r f\u00edggjarligu lunnarnar, sum kommunan skal dragast eftir \u00ed 2025. Samanumtiki\u00f0 \u00ed fakta sn\u00fdr ta\u00f0 seg um ein javna \u00e1 g\u00f3\u00f0ar 300 milli\u00f3nir kr\u00f3nur. 225 til rakstur og g\u00f3\u00f0ar 52 til \u00edl\u00f8gur og fyri rest til rentur, rentustu\u00f0ul og avlop til rindan av skuld. Rokna\u00f0 er vi\u00f0, at kommunan fer at gjalda 110 milli\u00f3nir kr\u00f3nur \u00ed l\u00f8num \u00ed 2025. Ein bati er ta\u00f0 eisini, at rentan er fyri ni\u00f0urgangandi, sum \u00fatlitini eru \u00ed l\u00f8tuni.
\u00a0
Sum \u00f8ll vita, eru f\u00fdra \u00e1r \u00edmillum kommunuvalini. Val hevur, sum sagt, veri\u00f0, og n\u00fdvalda b\u00fdr\u00e1\u00f0i\u00f0 tekur vi\u00f0 r\u00e6\u00f0inum \u00e1 mi\u00f0n\u00e1tt \u00ed kv\u00f8ld. Ta\u00f0 hevur skipa\u00f0 seg vi\u00f0 undirrita\u00f0a sum borgarstj\u00f3ra og T\u00f3ri H\u00f8jgaard sum varaborgarstj\u00f3ra. Um heilsan og Gu\u00f0 annars vilja ta\u00f0, so mega tit s\u00e6ttast vi\u00f0 meg \u00ed f\u00fdra \u00e1r afturat, men sum eg alment havi bo\u00f0a\u00f0 fr\u00e1, so ver\u00f0ur hetta m\u00edtt seinasta skei\u00f0 sum virkin politikari. 13 \u00e1r sum l\u00f8gtings-, landsst\u00fdris- og f\u00f3lkatingsma\u00f0ur og vi\u00f0 \u00e1rsenda \u00ed 2028 tr\u00fd \u00e1r sum varaborgarstj\u00f3ri og 13 \u00e1r sum borgarstj\u00f3ri. T\u00e1 er stundin komin at lora seg sj\u00e1lvan oman \u00edgj\u00f8gnum landgangin. Aldurin komin hartil, at ta\u00f0 ger onga nyttu at skifta plankarnar \u00ed bulinum \u00fat – t\u00edansheldur at kalfatra h\u00f8vdi\u00f0. L\u00f8tan er t\u00e1 komin hartil, at yngri f\u00f3lk eiga r\u00f3\u00f0urt\u00f8rni\u00f0 \u00ed sta\u00f0bundnu f\u00f3lkar\u00e6\u00f0isligu skipan okkara.
\u00a0
B\u00fdr\u00e1\u00f0i\u00f0, sum n\u00fa tekur vi\u00f0, hevur skipa\u00f0 seg vi\u00f0 8 hv\u00f8u\u00f0snevndum, sum b\u00fdta politisku \u00e1byrgdina millum s\u00edn av teimum 7 virksemis\u00f8kjunum, sum \u00e1sett eru \u00ed kommunust\u00fdrisl\u00f3gini.
\u00a0
St\u00f8rsta einstaka rakstrar\u00fatrei\u00f0slan er eldra\u00f8ki\u00f0, i\u00f0 ver\u00f0ur umsitin \u00ed kommunala samstarvinum Ro\u00f0in. Grannakommunurnar Nes-, Sj\u00f3var- og Runav\u00edkar kommunur eiga og var\u00f0a av samstarvinum \u00ed st\u00f8ddarlutfalli, har i\u00f0 vit var\u00f0a av sm\u00e1um tveimum tri\u00f0ingum og f\u00edggja \u00f8ki\u00f0 samsvarandi hesum. Vi\u00f0 afturbering, egingj\u00f8ldum og \u00far egnum kassa.
\u00a0
\u00cd st\u00f3ru kanningini hj\u00e1 L\u00f3\u00f0ur og Kringvarpinum fekk Ro\u00f0in besta sko\u00f0sm\u00e1li\u00f0 yvirh\u00f8vur, t\u00e1i\u00f0 ta\u00f0 sn\u00fdr seg um eldra\u00f8ki\u00f0, ikki minst eini g\u00f3\u00f0ari lei\u00f0slu og dugnaligum starvsf\u00f3lkum fyri at takka. Borgarstj\u00f3rin \u00ed Runav\u00edkar kommunu hevur veri\u00f0 forma\u00f0ur \u00ed st\u00fdri Ro\u00f0ans s\u00ed\u00f0an 1. januar 2017. N\u00fdvalda st\u00fdri\u00f0 fer at skipa seg fyrst \u00ed \u00e1rinum, sum n\u00fa er \u00ed hondum.
\u00a0
N\u00fa i\u00f0 vit umr\u00f8\u00f0a eina kommunu, eru ta\u00f0 tey, i\u00f0 spyrja, um skipanin vi\u00f0 kommunum er ney\u00f0ug. Onkur heldur ennt\u00e1, at t\u00e6r \u00e1ttu at ver\u00f0i foyktar burtur, men hesum eri eg als ikki samdur vi\u00f0, serliga eftir at hava siti\u00f0 \u00ed einum b\u00fdr\u00e1\u00f0i \u00ed 12 \u00e1r og sum borgarstj\u00f3ri \u00ed 9 \u00e1r. Hv\u00ed? J\u00fa, t\u00ed at samfelagi\u00f0, eisini lokalsamfelagi\u00f0, m\u00e1 hava ein bul, ein strong, ein lunn, sum er undirst\u00f8\u00f0an hj\u00e1 \u00f8llum, sum eiga kommununa. Til ta\u00f0 ver\u00f0ur skattur l\u00edkna\u00f0ur. Skattatr\u00fdsti\u00f0 ver\u00f0ur hitt sama \u00ed 2025, me\u00f0an barnafr\u00e1dr\u00e1ttun h\u00e6kkar upp \u00ed 10.500 kr\u00f3nur fyri hv\u00f8rt barni\u00f0 undir 18 \u00e1r, og er hetta h\u00e6gsti barnafr\u00e1dr\u00e1ttur \u00ed landinum \u00ed l\u00f8tuni. Hugsi ikki at nakar ivast \u00ed, at st\u00f8rsta f\u00edggjarliga tr\u00fdsti\u00f0 \u00ed okkara t\u00ed\u00f0 liggur \u00e1 barnafamiljunum, t\u00ed er hendan ra\u00f0festingin hj\u00e1 sitandi b\u00fdr\u00e1\u00f0i skilag\u00f3\u00f0.
\u00a0
Ansingini vi\u00f0v\u00edkjandi er kostna\u00f0urin fyri anna\u00f0 barni\u00f0 farin ni\u00f0ur \u00ed helvt, tvs., at goldi\u00f0 ver\u00f0ur fult gjald fyri fyrsta barni\u00f0, h\u00e1lvt gjald fyri anna\u00f0 barni\u00f0 og onki fyri tri\u00f0ja barni\u00f0.
\u00a0
\u201cSpjaldri\u00f0\u201d hevur s\u00edna serligu s\u00f8gu \u00ed Runav\u00edkar kommunu. \u00cd 2025 h\u00e6kkar upph\u00e6ddin vi\u00f0 500 kr\u00f3num upp \u00ed 3.000 kr\u00f3nur fyri b\u00f8rn og ungd\u00f3mar millum 0 og 18 \u00e1r.
\u00a0
Runav\u00edkar kommuna var \u00ed broddi fylkingar \u00e1 hesum m\u00f3tinum og \u00e1hugin hevur veri\u00f0 sera st\u00f3rur – og umr\u00f8\u00f0an hevur veri\u00f0 \u00f3gviliga positiv. Neistin \u00a0kveiktist \u00ed einum samskifti \u00edmillum okkum b\u00e1\u00f0ar Jens Martin Knudsen, og eftir at eg hev\u00f0i s\u00e6\u00f0 eina dokumentarsending \u00ed sj\u00f3nvarpinum, sum Dagmar Joensen-N\u00e6s hev\u00f0i fyriskipa\u00f0, har sj\u00f3neykan var\u00f0 sett \u00e1 tv\u00f8rrandi m\u00f8guleikar hj\u00e1 okkara ungu, \u00ed verki at fremja s\u00edni \u00e1hugam\u00e1l, orsaka\u00f0 av foreldranna f\u00e6loysi, var ongin ivi longur um, at vit \u00e1ttu at royna hesa lei\u00f0ina. B\u00fdr\u00e1\u00f0i\u00f0 t\u00f3k undir, og vit fingu Reykjav\u00edkar kommunu at hj\u00e1lpa dugnaligu starvsf\u00f3lkum okkara at seta h\u00f8pi\u00f0 \u00ed verk.
\u00a0
Sum sagt skulu g\u00f3\u00f0ar 53 milli\u00f3nir kr\u00f3nur br\u00fakast til \u00edl\u00f8gur \u00ed 2025 og er st\u00f8rsta verk\u00e6tlanin svimjih\u00f8llin \u00ed nor\u00f0ara enda \u00e1 Bylgjuni. V\u00e6ntandi ver\u00f0ur svimjandi \u00ed juni\/juli \u00ed 2025 \u2013 um eitt st\u00f3rt h\u00e1lvt \u00e1r. Ta\u00f0 er ikki yvir at dylja, at svimjih\u00f8llin hevur veri\u00f0 eitt ordans tak, ikki minst f\u00edggjarliga, men samstundis er ta\u00f0 gle\u00f0iligt, at ein 60 \u00e1ra gamal kommunalur dreymur ums\u00ed\u00f0ir gongur \u00fat. Vit, sum n\u00fa skulu \u00fdta av vi\u00f0 \u00edl\u00f8gunum tey n\u00e6stu \u00e1rini, eiga fyrst og fremst at savna okkum um at m\u00f8ta t\u00f8rvinum \u00e1 dagstovna- og sk\u00fala\u00f8kinum, eisini fyri at m\u00f8ta einari framt\u00ed\u00f0, har f\u00f3lkatali\u00f0 framhaldandi fer at standa \u00ed v\u00f8kstri.
\u00a0
Kommunan \u00a0er v\u00e6l fyri f\u00edggjarliga. \u00cd dag er skuldin sm\u00e1ar 200 milli\u00f3nir kr\u00f3nur og svarar ta\u00f0 til sm\u00e1 70% av skuldarmarkinum.
\u00a0
\u00c1ri\u00f0 2024 hevur vignast betri enn \u00e6tla\u00f0 \u00e1 figgjarliga m\u00f3tinum, hvat i\u00f0 innt\u00f8kum vi\u00f0v\u00edkur. Ongin veit, hvat i\u00f0 framt\u00ed\u00f0in eigur \u00ed s\u00e6r, og kanska er ta\u00f0 j\u00fast hendan spenningseffektin, sum ger ta\u00f0 hugaligt at f\u00e1ast vi\u00f0 politiskt handverk. At arbei\u00f0a \u00ed eini \u00f3kendari framt\u00ed\u00f0. Matteus helt fyri, at: \u201cHv\u00f8r dagur hevur n\u00f3g miki\u00f0 \u00ed s\u00edni pl\u00e1gu\u201d, og sagt ver\u00f0ur, at blindar eru \u00f3kunnigar g\u00f8tur. Framt\u00ed\u00f0in kemur ikki av s\u00e6r sj\u00e1lvari, t\u00ed er umr\u00e1\u00f0andi, at eitt b\u00fdr\u00e1\u00f0 semist um eina k\u00f3s, er lunnadragari, inn \u00ed eina \u00f3kenda framt\u00ed\u00f0. Ta\u00f0 er taki\u00f0 hj\u00e1 okkum, sum n\u00fa sessast kring um bor\u00f0i\u00f0 \u00e1 mi\u00f0n\u00e1tt.
\u00a0
Vi\u00f0 hesum or\u00f0um fari eg takka tykkum \u00f8llum, eins\u00e6ris og \u00ed felag, fyri ta\u00f0 megnarverk tit hv\u00f8nn dag leggja \u00ed ta\u00f0, at vit \u00f8ll \u00ed felag kunnu siga, at vit eiga eina g\u00f3\u00f0a kommunu at b\u00faleikast \u00ed. Og lat okkum ongant\u00ed\u00f0 gloyma, at l\u00edkamiki\u00f0 hvussu og hvar vit hava sett okkum ni\u00f0ur \u00ed kommununi, so r\u00e6\u00f0ur ta\u00f0 um st\u00fatt og st\u00f8\u00f0ugt at hugsa mi\u00f0 og m\u00e1l fyri Runav\u00edkar kommunu fr\u00e1 ytstu m\u00f8rkum inn \u00e1 mi\u00f0juna og ikki \u00f8vut. Bara solei\u00f0is var\u00f0veita vit ta\u00f0 fj\u00f8lbrigdi\u00f0, sum ger hana so serliga spennandi at vera partur av.
\u00a0
Runav\u00edkar kommuna er sum snekkjan hj\u00e1 griksku hetjuni Theseusi. Onkrir plankar ver\u00f0a skiftir \u00fat, ta\u00f0 ver\u00f0ur kalfatra\u00f0, menn og kvinnur koma og fara, men framhaldandi eigur borgarin eina ogn sum stevnir fram \u00e1 lei\u00f0 vi\u00f0 r\u00edmiligari fer\u00f0, og sum man vera millum t\u00e6r fr\u00e6gu \u00ed landinum.
\u00a0
Vi\u00f0 hesum or\u00f0um takki eg fyri \u00e1ri\u00f0, sum n\u00fa fer undan okkum, og samstundis fari eg at ynskja okkum \u00f8llum eitt happadr\u00fagt 2025.
\u00a0
Takk fyri h\u00f8vi\u00f0.<\/p>\n\n\n\n

Kelda: runavik.fo<\/p>\n","protected":false},"excerpt":{"rendered":"

R\u00f8\u00f0a, sum T\u00f3rbj\u00f8rn Jacobsen, borgarstj\u00f3ri, flutti fram \u00ed Gulu smi\u00f0ju, n\u00fa vit fluttu fr\u00e1 einum \u00e1ri til anna\u00f0. \u00cd heyst var aftur val til tj\u00f3\u00f0arinnar b\u00fd- og bygdar\u00e1\u00f0, og veljarin…<\/p>\n","protected":false},"author":1,"featured_media":6389,"comment_status":"open","ping_status":"open","sticky":false,"template":"","format":"standard","meta":{"content-type":"","_lmt_disableupdate":"","_lmt_disable":"","footnotes":""},"categories":[131],"tags":[],"class_list":["post-8001","post","type-post","status-publish","format-standard","has-post-thumbnail","hentry","category-folk-og-samfelag"],"_links":{"self":[{"href":"https:\/\/24fo.news\/index.php\/wp-json\/wp\/v2\/posts\/8001","targetHints":{"allow":["GET"]}}],"collection":[{"href":"https:\/\/24fo.news\/index.php\/wp-json\/wp\/v2\/posts"}],"about":[{"href":"https:\/\/24fo.news\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/24fo.news\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/24fo.news\/index.php\/wp-json\/wp\/v2\/comments?post=8001"}],"version-history":[{"count":1,"href":"https:\/\/24fo.news\/index.php\/wp-json\/wp\/v2\/posts\/8001\/revisions"}],"predecessor-version":[{"id":8003,"href":"https:\/\/24fo.news\/index.php\/wp-json\/wp\/v2\/posts\/8001\/revisions\/8003"}],"wp:featuredmedia":[{"embeddable":true,"href":"https:\/\/24fo.news\/index.php\/wp-json\/wp\/v2\/media\/6389"}],"wp:attachment":[{"href":"https:\/\/24fo.news\/index.php\/wp-json\/wp\/v2\/media?parent=8001"}],"wp:term":[{"taxonomy":"category","embeddable":true,"href":"https:\/\/24fo.news\/index.php\/wp-json\/wp\/v2\/categories?post=8001"},{"taxonomy":"post_tag","embeddable":true,"href":"https:\/\/24fo.news\/index.php\/wp-json\/wp\/v2\/tags?post=8001"}],"curies":[{"name":"wp","href":"https:\/\/api.w.org\/{rel}","templated":true}]}}