ES-nevndarlimurin í hav- og fiskivinnumálum vitjar í Føroyum

Í hesum døgum vitjar Costas Kadis, ES-nevndarlimur í hav- og fiskivinnumálum, í Føroyum. Bárður á Steig Nielsen, landsstýrismaður í uttanríkis- og fiskivinnumálum, er vertur fyri vitjanini.

Á fundi seinnapartin umrøddu partarnir viðurskiftini millum Føroyar og ES, samstarv á hav- og fiskivinnuøkinum og møguleikar fyri at styrkja samstarvið frameftir. 

Í sambandi við vitjanina varð eisini vitjað hjá Hiddenfjord, umborð á Høgabergi, hjá Ocean Rainforest og á havrannsóknarskipinum, Jákupi Sverra.

Vitjanin í Føroyum varpar ljós á týdningin av góða samstarvinum millum Føroyar og ES.

Í morgin, týsdagin 26. mai, setir landsstýrismaðurin altjóða ráðstevnuna UArctic Congress, har Costas Kadis verður ein av høvuðsrøðarunum.

Kelda og mynd: ufmr.fo