Seks mans eru ákærdir í einum stórum máli, sum byrjar í Føroya Rætti í dag. Teir ákærdu – sum allir eru danir – eru millum 22 og 41 ár. Teir eru allir ákærdir fyri at hvítvaska pengar og smugla rúsevni til Føroya.

Í sambandi við málið hava TAKS og Føroya Politi lagt hald á 1,3 mió. kr. í reiðum peningi og 18 kg av hassji.

Stórar nøgdir av peningi og rúsevnum

Í fjør steðgaði TAKS einum bili ávegis umborð á Norrønu. Í bilinum vóru tveir av teimum ákærdu umframt 1,3 mió. kr. í reiðum peningi. Pengingurin var goymdur í fleiri ymsum rúmum í bilinum.

Kanningararbeiðið hjá Føroya Politi víðari í málinum førdi til, at tveir mans afturat vóru handtiknir seinni sama dag nakað omanfyri Kirkjubø. Í hesum sambandi legði Føroya Politi hald á 18 kg av hassji. Dagin eftir varð fimti persónurin í málinum funnin og handtikin. Hesin var komin til Føroya við seglbáti, sum hassjið sambært ákæruni kom til Føroya við.

Hesir fimm menninir hava sitið í varðhaldi síðani oktober í fjør.

At enda leiðir kanningararbeiðið til handtøkuna av sætta og seinasta manninum. Umframt ákæruna fyri nevndu brot, er hesin maðurin eisini ákærdur fyri at hava selt 200 gram av amfetamini.

Hesin maðurin hevur sitið í varðhaldi síðani januar í ár.

Rættarfundirnir vera við Tjarnir

Av tí at tað eru seks ákærdir persónar í málinum, sum allir sita í varðhaldi, eru vanligu hølini hjá Føroya Rætti ikki nóg stór, og tí verður rættarmálið viðgjørt í hølum við Tjarnir.
Viðgerðin fer væntandi at taka fýra dagar.

Kelda: politi.fo

Fyri løtu síðani var aftur koyrandi eftir Vestmannavegnum og væalvápnaðir politistar eru lidnir við teirra politiarbeiði á staðnum.

Við KVF verður sagt frá løgreglustøðini, at talan var um borgara, sum hevði tørv á hjálp. Bæði løgreglubilar og sjúkrabilur er farin av staðnum.  

_{Myndir:24.fo – 13-04-2025}

Í dag er kunngjørt, at arktiska sendifólkið verður Kenneth Høegh, sum í løtuni røkir starvið sum sendimaður Grønlands til Washington D.C.

Grønland, Føroyar og Danmark hava formansskapin í Arktiska ráðnum frá mai 2025 til mai 2027.

Leiklutabýtið undir formansskapinum er avgjørt í semju millum londini, sum varð kunngjørd í desember 2024 – sí her.

Sambært semjuni tilnevnir Grønland vegna Kongsríkið eitt arktiskt sendifólk, sum Føroyar og Danmark skulu góðkenna.

Í dag er kunngjørt, at arktiska sendifólkið verður Kenneth Høegh, sum í løtuni røkir starvið sum sendimaður Grønlands til Washington D.C.

Aftrat leiklutinum sum arktiskt sendifólk skal Kenneth Høegh undir formansskapinum røkja sessin sum formaður í Arktiska ráðnum, Senior Arctic Official Chair, ið somuleiðis er formaður fyri embætismannanevndina í ráðnum.

Semja er eisini um, at Føroyar taka við varaformanssessinum, Deputy Senior Arctic Official Chair. Tað verður Gunvør Balle, fakligur leiðari í Uttanríkistænastuni, ið tekur við varaformanssessinum. Danmark varðveitir leiklutin sum formaður fyri felags sendinevndina hjá ríkinum í Arktiska ráðnum.

Formansskráin fyri formansskapin hjá Grønlandi, Føroyum og Danmark verður eisini kunngjørd í Nuuk í dag, 11. apríl. Sí framløguna og les meira um formansskránna her.

_{Kelda: uvmr.fo 11 apríl 2025}

Udnævnelse af arktisk ambassadør

Kelda um.dk 11.4.2025 | Udenrigsministeriet | Pressemeddelelse

Udenrigsminister Lars Løkke Rasmussen udnævner Kenneth Høegh som ny arktisk ambassadør for Kongeriget Danmark. Udnævnelsen sker efter indstilling fra Grønland.

Udnævnelsen sker i forlængelse af den enighed der blev opnået, mellem Grønland, Færøerne og Danmark, i december 2024 om rollefordelingen under det kommende formandskab for Arktisk Råd. Rollefordelingen indebærer blandt andet, at den grønlandske regering udpeger en kandidat til arktisk ambassadør, der efter færøsk og dansk godkendelse udnævnes af udenrigsministeren.

Ud over rollen som arktisk ambassadør, vil Kenneth Høegh varetage funktionen som formand for gruppen af højtstående embedsfolk (Chair of the Senior Arctic Officials eller SAO Chair) under Kongerigets formandskab for Arktisk Råd fra maj 2025 og to år frem. Opgaven som SAO Chair består primært i at bidrage til at sikre Arktisk Råds virke og relevans trods den aktuelle geopolitiske situation. 

Under formandskabet vil Færøerne varetage rollen som Deputy SAO Chair, mens Danmark fortsat varetager rollen som National Senior Arctic Official.

Kenneth Høegh er aktuelt Grønlands repræsentationschef i Washington DC. Tidligere har han bl.a. været departementschef i det grønlandske udenrigsdepartement og før da bl.a. arbejdet for DANIDA i henholdsvis Nepal og Bangladesh.

Kenneth Høegh får kontor i såvel Departementet for Udenrigsanliggender og Forskning i Nuuk som i Udenrigsministeriet i København. 

Udnævnelsen af den arktiske ambassadør sker samtidig med, at programmet for Kongerigets kommende formandskab for Arktisk Råd præsenteres i Nuuk den 11. april. Man kan se præsentationen og læse mere om programmet her.

”Jeg er meget tilfreds med, at vi i dag kan udnævne Kenneth Høegh som arktisk ambassadør. Han vil være Kongerigets ansigt udadtil i det daglige arbejde, når vi om lidt overtager formandskabet for Arktisk Råd. Med sin baggrund fra Grønland og mange års international erfaring kommer han til at styrke Kongerigets arktiske profil.

Det glæder mig, at vi nu har vores holdopstilling på plads, så vi er klar til at overtage formandskabet for Arktisk Råd og i fællesskab lede arbejdet de næste to år,” siger udenrigsminister Lars Løkke Rasmussen.

Naalakkersuisoq for Udenrigsanliggender og Forskning, Vivian Motzfeldt udtaler følgende: 
”Det glæder mig at kunne være med til at præsentere Kenneth Høegh som den nye arktiske ambassadør for Kongeriget. Det gør mig stolt, at Grønland indtager en central rolle i formandskabet for Arktisk Råd. Grønland er det arktiske land i Kongeriget, og jeg er glad for, at dette afspejles i udnævnelsen af den nye arktiske ambassadør. Jeg ser frem til at fortsætte det gode samarbejde mellem vores tre lande.”

”Med udnævnelsen af en arktisk ambassadør står vi nu stærkt rustet til at overtage formandskabet i Arktisk Råd. Ambassadøren vil bidrage til at styrke et dedikeret arktisk team, bestående af repræsentanter fra Grønland, Færøerne og Danmark. Vi ser frem til at påtage os formandskabet i fællesskab og tage ansvar for et samarbejde, der er afgørende for regionens fremtid,” siger landsstyrekvinde for udenrigs- og erhvervsanliggender, Sirið Stenberg.

Fakta om Arktisk Råd

• Arktisk Råd består af otte arktiske stater og seks organisationer (permanente deltagere), som repræsenterer oprindelige folk i Arktis.
• De otte arktiske stater er Canada, Kongeriget Danmark, Finland, Island, Norge, Rusland, Sverige og USA.
• Arktisk Råd er et internationalt forum, som beskæftiger sig med en bred vifte af centrale spørgsmål i Arktis. Centralt i Rådets arbejde står de arktiske indbyggeres levevilkår, herunder særligt for de oprindelige folk, i en verden som undergår store forandringer. Forandringer, som i særlig grad påvirkes af voldsomme ændringer i klima og miljø. Temperaturerne i Arktis fortsætter med at stige, nu omkring tre gange hurtigere end det globale, årlige gennemsnit. Arktisk Råds arbejde med at kortlægge udviklingen i klima, det marine miljø, biodiversitet, katastrofehåndtering m.m. har stor betydning også i forskellige internationale samarbejder.
• Ruslands invasion af Ukraine i februar 2022 udfordrer arbejdet i Arktisk Råd. Der afholdes p.t. ikke formelle møder på diplomatisk niveau (SAO møder) eller på politisk niveau (ministermøder), hvorimod de tekniske arbejdsgrupper i Rådet har mulighed for at mødes virtuelt og fortsætte deres vigtige arbejde.

Tórshavnar býráð samtykti á fundi 27. februar 2025 uppskot um at broyta byggisamtyktina fyri matrikkul nummar 50ø á Velbastað.

Uppskotið snýr seg um at broyta byggisamtyktina fyri matrikkulin frá øki E, ætlað almennum stovnum, til øki B, ið er ætlað sethúsum. Uppskotið er í sambandi við ætlaða broytta nýtslu av ognini.

Tilfarið, sum lýsir uppskotið um endurskoðan av byggisamtyktini fyri Velbastað, liggur frammi á hesari síðuni og í Snarskivuni frá 7. mars 2025 til 18. apríl 2025.

• 50ø, Velbastaður – áðrenn broyting
• 50ø, Velbastaður – eftir broyting

Møgulig mótmæli ella broytingaruppskot skulu sendast skrivliga til torshavn@torshavn.fo í seinasta lagi 18. apríl 2025.

_{Kelda & mynd: torshavn.fo}

 – Latið okkum stríðast fyri, at vit sum samfelag læra og mennast, rúma og geva rúm til allar kvinnur.

Nógv fólk vóru savnað í Perluni leygarkvøldið 8. marstil stóra tiltakið “Altjóða Kvinnustríðsdagur 2025”, sum Femifagnaðurin skipaði fyri.

Elsa Berg, borgarstjóri, setti tiltakið. Hon legði í røðuni dent á, at enn er nógv at stríðast fyri. Hon tosaði millum annað um kvinnuheilsu, og at kvinnur í størri mun eiga at fáa betri rúmd í samfelagnum – bæði innan gransking og politiskt.

Her eru brot úr røðuni: 

– Fantastisk at síggja so nógvar –  vælupplagdar – ymiskar – áhugaverdar  – djarvar – kvinnur her í kvøld. Tað gleðir meg altíð, tá kvinnur savnast. Tí tað er tað absolutt framvegis týdningarmikið, at vit gera. Savnast og standa saman. Stríðast. Fyri øllum kvinnum! – her heima og runt í heiminum.

—

Javnan – enn – verður spurningur reistur, um nakað er eftir hjá kvinnum at stríðast fyri?

Hava vit ikki fingið alt? 

Stutt sagt er svarið nei!

Tí tað snýr seg als ikki um “at fáa alt”. Tað snýr seg um grundleggjandi viðurskifti, sum framvegis gera mun á kvinnum og monnum. 

Tað er í politikki, í ítrótti, í gransking, innan heilsutænastur, í samfelagnum.

Jú, nógv fet eru tikin, nógv er broytt og nógv er vunnið.

Men vit læra eisini nýtt og gerast alsamt meira tilvitað. Vit duga betri at undrast, tá okkurt ikki tykist rætt.  Vit duga betri at siga frá, tá okkurt ikki er rætt. Og vit duga eisini betri at krevja tað, vit eiga at hava rætt til.

Vit eru ikki komnar á mál, og spurningurin átti kanska heldur at verið, um tað yvirhøvur er nakað vit skulu, ella um vit kanska heldur skulu stríðast fyri einum rúmligari samfelagi.

— 

Grein aftaná grein hevur víst á, at hvussu lítið vit vita um t.d. kvinnusjúkuna Endometriosu, ið verður mett at raka 10. hvørja kvinnu í burðarførum aldri, og sum millum annað viðførur sterka pínu.

Vit vita ov lítið um, hví summar kvinnur missa barn í moðurlívi, ella hvussu ymiskt heilivágur ávirkar kvinnur og menn.

Vit vita snøgt sagt ov lítið um kvinnukroppin í granskingarhøpi. Tí tað er munur á kvinnum og monnum.

Jú, fet eru tikin, men vit skulu ikki góðtaka pínu og vantandi vitan, men heldur krevja okkara rætt til meira vitan um okkara kropp.

—

Taka vit eitt dømi frá ítróttinum, so síggja vit, hvussu okkurt broytist, tá børn gerast tannáringar.

Kroppurin broytist, men tað er ikki tað einasta.

Ofta síggja vit, at dreingirnir halda fram, meðan genturnar gevast, og vit vita ikki hví, og orsøkirnar kunnu vera so nógvar.

Dreingir gerast kropsliga sterkari, og genturnar fáa mánasjúku – ella menstruatión. Tað liggur næstan í orðinum “sjúku”, at tað er okkurt neiligt. 

Kanska er tað tí, vit tosa ov lítið um tað. Men tað mugu vit, eins og vit mugu tosa harðari um viðurskifti um okkum. Tí tað er ikki neiligt, men ein partur av kvinnukroppinum. 

Hvønn einasta mánað verður huglag, heilsa, svøvnur og avrik ávirka. Kortini skulu tær avrika tað sama. 

Kanska er tað tí, summar fella frá.

Vit kunnu ikki bjóða teimum ungu kvinnunum ikki at tosa um, hvussu hetta ávirkar kvinnukroppin í ítróttarhøpi. Vit mugu ikki lata tær verða einsamallar við broytingunum og væntanunum. 

Hetta er eitt dømi um, at vit á pappírinum hava somu møguleikar, men kortini ymsar fortreytir.

—

Ongantíð áður hava fleiri kvinnur stillað upp á einum politiskum valið enn á kommunuvalinum í november, sum lá beint uttan fyri javnstøðumarkið á 60/40, sum er eitt framstig.

Men. Kvinnuumboðanin í kommunustýrum minkaði eisini niður í 33 prosent. Og tað er ov lítið. 

Tí tað hevur so ómetaliga stóran týdning, at bæði kvinnur og menn eru umboðað í okkara kommunustýrum, í politikki og í samfelagnum. 

Eg hoyri javnan at kvinnur bara vilja tey bleytu virðini. Lat meg tí gera tað púra greitt, at vit ikki kunnu setast í bás, tá ræður um virðir. 

Vit eru ymisk. Bæði sum menniskju og sum kyn. Og tað er ymiskt, hvat vit halda vera umráðandi broyta í einum samfelagi. Og soleiðis eigur tað eisini at vera!

Lat heldur okkara politisku undangongukvinnur vera okkara fyrimyndir. Tær raðfestu ikki bleytu ella hørðu virðini – tær raðfestu tey neyðugu virðini. 

Eg veit ikki, hví færri kvinnur vórðu valdar í kommunustýrini hesa ferð. Men her er vert at nevna, at hóast kvinnuumboðanin minkaði, so fingu kvinnurnar nærum 40% av atkvøðunum. 

So góðu tit, haldið fram við at bjóða tykkum fram, so kvinnurøddin fær eins stóra rúmd í samfelagnum, sum hon eigur.

— 

Her at enda fari eg tí at heita á tykkum væluppløgdu – ymisku – áhugaverdu  – djørvu – kvinnunum um at savnast og standa saman framhaldandi at stríðast fyri øllum kvinnum, og at vit sum samfelag læra og mennast, rúma og geva rúm til allar kvinnur.

Seinnapartin 7 mars varð skipað fyri áhugaverdum endatiltaki í sambandi við “Nýskapan í Ferðavinnuni” í Müllers Pakkhúsi. Átta verkætlanir hava seinastu sjey vikurnar verið partur av íverksetaradíkjaranum – á enskum nevnt “startup accelerator programme”.

At átakið er skipað sum ein íverksetaradíkjari, merkir, at verulig ferð verður sett á at menna verkætlanirnar hetta tíðarskeiðið. Luttakandi verkætlanirnar fáa sjey skraddaraseymaðar vikur við góðum ráðum frá føroyskum vinnulívsfólki og ráðgeving frá fremstu serfrøðini í ferðavinnu. Luttakararnir fáa harumframt høvi at luttaka á spennandi verkstovum við undirvísing, framløgum og netverkan.

Elsa Berg, borgarstjóri í Tórshavnar kommunu, setti móttøkuna. Hon kom m.a. inn á týdningin av at menna ferðavinnuna í kommununi á ein burðardyggan hátt og at vit føroyingar varðveita okkara samleika.

“Í Tórshavnar kommunu gleðast vit um vaksandi ferðavinnuna, sum hevur við sær nógv gott at bjóða, sum vit borgarar fáa ágóðan av.

– Tórshavnar kommuna vil fegin menna tey lokalu ferðavinnutilboðini, so tað eru tey, ið fylla í býarmyndini. Vit hava kanska lyndið til at taka tað fyri givið, men í Føroyum eru sera fáar altjóða handilsketur – Her er einki Starbucks, Hennes og Mauritz, IKEA ella McDonalds, sum er at síggja á flestu hornum í flestu býum við samanbera okkum við. Tað haldi eg, at vit skulu royna at halda fast í. Vit skulu vera vit, og tí er tað so ómetaliga umráðandi at áhaldandi menna okkum og okkara serføroysku tilboð til tey ferðandi. “

Guðrið Højgaard, stjóri í Visit Faroe Islands, hugleiddi síðani um føroysku ferðavinnuna og frøddist um vaksandi útboðið av tilboðum, sum tey vitjandi eftirspyrja. Hetta inniber m.a. siglitúrar, at royna føroyskan mat og sum heild at koma í samband við føroyingar.

Eisini legði Rúna V. Højgaard, ið stendur fyri menningini av ferðavinnuhagtølunum á Hagstovu Føroya, fram um ferðavinnuna í Føroyum í tølum.

Sóley Heradóttir Hammer, leiðari í Hugskotinum, og Annika Lisberg, ferðavinnumennari í Visit Tórshavn, greiddu í stuttum frá gongdini seinastu sjey vikurnar, og bjóðaðu luttakarunum á pallin. 

Hesi átta hava luttikið á díkjaraskeiðnum:

Eyðun Egholm hevur sett á stovn fyritøkuna Egholm Tours, ið fer at bjóða ferðafólkum eitt slag av luksus “kanal-rundfart” á Havnarvág. Siglt veður frá Vágsbotni í søguligum umhvørvi framvið sjóvarmálanum. Umborð fer Eyðun at borðreiða við onkrum leskiligum at eta og drekka. Báturin hjá Eyðun er el-drivin, ljóðleysur og øll tøknin so burðardygg sum til ber, eisini timbri. Ætlanin er, at hava fleiri fráferðir um dagin og upplivingin verður tøk alt árið.

Pauli Joensen hevur sett á stovn fyritøkuna Explore Faroes, ið fer at sigla við ferðafólki við fráferð úr Kollafirði og í Sundalagnum. Explore Faroes bjóðar tríggjar ymiskar túrar: fiskitúrar, túrar til Hvalastøðina við Áir og kvøldartúrar í Sundalagnum.

Anna Maria Østerø og familjan eiga og reka Nólsoyarstovu, sum er eitt luksus boutique hotel á Kongabrúnni í Havn. Søguliga húsið, sum er frá 1700 talinum, er sett í upprunastand við atlit til burðardygd og varðveitan. Anna Maria og toymið hennara ynskja at bjóða gestunum eina high-end og persónliga uppliving.

Sabina Poulsen er ferðaleiðari og bjóðar túrar við felag sítt “Faroe Travel” og hevur eitt summarhús í Søldarfirði, sum hon leigar út. Eisini bjóðar hon ferðafólkum heim til sín at uppliva føroyskan mat og mentan. Sabina sær Føroyar og føroyska mentan frá einum øðrvisi sjónarhorni, av tí hon sjálv er komin her sum útlendingur í sínari tíð, og dugir tí væl at greiða frá føroysku siðvenjunum fyri ferðafólki.

Bára Joensen og maður hennara hava Varmakeldugarðin í Gøtu. Í 2021 bygdu tey eitt nýtt fjós, ið hevur matstovu á fjósloftinum, har tey bjóða gestum inn til veitslur, fundir og onnur tiltøk í nýmótans høli. Borðreitt verður við mati frá garðinum, ímeðan gestirnir samstundis njóta útsýni yvir fjósið og neytini har.

Eirikur á Húsamørk hevur sett á stovn fyritøkuna ‘”Uptour”, ið fer at veita heildarupplivingar til ferðafólk frá komu til fráferð. Eirikur hevur fjós í Leirvík, har hann bjóðar vitjandi inn til ein betri bita. Navnið ‘”Uptour” stavar frá navnframa Uppsala Pætur og byggir fyritøkan á søguforteljing um garðin á Húsamørk, hvørs søga røkkur heilt aftur í 18. øld.

Sólgerð Andreassen (Sansan) hevur skrivað fleiri barnabøkur, m.a ”Knassi og Rokkarin”, og er nú í holt við at skapa ein heim rundan um teir, soleiðis, at ferðafólk kunnu lesa um føroyska mentan og siðaarv á ein stuttligan og barnavinarligan hátt. Sólgerð letur eisini sítt egna heim upp fyri ferðandi við børnum, ið ynskja at vitja Knassastovu í Fuglafirði.

Michael Koba hevur stovnað fyritøkuna “The Meeting Company” – TMC – ið veitir skræddaraseymaðar fundarpakkar til føroyskar og útlendskar kundar, sum ynskja at hava fundir ella ráðstevnur í Føroyum.

Hugskotið, Visit Tórshavn og Visit Faroe Islands skipaðu í felag fyri “Nýskapan í Ferðavinnuni”.

Vit ynskja verkætlanunum allarbestu eydnu víðari.

Myndir: Auramyndir

_{^{Kelda & myndir: torshavn.fo 8 mars 2025}}

Læs eina viðmerking hjá Jóan Pauli í Geil á Norðlýsinum har hann sigur at tað ikki skal vera pensjóns aldur men pensjóns ansinitetur sum skal avgera nær fólk sleppa uppá pensjón tvs um tað verður sett 45 ár í starvið so sleppur tú uppá pensjón, so er tað sosialt rættvíst og á tann hátt tryggjar Føroyar eina sosialt rættvísa pensjónsskipan.

Hetta er essensurin í einari sosialt rættari pensjónsskipan. Um ein persónur fer til arbeiðis sum er 16 ár so kann viðkomandi fara uppá pensjón tá hann er 61 ár. Um viðkomandi fór til arbeiðis sum 18 ára, so sleppur persónurin av arbeiðsmarknaðinum við pensjón sum 66 ár.

16 ár + 45 ár á arbeiðsmarknaðinum =61

18 ár + 45 ár á arbeiðsmarknaðinum =63

20 ár + 45 ár á arbeiðsmarknaðinum =65

22 ár + 45 ár á arbeiðsmarknaðinum =67

24 ár + 45 ár á arbeiðsmarknaðinum =69

26 ár + 45 ár á arbeiðsmarknaðinum =71

28 ár + 45 ár á arbeiðsmarknaðinum =73

30 ár + 45 ár á arbeiðsmarknaðinum =75

Tað eru persónar sum fara til skips sum 16 ára gamal ella 18 ár og eisini fleiri sum fara í læru sum ung. Tá hesi hava strevast á arbeiðsmarknaðinum í 45 ár tá, eru tey oftani merkt av hesum, og kunnu fara tíðliga uppá eftirløn.

So eru tað tey sum taka langar útbúgvingar og koma seint á arbeiðsmarknaðin, so um tey skulu fáa fulla almenna pensjón, so skal ein sum byrjar at arbeiða sum 30 ára gamal / gomul fáa fulla almenna eftirløn tá tey eru 75 ár.

Hetta er ein pensjónsskipan sum er sosial rættvís. At krevja at ein sjómaður skal arbeiða til hann er 75 ár og sum fór til skips sum 18 ára gamal ber ikki til.

So uppskotið um pensjóns “ansinitet” er sera viðkomandi og lætt at seta í verk.

Ársúrslitið í 2024 eftir skatt var 4,5 mió. kr. Øktar útreiðslur í sambandi við KT og niðurskrivingar ávirkaðu í stóran mun úrslitið. Í 2023 var úrslitið 6,1 mió. kr., sum í stóran mun var merkt av kursvinningi.

“Vit eru nøgd við ársúrslitið í 2024. Í 2025 hava vit góðar vónir til realkreditt, og fyri flestu kundar er realkredittfígging tað besta lánið til bústaðarfígging. Væntaða ársúrslitið fyri 2025 er 4,5 mió. kr. áðrenn skatt”, sigur Søren L. Bruhn, stjóri.

Suðuroyar Sparikassi hevði aðalfund í gjár, 3. mars 2025. Hans Petur Joensen og Jákup S. Olsen vórðu afturvaldir. Suðuroyargrunnurin tilnevndi aftur Onnu Borg Dahl sum nevndarlim.

Tak ársfrásøgnina niður her.

^{_{Kelda: ss.fo 04. mars 2025}}

Fyrstu klippini frá várgestum okkara, tjøldrunum, bera av sonnum boð um at várið og ljósari tíðir eru í nánd. Eins og undanfarin ár skipar Visit Runavík, saman við skótunum, fyri grækarismessuhaldi í Skótahúsinum við Løkin í Runavík mikudagin 12. mars kl. 17.00.

Dagurin er ein hugnaligur dagur við røðu og hornblástri. Tiltakið byrjar við, at skótarnir ganga skrúðgongu. Silas Olofson flytur fram røðu og Nes Sóknar Musikkfelag spælir. Tiltakið varir á leið ein tíma. Øll eru hjartaliga vælkomin.

Visit Runavík

_{^{Kelda & mynd runavik.fo – 03. mars 2025}}

Klaksvíkar kommuna og Rúni Rasmussen, kommunustjóri, eru blivin samd um at enda samstarvið.  Rúni Rasmussen steðgar formliga í starvinum 1. mars, men verður tøkur at ráðgeva býráðnum og umsitingini í nakrar mánaðir.

Karl Johansen, borgarstjóri, sigur, at Klaksvíkar kommuna ynskir at takka Rúna Rasmussen fyri hansara virðismikla arbeiði í kommununi, og ynskir honum alt tað besta framyvir.

Tað verður John Færø, trivnaðarstjóri, sum verður virkandi kommunustjóri, inntil nýggjur kommunustjóri verður settur.

Rúni Rasmussen tók við starvinum sum kommunustjóri 1. aug. 2021. Starvið sum kommunustjóri var áramálasett í 5 ár.

_{^{Kelda: klaksvik.fo 27.02.2025}}