Vinnulívsmaður og fyrrverandi borgarstjóri uppstillaður fyri Framsókn

Lagt út ÓML
Lagt út ÓML 2 måneder ago
Updated 2022/12/04 at 2:38 PM

Vinnulívsmaðurin Árni M. Dam, ið eisini hevur veri borgarstjóri í Sunda kommunu og havt hópin av álitisstørvum í samfelagnum, er á listanum hjá Framsókn. Her er ein profilur av Árna M. Dam.

Árni byrjaði sína yrkisleið á sjónum og hevur siglt í mong ár við línuskipum og eisini verið reiðari. Eitt skiftið var hann eisini skrivari hjá Reiðarafelagnum.

Hann var við til, at gera fiskidagaskipanina og ikki minst var hann við til, at slóða fyri øktum makrelrættindum til Føroyar, tá hann starvaðist í Reiðarafelagnum saman við Viberg Sørensen í var formaður í felagnum.

Nógv eftirspurdir nevndarlimur:

Árni er í dag næstformaður í Útnorðurgrunninum. Harumframt hevur hann eisini verið nevndarlimur í Faroe Seafood, Kollafjørð Pelagic, Framtaksgrunninum og Føroya Tele Net.

Sjólívið og reiðaravirksemi:

Sigldi í mong ár við línuskipum, harav 9 ár sum stýrimaður og skipari.  Var í fleiri ár reiðari M/S SIGMUND, M/S TUMMAS NYGAARD og M/S FULGTÚGVUNI, virkiseigari og stjóri á fiskavirkjunum ið var á Norðskála og sum í dag er Sjógæti. Var eisini formaður í Felagnum Línuskip. Í dag rekur familjan handilin Stanley á Norðskála sum tey hava átt í 26 ár.

Politiska lívsleiðin:

Árni hevur í fleiri ár verið virkin í bygdaráðnum í Sunda kommunu. Hann var í Sunda Kommunu í 16 ár, harav Borgarstjóri í eitt valskeið og varaborgarstjóri í eitt. Hann minnist tíðina sum sera hendingaríka, tá hann byrjaði í bygdaráðnum skyldaðu tey um 5 álíkningar og tá hann gavst í býráðsarbeiði eftir 16 ár var kommunan fíggjarliga val fyri. Hann sigur at hetta var ein sera áhugaverd tí, Tey bygdu stóran dagstovn og var hetta arbeiði gjørt í tøttum samstarvið við starvsfólkini innan barnaansingina. Eisini valdu tey at gera stóru vinnuligu útstykkingina norðanfyri brúnna. Hetta er í dag ein kraftmiðdepil í økinum við fleiri handlum, matstovu og læknamiðstøð. Hetta má sigast at hava veri ein sera visioner ætlan sum hevur ment hetta økið munandi. Eisini bleiv vegurin suður til Rækjuvirki gjørdur í hesum tíðarskeiðinum.

Politiska framtíðin

Fiskivinnan hevur mín stóra áhuga og her er neyðugt at, vit fáa fleiri rættindi til tann partin av flotanum sum hevur tað trupult, partrolarar og húkaflotan.

Tað ber ikki til at Línu- og útróðrarflotin skal keypa agn fyri nógvan pening, tá vit hava økt okkara uppisjóðarrættindi sera nógv. Tí skal hesin parturin av flotanum, sjálvandi fáa bíligt agn – sild og makrel, eins og tað verður gjørt eitt nú í Noreg.

Bara hetta eina tiltakið vildi betra munandi um lønsemið hjá Línuskipunum og útróðrarbátunum. Eg ynski eisini at vit føra ein politikk har haldførið í búskapinum gerst betri og máli er sjálvsagt, at fáa ein sjálvberðandi búskap. Her og nú við høgari inflatión og hækkandi rentu skulu vit frá politiskari síðu stuðla teimum sum hava tað truplast. Eisini mugu vit fáa munandi fleiri bústaðir, bústaðartrotið má loysast. Eg ynski veruliga at vit hava eitt vælferðarsamfelag fyri øll, sigur hann at enda í viðtælu við 24fo.news.

Um Árni M. Dam

61 ára gamal. Tók skiparaprógv á Sjómansskúlanum í 1981 og Hægri Handilsskúla á Kambsdali í 1992. Er giftur og eiga tey 2 børn.

Mín størsti áhugi hevur altíð verið og er – føroysk fiskivinna og samfelagsviðurskifti.

Frítíðarvirksemi: Bridge, Talv og bókalesnaður.

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *