Eldraøkið kostaði 800 mió. kr. í 2024 og veitingar til pensjónistar vóru tilsamans 1,5 mia kr. Hetta skrivar Búskaparráðið
Mynd 1 vísir útreiðslurnar til rakstur av ellis- og røktarheimum, heimahjálp við meira. Myndin vísir, at rakstrarútreiðslurnar tilsamans hjá landi og kommunum eru øktar frá 350 mió. kr. í 2010 til nærum 800 mió. kr. í 2024. Henda gongdin fylgir í stóran mun talinum av eldri pensjónistum, tað vil siga 80+ ára gomlum, tí tey flestu, sum fáa heimarøkt og røktarpláss á ellisheimi, eru omanfyri 80 ár.
Samlaðu útreiðslurnar til fólkapensjón og AMEG eru somuleiðis meir enn tvífaldaðar í sama tíðarskeiði.
Demografiska gongdin, við alsamt fleiri eldri fólki, og serstakliga talið av 80+ ára gomlum, merkir, at útreiðslurnar til eldraøkið og pensjónsveitingar fara at halda fram at vaksa.
Mynd 1 Nýtsluútreiðslur til aldurdóm sum % av BTÚ
Viðm.: Tænastumannaeftirlønir eru ikki við. Kelda: Hagstova Føroya og Búskaparráðið.
Mynd 2 Eldraveitingar
Kelda: Hagstova Føroya.
Sí brot frá framløguni av haldførisfrágreiðingini her.
Les meira í haldførisfrágreiðingini hjá Búskaparráðnum her.
