Eykabýráðsfundur mikudagin 21. desember kl. 16

Lagt út ÓML
Lagt út ÓML 1 år ago
Updated 2023/03/14 at 10:28 PM

Eykabýráðsfundur verður í morgin, mikudagin 21. desember klokkan 16. Bert eitt mál er á skrá, tað er uppskot um sáttmála við Articon um heildararbeiðstøku av innkomuvegnum og tunlinum undir Húsareyni.

Býráðið samtykti 27. oktober einmælt at bjóða ráveg og tunnil út sum høvuðsarbeiðstøku. Í hesum sambandi skuldi eisini gerast sáttmáli við ráðgevan um detailprosjektering av vegaverkætlan frá rundkoyringini við Hvítanes til tunnilsmunnan.

Tann 1. desember 2022 varð lisitiatión um arbeiðið at gera tunnil og ráveg. Inn komu tilboð frá P/F J & K Petersen og P/F Articon áljóðandi ávikavist kr. 310.396.677 og kr. 293.055.268. Harumframt lat Articon tvey alternativ tilboð inn áljóðandi ávikavist kr. 289.150.373 og kr. 261.876.066. Umsitingin hevur gjøgnumgingið tilboðini.

Til eykabýráðsfundin skjóta tekniski stjórin og býarverkfrøðingurin upp, at sáttmáli verður gjørdur við P/F Articon um heildararbeiðstøku við føstum prísi at gera vegastrekkið millum rundkoyringina á Hvítanesi og Marknagilsvegin við Dánjalstrøð, íroknað tunnil undir Húsareyni áljóðandi kr. 324.078.773,25 íroknað mvg. Tryggjast skal, at stuðulin frá landinum áljóðandi kr. 110.000.000 kann veitast verkætlanini.

Eykabýráðsfundurin verður mikudagin 21. desember kl 16. Fundurin verður stroymdur.

Tú finnur dagsskránna og leinki til stroymingina her:

Finn dagsskráir og fundarfrásagnir

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *