Ísrael hevur í dag tikið ímóti teimum 20 seinastu livandi gíslunum, sum Hamas tók tann 7. oktober 2023. Heimkoman hendi sum liður í einum vápnahvíldaravtalu, sum eisini fevnir um víðfevndar fangaskiftisskipanir.
Tað var ein sterk løta, tá gíslarnir komu aftur til Ísrael í morgun. Túsundtals fólk savnaðust á Hostage Square í Tel Aviv at fagna teimum, og myndir vísa kenslubornar løtut tá gíslarnir møta familjum og teirra kæru.
Gíslarnir vóru fluttir úr Gaza við hjálp frá Altjóða Reyða Krossi. Hamas gav teimum møguleika at ringja til familjur sínar, áðrenn teir vórðu fluttir, og fleiri familjur hava deilt hesi brot við almenningin. “Tað er í lagi, mamma. Tú skalt ikki stúra,” segði Bar Kupershtein í einum video, sum móðir hansara deildi.
Sáttmálin, sum varð gjørdur við hjálp frá forsetanum í USA, Donald Trump, inniber eisini, at Ísrael skal leyslata umleið 2.000 palestinskar fangar, harav 250 hava lívstíðardómar. Vápnahvíldin fekk gildi fríggjadagin, og í dag eru bæði hjálpargóðs og fólk farin at flyta seg aftur í Gaza hetta skrivar CBS News.
Millum teir fyrstu, sum komu aftur, vóru Gali og Ziv Berman, Matan Angrest og Alon Ohel. Teir vóru allir tiknir undir Nova tónleikafestivalinum í 2023.
Myndin á grein er fra 123rf.com savnsmynd mynd 2 inni á greinini er tilgjørd við Copilot AI
