Fíggjarætlanin samtykt – Fegnist um góðu gongdina

Skrivar: Óli M. Lassen býraðslimur

Lagt út ÓML
Lagt út ÓML 1 uge ago
Updated 2022/11/25 at 2:27 AM

Á skránni til býráðsfundin hóskvøldið verður fíggjarætlanin hjá Klaksvíkar kommunu til viðgerðar . Inntøkurnar eru mettar til 328 mió. kr., og raksturin 254 mió. kr. Býráðið hevur sett av til íløgur 51,7 mió. kr. í 2023.


Vit hava framhaldandi hækkandi inntøkur og fólkavøkstur í Klaksvíkar kommunu og vit megna stórar íløgur hvørt ár. Komandi árini kann roknast við at íløgukarmurin verður um 40 milliónir, samstundis sum kommunan kann niðurgjalda einar 15 til 18 milliónir krónur av skuld um árið.

Nakrar av íløgunum komandi ár.

Tað eru at játtaðar 10 mió. til liðugtgerð av útstykkingini á Fossum. Harumframt er eisini gjørt pláss á íløgusíðuni til tríggjar nýggjar barnagarðsstovur í Fjallafípuni, økið kring nýggja kappróðrarneystið og íløgur í vega- og parkeringsloysnir, eitt nú við Stangavegin. Eisini verður havnalagið í Norðhavnini útbygd við tunnilsgrótið. Eisini er avsettar 450.000 kr til framhaldandi at tekna fimleikarhøllina.

Íløgur, sum býráðið á komandi býráðsfundi hevur tikið endaliga støðu til eru:

10 mió. kr. eru settar av til avdráttir

Samtykt var at seta 10 mió. kr. av til avdráttir av lánum. Skattaprosentið er framvegis 20,75% og barnafrádrátturin er eins og í 2022 5.500 kr. Nettoskuldin ultimo 2023 verður mett til at verða á leið 52 mió. kr. oman fyri skuldarmarkið.

Kommunan roknar við einum útslitið á 400.000 kr.

Kelda: Klaksvik.fo

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *