Tað var gamla bygginevndin hjá Dansifrøi, sum vildi handa hesa áminning fyri tað einastandandi samstarv, sum bygginevndin hevur havt við Tórshavnar kommunu. Dansifrøi varð stovnað í 1972 um tað mundið, verandi borgarstjóri varð valdur í býráðið.
Tað vóru teir tríggir, Høgni, Andreas og Erling, sum eftir aðalfundin hjá Dansifrøi í 2022 fóru í gongd at útvega øki til felagshús og dansihøll til Dansifrøi. Kommunan hevur verið viðspælari allan vegin.
Í gjár varð so ein áminning handað umsitingini og borgarstjóranum, sum tøkk fyri gott samstarv – talan er um eitt 50 ára skelti.
Umframt hetta handaði formaðurin eina gávu frá øllum limunum í Dansifrøi til borgarstjóran sjálvan. Tað er hetta dansandi parið, sum sambært formanninum skuldi ímynda borgarstjóran sjálvan og konuna Hjørdis.
Kelda & mynd: torshavn.fo 22-11-2022
