Ókeypis skeið í lívbjargandi fyrstuhjálp

Lagt út ÓML
Lagt út ÓML 2 år ago
Updated 2022/11/05 at 10:05 PM

Sunda kommuna bjóðar øllum borgarum búsitandi í kommununi ókeypis skeið í lívbjargandi fyrstuhjálp.

Fyri eina kommunu sum okkara er tað lívsneyðugt, at so mong sum gjørligt duga fyrstuhjálp og at brúka hjartastartara. Hesir førleikar hava avgerandi týdning, um vanlukka hendir.

Tí samtykti býráðið, á fundi fyrr í ár, at allir borgarar eldri enn 14 ár skuldu hava ókeypis fyrstuhjálparaskeið í boðið.

Skeiðið verður á Torginum í Skúlanum við Streymin, leygardagin 19. november kl. 10.00 – 14.00*

Tað verður Jógvan Jensen frá fyritøkuni Ansni Tilbúgving, sum heldur skeiðið. Øll sum luttaka á skeiðnum fáa fyrstihjálpara prógv.

Innihald og skrá:

  • Vælkomin og presentatión
  • Tær 4 meginreglurnar hjá fyrstahjálparanum
  • Vitstøði
  • ABC-skipanin
  • At seta í hálsin
  • Brádligt dánilsi
  • Ymiskar brákomnar heilsustøður
  • Stabil síðulega
  • Yvirlivilsisketan
  • Grundleggjandi lívbjargan
  • Nýtsla av hjartastartara (AED)
  • Hví hjartastartara
  • Praktisk venjing í ”hjartamassasju” saman við nýtslu av AED-Hjartastartara

Frálæran er skipað sum uml. 40% teori og 60% praktikk.

Tilmelding fer fram her (trýst á tekstin) ella við at ringja til kommunuskrivstovuna tlf. 667271.

Freistin at melda til er týsdagin 15. november kl. 12.00

Vónandi verður undirtøkan góð til hetta skeiðið, sum vit vóna tit ongantíð fáa tørv á, men sum er avgerðandi at duga, um so er man er hjástaddur, tá ein vanlukka ella hjartasteðgur hendir.

* Skeiðið er fyri øll eldri enn 14 ár, ið eru búsitandi í Sunda kommunu. Skeiðið verður hildið um nóg nógvar tilmeldingar eru

Kelda & mynd: sunda.fo – 02.11.2022

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *