Kristel Lisberg byrjaði longu sum ung genta at syngja country, og árini síðani hevur hon serliga útgivið og framført country, soul og popp – onkuntíð snildisliga samanblandað í kensluríkan countrypopp.
Seinasta hittið hjá Kristel var sangurin “It’s Killing Me”, og á Summar Festivalinum fer hon at framføra sangin fyri fyrstu ferð í Føroyum. Hon fer eisini at spæla sangin “Slow Burn”, sum hon fer at útgeva í næstum. Hetta er sangur, ið er skrivaður av kendum sangskrivarum í Nashville, sum áður hava arbeitt saman við Miranda Lambert og Kacey Musgraves. Aftrat tí fer hon eisini at framføra klassiskar countrysangir.
Í bólkinum hjá Kristel Lisberg spæla Janus Kampmann, Josva Debes, Pauli Magnussen, Magni Husgaard og Jákup Zachariassen.
Kelda & mynd sf.fo 2023
