6 núlivandi borgarstjórar fingu viðurkenning

Lagt út ÓML
Lagt út ÓML 2 år ago
Updated 2023/01/17 at 12:56 AM

Tórshavnar býráð samtykti í desember einmælt  reglugerð um Heiðurstekin Tórshavnar býráðs. Reglugerðin fevnir um borgarar, starvsfólk,  býráðslimir og borgarstjórar.

Tað er ein nevnd, sum er sett saman við umboðum fyri meiriluta og minniluta í býráðnum og kommunustjóranum, sum ger av, hvør borgari skal hava heiðurstekin.

Nevndarlimur og navnnevndur persónur kann gera skrivligt tilmæli um, hvør skal hava heiðurstekin. Í skrivliga tilmælinum skal í stuttum greiðast frá lívssøguni hjá borgaranum, og grundgevast skal fyri, hví mett verður, at borgarin skal hava heiðurstekin. Nevndin tekur síðani avgerð um, hvørt heiðurstekin skal latast.

Tað eru longu nøkur, sum hava fingið heiðurstekin í silvuri fyri 30 ára tænastu og heiðurstekin í gulli fyri 40 ára tænastu.

Í gjár fingu 6 núlivandi borgarstjórar viðurkenning sambært reglugerðini. Vegna Lisbeth Petersen, ið var borgarstjóri frá 1993 – 1996, tóku børnini Elsa L. Joensen og Georg L. Petersen ímóti heiðurstekninum.

Poul Michelsen var borgarstjóri 1981 – 1992, Leivur Hansen 1997 – 2000, Jan Christiansen 2001 – 2004 og Annika Olsen 2017 – 2020. Heðin Mortensen hevur sitið 2005 – 2016 og aftur frá 2021.

Ólavur Frederiksen tók myndina.

Fleiri myndir kunnu síggjast her á torshavn.fo.

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *