Bjarni á Steig stjóri fyri nýggja Fólkaheilsustýrið

Lagt út ÓML
Lagt út ÓML 1 år ago
Updated 2023/03/14 at 11:06 PM

Landsstýrismaðurin í heilsumálum, Kaj Leo Holm Johannesen, hevur gjørt av at seta Bjarna á Steig, yvirlækna, sum stjóra fyri Fólkaheilsustýrið.

Bjarni á Steig er 64 ára gamal, er útbúgvin lækni frá Københavns Universitet í 1991, serlækni í hæmatologi í 2003 og í intern medisin í 2004. Bjarni hevur eisini diplom frá serlæknaskeiði í palliativum medisini í 2013 umframt ymisk viðkomandi skeið.Bjarni hevur drúgvar leiðsluroyndir frá síni tíð sum leiðandi yvirlækni á medisinska deplinum frá 2009 og fram til 2017. Eisini hevur Bjarni starvsroyndir sum virkandi landslækni í styttri tíðarskeið.

Um Fólkaheilsustýrið

Fólkaheilsustýrið, sum verður sett á stovn á nýggjárinum, er ein sjálvstøðugur stovnur undir Heilsumálaráðnum, har yvirskipaðu heilsufakligu uppgávurnar í Føroyum verða skipaðar.

Fólkaheilsustýrið skal við hollum kunnleika til føroysk heilsuviðurskifti og samfelagsviðurskifti veita heilsufakliga ráðgeving og vegleiðing. Ein týðandi uppgáva verður at menna og styrkja fólkaheilsuarbeiðið og fyribyrging. Harumframt skal Fólkaheilsustýrið veita granskingargrundaða heilsufakliga ráðgeving og menna, viðgera og skipa hagtøl og skráir á heilsuøkinum.

Heilsumálaráðið 8 now 2022

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *