Emerald á Havnina seinnapartin 13 juli.

Lagt út ÓML
Lagt út ÓML 8 måneder ago
Updated 2023/07/17 at 12:34 AM

Nýggi trolarin hjá Pf. Havborg, Emerald, kom á Havnina seinnapartin. Sera nógv fólk var samankomið á Eystaru Bryggju til móttøkuna.

Annfinn Brekkstein, varaborgarstjóri, helt røðu á keiini og nevndi, hvussu hugaligt tað var at standa á Eystaru Bryggju ein dag sum hendan.

– Tílíkir dagar eru altíð søguligir dagar. P/F Havborg er systurfelag hjá P/F Ennibergi og reiðaríið hevur sum felag gjøgnum tíðina havt heilt ómetaliga stóran týdning fyri Havnina. Og skip sum hesi hava ómetaliga stóran týdning fyri býin og fyri samfelagið alt.

– Framtíðin setir stór krøv til okkara, og tit skapa umstøður fyri áhaldandi vinnulívsmenning á økinum. Tað er serliga hugaligt at verða boðin við til eitt slíkt hátíðarhald sum hetta, har ein undangongufyritøka vísir, at hon veruliga torir at taka við avbjóðingum í fiskivinnuni, hóast ørkymlandi útlit.

– Avbera hugaligt er tað, at tað eru tey, sum tryggja okkum, at vit eru til reiðar at taka við avbjóðingum, tá tá vinna vit eisini á mál. Støðan í heiminum hevur tað við sær, at lond ikki longur eru vard ímóti kapping frá hvørjum øðrum, men tvørturímóti standa í kapping, sum harðnar.

– Hetta er avbjóðingin nú og næstu mongu árini. Krígsstøður gera tað ikki einfaldari. Hetta merkir eisini, at kappingin harðnar á bæði verandi og ótroyttum marknaðum. Og tí er tað fløvandi og almikið undrunarvert at síggja tykkum byggja nýtt skip, skapa hópin av nýggjum arbeiðsplássum – og samstundis útvega nýggjan kapital til samfelagið.
 
– Serliga hetta seinasta – nýggj arbeiðspláss og inntøku til samfelagið – hugar okkum politikkarum best, tí tað er treytin fyri, at vit klára at fylla ásettar karmar og skapa tann trivnað, ið er neyðugur í kappingini til tess at draga okkara vælútbúnu fólk heimaftur úr útlondum – og fáa øll hini at trívast í landinum.

– Havnin brynjar seg eftir førimuni eisini til leiklutin sum tilfeingisdepil í Norðurhøvum. Og vit arbeiða støðugt fyri at tryggja umstøður at veita tryggar og dyggar tænastur, sum vinnuni tørvar.

– Hetta er ein væl valdur dagur til hesa móttøku. Sum tey flestu kanska vita, so hevur Mortan føðingardag í dag. Mortan – ikki sæst tað á tær, men hjartaliga tillukku við 86 ára degnum og hjartans tøkk fyri títt ómetaliga stóra íkast og alt tað besta í tí komandi.

– Eg skal vegna Tórshavnar kommunu og býráðið ynskja reiðarínum og manningini alt tað besta og blíðan byr inn í eina spennandi framtíð. Vit ynskja hjartaliga til lukku og Guds ríku signing við hesum stásiliga skipi.

– Eg skal takka tykkum øll somlum fyri tykkara trúfesti og ynskja tykkum alt tað besta í vón um eitt framhaldandi ríkt samstarv. Navnið á skipinum kemur frá grøna gimsteininum, ið sambært Halgubók klæðir veggirnar á himmalsku bústøðunum, og stutta bøn mín skal vera, at skipið skalt verða til signing fyri manning og reiðarí og landið alt, segði Annfinn Brekkstein, varaborgarstjóri, at enda.

two men standing in front of a military ship

a large crowd of people at an event

a group of people posing for a photo

a person playing a guitar on a stage with a crowd watching

a group of people in a train

a group of people posing for a photo

a man speaking into a microphone

a man standing at a podium

Kelda & myndir: torshavn.fo

Share this Article