Tveir menn útvístir fyri stuldur

Lagt út ÓML
Lagt út ÓML 10 måneder ago
Updated 2023/07/19 at 12:36 AM

Tveir menn vóru í Føroya Rætti dømdir fyri stuldur. Menninir, sum vóru útlendingar, vóru samstundis útvístir úr Føroyum.

Føroya Rættur viðgjørdi í gjár eitt mál har sum tveir menn úr Pólandi vóru ákærdir fyri stuldur. Menninir vóru ákærdir fyri í felag at hava stjolið amboð fyri uml. 50.000kr. Menninir høvdu m.a. stjolið frá arbeiðsgevaranum. 

Annar maðurin játtaði seg sekan, meðan hin noktaði. Báðir menninir vóru tó í einum dómsmansrætti í Føroya Rætti í gjár dømdir sekir og fingu 60 daga lutvíst treytaða fongsulsrevsing hvør. Afturat fongsulsrevsingini blivu menninir útvístir úr Føroyum við einum innferðarbanni í 3 ár. 

Báðir menninir tóku við dóminum. Menninir sita nú í varðhaldi til teir verða vístir av landinum.

Share this Article