Samtykt at fyrireika útbygging av Skansabryggjuni norðureftir

Fleiri skitsir inni á greinini.

Lagt út ÓML
Lagt út ÓML 7 måneder ago
Updated 2023/10/30 at 10:53 PM

Býráðið hevur nú seinnapartin samtykt at játta eina miljón krónur til fyrireikingar og projektering av verkætlan at útbyggja Skansabryggjuna norðureftir.

Núverandi útbygging av Skansabryggjuni og eystara havnaøki skuldi upprunaliga fevna um eitt øki uppá umleið 163.000 fermetrar. Útbyggingarætlanin varð tó tillagað og minkað niður í 95.000 fermetrar.

Nýggja havnaøkið minkaði við hesi tillaging sostatt umleið 68.000 fermetrar í mun til upprunaligu ætlanina, og tað minkar sostatt eisini um nyttuna og møguleikarnar at skipa havnaøkið nøktandi í mun tey krøv og ynski, sum eru og verða til farmaflutning og uttanlandssigling.

Ein onnur avleiðing av hesi broyting var eisini, at ætlanin at gera nýggian til- og frákoyringarveg millum havnalagið og ringvegin ikki kundi fremjast.

Havnarmeistarin mælti nú til at játta eina miljón krónur til fyrireikingar og projektering av verkætlanini «Skansabryggjan – útbygging norðureftir», fíggjað av íløgum hjá Tórshavnar havn fyri 2023, og at beina málið í býráðið umvegis fíggjarnevndina.

Havnanevndin hevur samtykt at taka undir við tilmælinum, og ein meiriluti í fíggjarnevndini tók 18. oktober 2023 undir við havnanevndini at beina málið í býráðið.

Málið kom fyri á býráðsfundi í dag og varð samtykt.

a beach with a body of water and buildings

water

a road next to a body of water with buildings along it

a city next to a body of water

a body of water with boats in it and buildings in the back

Kelda & myndir (skitsir):torshavn.fo 26 okt. 2023

Share this Article