Rúsfríar Føroyar

Lagt út ÓML
Lagt út ÓML 2 måneder ago
Updated 2022/11/27 at 6:52 PM

Higartil í ár er hald lagt á 45,6  kg av hash, sum er  steðgað í tollinum í Føroyum.    Hetta er tað mesta nakrantíð og  skal tollvaldið  hava tøkk fyri, at hesi kiloini ikki komu út á marknaðin í Føroyum og gjørdu skaða.  

Nærliggjandi er her at seta sær spurningin,hvussu nógv tað hinvegin hevur eydnast at smugla til Føroyar.

Seinastu 10 árini hevur miðaltalið verið 8 kg.  Næststørsta mongd í eitt ár er 22 kilo og tað var í 2017.  Tollvaldið hevur eisini lagt hald á smærri nøgdir av  kokain, amfetamin og MDMA

Ørkymlandi gongd

Hendan gongdin er  ørkymlandi og bendir á, at smuglarar  eru farnir at brúka aðrar hættir og at smuglingin er blivin meir skipað.

Hendan gongdin skal steðgast og  er hetta  nakað,  sum eg vil stríðast fyri. Hetta er ein stórur samfelagsligur  trupulleiki, og fer bara at blíva størri um vit lata standa til.

Fleiri pengar.

Vit mugu seta fleiri pengar av til eftirlit  við  innflutninginum  til Føroyar. Bæði luftvegis og sjóvegis og strangari eftirlit við fiskiskipum og øðrum skipum. Pengar til  fleiri fólk, hundar og tól.  Mál okkara  skal vera  fullkomiliga at   steðga hesum rúseitrinum í at koma til Føroyar og  oyðileggja okkara børn og ungdóm.  Vit kunnu ikki bara standa og hyggja at og endurtaka, hvat vit burdu gjørt.

Revsingin fyri  at innflyta rúsevnir til Føroyar skuldi verið eftirhugd og møguliga herd.

Vit skulu verja okkara  ungdóm móti rúseitri.  Besti mátin at gera tað uppá er at herða eftirlitið við innflutninginum. Tí skulu fleiri pengar setast av til tað.  Rúseitur  er ein samfelagsligur truplulleiki, sum flest øll lond stríðast við, men vit eru í tí hepnu støðu, at  liggja mitt úti í Atlantshavinum. Tað skuldi alt annað líka gjørt eftirlitið lættari, men vit mugu seta fleiri pengar av til hetta.  Hetta skal hava hægstu raðfesting í framtíðini.   

X við fólkaflokkin

X við Elsebeth Mercedis Gunnleygsdóttur.

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *