Nú fær Sankta Frans nýggjan skúla

Lagt út ÓML
Lagt út ÓML 1 år ago
Updated 2023/03/14 at 10:24 PM

Nú byrjar byggingin av hádeildini hjá Sankta Frans skúla. Í dag varð arbeiðstøkusáttmálin millum Tórshavnar kommunu og HVT undirskrivaður, og nú er alt klárt til at byggja nýggja hádeild til Sankta Frans skúla. HVT vann útboðið, og sáttmálaupphæddin er kr. 28,5 mió.

Við hesum fer Sankta Frans skúli at hava næmingar úr forskúla til 9. flokk, ið hevur verið stórt ynski hjá skúlanum í mong ár. Í skúlanum verða seks skúlastovur, umframt serhøli og fakhøli, eins og starvsfólkaumstøður og felags uppihald.

Bygningurin er umleið 1100 fermetrar og verður bygdur á stykkinum, sum Stella Maris vøggustova stendur á. Í næstu viku verður byrjað at taka Stella Maris-húsini niður.

Í hesum sambandi verða gjørd átøk soleiðis, at niðurtøkan órógvar sum minst ferðsluna í økinum, serliga um morgunin, tá nógv ferðsla vanliga er til Sankta Frans skúla, Sankta Jósef´s barnagarð og miðbýin annars.

Eisini verða atlit tikin til grannalagið, millum annað KFUK.

Sambært tíðarætlanini verður hádeildin tikin í nýtslu til skúlaárið 2024/25.

Nøkur fakta um húsini.

Húsini hava í fleiri umførum verið advokatskrivstova og bústaðarhús. Advokat Helge G. Simons seldi húsini til Børge Hustedt Andersen, advokat, í 1936. Hann húsaðist har til hann fór av landinum í 1949.

Húsið hevur síðan verið brúkt til mangt og hvat. Var kostskúli hjá nonnunum seinast í 50’unum og síðan millumskúli, áðrenn tad bleiv vøggustova.

Húsini liggja væl fyri. Stutt er til Viðarlundina, Grasagarð, vøllirnar í Gundadali, og býarbussurin steðgar beint við. Harumframt er ein av bestu gørðunum í býnum á staðnum.

Søgan um Stella Maris vøggustovuna gongur aftur til 1958, tá nonnurnar settu á stovn ta fyrstu vøggustovuna í landinum.

Í byrjanini helt vøggustovan til í tveimum skúlastovum á Sankta Frans Skúla, beint hinumegin vegin, men í 1965 flutti vøggustovan niðan til betri og rúmligari umstøður í Stella Maris.

a group of people standing in a room

F.v. síggjast Jóan Petur Hentze, trivnaðarstjóri, Heðin Mortensen, borgarstjóri, Regin Petersen, stjóri í HVT, Súna Mørk, forkvinna í trivnaðarnevndini, og Johan Syderbø, leiðari á bygningsdeildini hjá Tórshavnar kommunu.

a group of men sitting around a table

a man signing a document

a group of people sitting at a table looking at papers

a group of people sitting around a table

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *