Føroyskir útisetar í Danmark kunnu nú brúka MobilePay

Lagt út ÓML
Lagt út ÓML 3 måneder ago
Updated 2022/11/09 at 9:21 AM

Frameftir verður ikki neyðugt hjá føroyskum útisetum í Danmark at hava ein danskan peningastovn fyri at kunna brúka MobilePay.

Kontur í føroyskum peningastovnum góðkendar

MobilePay er ein ókeypis app, ið ger tað lætt at flyta pengar, gjalda fyri vørur, tænastur

o.a. Nærum 4,5 mió. danir brúka appina, og omanfyri 1 mió. flytingar verða gjørdar við

MobilePay um dagin.

Føroysku peningastovnarnir hava nú gjørt avtalu við MobilePay, ið ger tað møguligt hjá

kundum í føroysku peningastovnunum, ið eru búsitandi í Danmark, at brúka loysnina.

“MobilePay verður sera nógv brúkt í Danmark, og tí eru vit fegin um at hava funnið eina

loysn, ið ger tað møguligt hjá føroyingum, sum eitt nú flyta niður í lestrarørindum, at

brúka MobilePay uttan at skula skifta føroyska peningastovnin út við ein danskan,” sigur

Turið F. Arge, forkvinna í Felagnum Peningastovnar.

Krøv fyri at brúka MobilePay

Fyri at kunna brúka MobilePay skal appin fyrst takast niður á telefonina, og annars skal

vanliga mannagongdin hjá MobilePay fylgjast. Brúkarar mugu hava eitt danskt

telefonnummar, danskt cpr.nr. og MitID. Harumframt er neyðugt at hava eina bankakontu

og eitt gjaldskort, sum sambært nýggju avtaluni eins væl kunnu vera føroysk sum donsk.

Framvegis eingin loysn funnin til føroyska marknaðin

Føroysku peningastovnarnir hava í longri tíð havt samband við MobilePay um at fáa

tænastuna at rigga til føroyska marknaðin. Orsakað av tøkniligum forðingum, sum enn

ikki eru loystar, ber tað tó framvegis ikki til hjá kundum í føroysku peningastovnunum, ið

eru búsitandi í Føroyum, at brúka MobilePay.

Share this Article