Vælkomin til skrúðgongur, kappróður, framsýningar, spælibásar, middagssang, midnáttarsang, føroyskan dans og mangt annað á ólavsøku. Í dag seta vit hol á ólavsøkuna við árligu Pride-skrúðgonguni, upphiting á kampingøkinum, ólavsøkurenning, kabarett og ferniseringum.
Tú sært alla ólavsøkuskránna í tiltakskalendaranum Tímin, sum bæði finst á føroyskum og enskum. Skráin fæst eisini í prentaðum líki í handlunum og í kunningarstovuni í Steinatúni.
Ólavsøka -savnsmynd 24.fo
Gev tó gætur, at fleiri broytingar eru gjørdar, síðan skráin varð prentað og borin út í handlarnar. Millum annað er landskappingardysturin hjá Betri kvinnum avlýstur, meðan mong onnur tiltøk eru løgd afturat, so hvørt sum fyriskiparar leggja síni tiltøk út á Tíman.
Vilt tú tryggja tær, at tú sært eina dagførda skrá, er tí skilabest at halda seg til Tíman. Á kunningarsíðu okkara um ólavsøkuna 2024 kanst tú lesa alt um ferðsluna og trygdina á ólavsøku.
This website uses cookies to improve your experience. We'll assume you're ok with this, but you can opt-out if you wish.
Denne hjemmeside bruger cookies til at forbedre din oplevelse. Vi antager, at du er ok med dette, men du kan fravælge det, hvis du ønsker det.
Hesin portalur nýtir kennifílar.AcceptRead More
Lagt út ÓML
