05.01.2023
Leygardagin 7. januar 2023 verður skipað fyri almennari móttøku, tá nýggja tænastuskipið hjá Bakkafrost, M/S Bakkafossur, kemur á Glyvrar. Dagurin verður hátíðarhildin við røðum, tónleiki og ábiti, og møguleiki verður at vitja umborð umframt at vitja virkið og høvuðssætið hjá Bakkafrost. Bakkafrost sigur í skrivinum at øll eru hjartaliga vælkomin til móttøkuna.
Hátíðarhaldið byrjar við, at skipið verður doypt. Síðani verður móttøka við røðum og tónleikaframførslum innandura í hølum hjá Bakkafrost á bryggjuni.
Skráin fyri móttøkuni er soleiðis:
12:30 Bakkafossur leggur at. Fýrverk á bryggjuni
13:00 Skipið verður doypt
13:05 – 14:00 Móttøka innandura á bryggjuni á Glyvrum við røðum og tónleikaframførslum
14:00 – 16:00 Opið skip umborð á M/S Bakkafossi / Opið hús á høvuðssætinum hjá
Bakkafrost við ábiti
Øll eru hjartaliga vælkomin!
