Skráin fyri Virkið vár

Lagt út ÓML
Lagt út ÓML 1 år ago
Updated 2023/04/28 at 11:03 PM
Mynd 24.fo

Virkið vár er aftur á skránni og yvirskriftin hesaferð er umhvørvið. Eitt av endamálunum við Virkið vár er at eggja og seta í verk tiltøk til frama fyri betur heilsu- og umhvørvisviðurskiftum.

Fjølbroytt tiltøk mynda skránna alla komandi viku. Smærri og størri tiltøk eru til ymiskar málbólkar. Smálamba-túrur, sangur, súkklutúrar, føroyskur dansur, undirhald, listaframsýning, fyrilestur og rørslu tilboð. Úti og inni venjingar, gongutúrur í haga, gongutúrur við stokkum og sansa túrur út í Grøv, er bert nakað av tí, ið myndar skránna í ár.

Skráin fyri Virkið Vár kann síggjast her: Virkið vár 2023

Blíðskapur um allan miðbýin

Umframt fjølbroytta handilslívið í býnum, so eru tað fleiri onnur, sum lata dyrnar upp leygardagin 6. mai. Nevnast kann Politistøðin, Brandstøðin, Nólsoyar Pálshúsið, Christianskirkjan, Betesda og Kappróðrarneystið. Harumframt er stóra talvborðið í Vágstúni opið. Skipað rundferð verður í Christianskirkjuni og í Føroya bjór og í Betesda, har Betesdakórið syngur. Eisini verður fernisering í Gamla Seglhúsi, har Silja Strøm hevur listaframsýning.

Hugni við bókasavnið

Hálvmaraton er í býnum leygardagin, men áðrenn rennararnir fara avstað, so verður aftur í ár skipað fyri rullandi skrúðgongu frá Bumshamri til bókasavnið, har bjóðað verður kaffi og sunkist. Eisini fer Rógvi Dam at undirhalda, og møguleiki verður at fáa eitt træ heim við frá býargartnaranum.

Ruddingardagar

Árligur ruddingardagur hevur í fleiri ár verið fyriskipaður av kommununi, sum hevur heitt á borgarar, fyritøkur og stovnar at rudda útvald øki. Í ár verður lagt upp til, at fólk skipa seg í sínum grannalagi ella í smærri bólkum, soleiðis at fólk eru saman um at rudda eitt felags øki.

Á klaksvik.fo hevur kommunan boðað frá, at grannaløg kunnu fáa ein lítlan grannapakka, sum grannalagið kann fáa gleði av, tá ið bólkar ella grannaløg í felag taka stig til at rudda í egnum grannalagi, á nærmasta spæliplássi, í Borðoyarvík ella okkurt fjórða. Eggjað verður sostatt til, at borgarar í komandi viku finna ein dag, har tey rudda í nærumhvørvi.

Fyri at fáa lut í einum grannapakka er neyðugt at melda til. Ruddingarátakið í grannaløgum er í døgunum 1. – 7. mai og eru tað grannaløgini sjálvi, sum heinta grannapakkan og avgera, hvønn dag tey rudda.

Í tilmeldingini er neyðugt at upplýsa, hvussu nógv taka lut, og hvussu nógv húsarhald talan er um. Neyðugt er eisini, at grannaløgini skipa seg sjálvi við einum samskipari, sum útfyllir tilmeldingarskjalið. 

Melda til her: Ruddingardagar

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *