Heðin Mortensen til móttøku hjá Margrethu drotning

Lagt út ÓML
Lagt út ÓML 9 måneder ago
Updated 2023/09/05 at 12:51 AM
Formand for Kommuneforeningen på Færøerne, Borgmester i Tórshavn Kommune Heðin Mortensen FO-100 Tórshavn K. Audiens

Heðin Mortensen, borgarstjóri, nýtti í morgun høvið til at fara til móttøku hjá Margrethu drotning. Margretha drotning vitjaði Havnina í 2021 og fyrr í ár heiðraði hon borgarstjóran við kommandørkrossinum.

Heðin Mortensen hevur fleiri ferðir verið vertur, tá drotningin hevur vitjað Havnina. Hann gjørdist í 1991 ”Ridder af Dannebrogordenen” og í 2003 gjørdist hann ”Ridder af 1. grad”.

Á hátíðarhaldinum fyrr í ár, tá Heðin hevði sitið sum býráðslimur í Havn í 50 ár, handaði ríkisumboðið Lene Moyell Johansen vegna Margrethu drotning Heðini ”Kommandørkorset”. Heðin fekk sostatt stóra heiðurin at gerast ”Kommandør av Dannebrogordenen.

Í morgun fekk borgarstjórin so høvið at takka drotningini persónliga fyri heiðurin, og annars at fáa eitt gott og hugnaligt prát.

Formand for Kommuneforeningen på Færøerne, Borgmester i Tórshavn Kommune Heðin Mortensen FO-100 Tórshavn K. Audiens

Share this Article