Tórshavnar kommuna ynskir at lesandi koma at vitja kommununa á Jobmatch 2022

Tórshavnar kommuna er sjálvandi við á Jobmatch í Norðurlandahúsinum í morgin, hósdagin 29. desember, frá kl. 12-18. Kom og vitja okkum á bási #1 í forhøllini í Norðurlandahúsinum.

Hjá okkum kanst tú fáa eitt prát um fjølbroytta fakliga umhvørvið í Tórshavnar kommunu. Tórshavnar kommuna er størsta arbeiðsplássið í Føroyum. Vit eru 2070 fólk, sum starvast innan nógv ymisk fakøki.

Ert tú undir útbúgving, er Jobmatch eisini eitt gott høvi hjá tær at kanna møguleikarnar fyri starvsvenjing ella at skriva høvuðsuppgávu hjá okkum.

Vit gleða okkum at hitta teg 😃