Løntakararnir gerast fleiri og í oktober vóru stívliga 27.900 í løntakaraskaranum. Tað eru slakir 500 fleiri enn sama mánað í fjør. Vøksturin er 1,7%. Hetta skriva Hagstova Føroya á heimasíðuni í dag.
Løntakarafjøldin veksur framvegis, men ikki við somu ferð, sum undan koronufarsóttini. Í oktober í ár vaks løntakaratalið 1,7% samanborið við í fjør. Í oktober í 2019 vóru løntakararnir 3,4% fleiri í mun til sama mánað í 2018. Les meira her
54.100 búðu í Føroyum í oktober — 1,2% fleiri enn í fjør
Stívliga 54.100 fólk búðu í Føroyum 1. oktober. Tað eru góð 660 fleiri enn sama mánað í fjør. Vøksturin er 1,2%, sum er minni enn í undanfarna tíðarskeiði, tá hann var 1,4%.
