Enn ein dómur um smugling av hashi

Lagt út ÓML
Lagt út ÓML 5 måneder ago
Updated 2024/03/02 at 3:52 PM
Tilvildarlig savnsmynd Politi.dk

Ein 52 ára gomul kvinna og ein 25 ára gamal maður eru í dag dømd 1 ár og 10 mánaða treytaleysa fongsulsrevsing í part fyri at hava smuglað knapt 24 kilo av hashi til Føroya.

Eitt mál um smugling av hash til Føroya er viðgjørt í Føroya Rætti í dag. Tað var ein samdur dómsmansrættur, sum dømdi eina kvinnu og ein mann 1 ár og 10 mánaða treytaleysa fongsulsrevsing í part fyri at hava smuglað knapt 24 kilo av hashi til Føroya í januar í ár.

Fólkini, sum komu til Føroya við Norrønu í januar í ár, vóru steðgaði av tollvaldinum við komu. Kanningar vístu skjótt, at bilurin, sum fólkini ferðaðust í, var serliga tilgjørdur til smugling. Í tveimum loyniligum rúmum millum dúrkið og botnin í bilinum fann politiið stóru nøgdina av hashi.

Fólkini, sum hava verið varðhaldsfongslað, síðani tey komu til Føroya, játtaðu seg lutvíst sek í Føroya Rætti, men greiddu frá, at tey ikki vistu, at talan var um eina so stóra nøgd av hashi, sum var í bilinum.

Hóast hesa frágreiðing frá teimum ákærdu, dømdi ein samdur dómsmansrættur bæði fólkini fyri at hava smuglað knapt 24 kilo av hashi til Føroya. Fólkini vóru hvør sær dømd 1 ár og 10 mánaða treytaleysa fongsulsrevsing.

Umframt hashið, var eisini bilurin, sum hashi var smuglað í, konfiskeraður.

Fólkini bóðu um umhugsunartíð og hava nú – eins og ákæruvaldið – 14 dagar at taka støðu til, um dómurin skal kærast til Eystara Landsrætt.

Kelda: Føroya Politi 29 feb 2024

Share this Article
Leave a comment

Skriv et svar

Din e-mailadresse vil ikke blive publiceret. Krævede felter er markeret med *