Trivnaðar- og arbeiðsmarknaðarnevndin í Kommuneqarfik Sermersooq er í hesum døgum á kunningarferð í Føroyum.
Fyrrapartin í dag vitjaðu tey á Ráðhúsinum. Heðin Mortensen, borgarstjóri, bjóðaði vælkomin. Síðani legði heilsu- og umsorganarstjórin hjá Tórshavnar kommunu, Eyðfríð L. Jacobsen, fram. Hon greiddi millum annað frá, hvussu eldraøkið er skipað og hvørjar raðfestingar kommunan ger á hesum økinum.
Grønlendsku gestirnir vitjaðu eftir framløguna í Tilhaldinum í Tórsgøtu og síðani eisini Boðanesheimið, Tjarnargarð og Umlættingar- og rehabiliteringsdepilin URD.
This website uses cookies to improve your experience. We'll assume you're ok with this, but you can opt-out if you wish.
Denne hjemmeside bruger cookies til at forbedre din oplevelse. Vi antager, at du er ok med dette, men du kan fravælge det, hvis du ønsker det.
Hesin portalur nýtir kennifílar.AcceptRead More
Lagt út ÓML
