Uppgerðin av rakstrarviðskiftum gjaldsjavnans fyri 2023 vísir, at vit hava 1,3 milliardir krónur í avlopi. Hetta skrivar Hagstovan.

Stór avlop hava verið á rakstrarviðskiftum gjaldsjavnans síðani 2013.  Í 2023 vóru inntøkurnar frá sølu av vørum og tænastum, inntøkur frá fíggjarognum uttanlands og flytingar frá útlondum 18, 6 milliardir krónur. Útreiðslurnar vóru 17,3 milliardir krónur í 2023. Hetta gevur eitt avlop á gjaldsjavnanum uppá 1,3 milliardir krónur.Kelda: Hagstova Føroyamió. kr.Rakstrarviðskifti gjaldsjavnansInntøkurÚtreiðslurJavni20092010201120122013201420152016201720182019202020212022202320002010202020.000020.00040.0001.298,5 Mió. kr.

Vørujavnin hevur eitt avlop uppá 1,3 milliardir krónur, meðan tænastujavnanum hevur eina milliard krónur í halli. Lønarflytingarnar og rakstrarflytingarnar geva eitt íkast til avlopið uppá ávikavist 750 og 808 milliónur krónur. Hinvegin er hall av fíggjarinntøkunum, har útlendingar hava 1,4 milliardir í avkasti teirr íløgum í Føroyum, meðan føroysku íløgurnar í útlondum kastaðu 854 millióni krónur av sær.

Vøksturin í avlopinum stavar í stóran mun frá, at vøruhandilsjavnin vaks úr 788 milliónum krónum í 2022 upp í 1.325 milliónir krónur í 2023. 

Rakstrarviðskifti gjaldsjavnans

2022 – 2023

_{Kelda & mynd:Hagstova Føroya}