Agga hjálpir fiskimonnum at fyrireika veiðitíðina og halda skil á trygdarmálum umborð, alt talgilt á einum stað. Nú kann hvør útróðrarmaður hava sín egna trygdarleiðara í lummanum.
Agga, sum týður lítil alda, varð ment í Íslandi í 2024 saman við íslendskum útróðrarmonnum, og er nú tillagað føroyskum fiskimonnum í samstarvi við føroyskar partar — Sjónám, smábátafelagið í Klaksvík, Sjóvinnustýrið og Sprotin.
Verkætlanin varð umtalað í KVF-tíðindunum fríggjakvøldið herfyri, og fyrstu dagarnar hava næstan hundrað føroyskir útróðrarmenn longu tikið appið niður. Sí www.agga.fo
