Home VinnaVinna & Samfelag Fyritøkur verið á vitjan

Fyritøkur verið á vitjan

by Lagt út ÓML

Í Sunda kommunu hava vit stórt og fjølbrott vinnulív. Nakrar av hesum hava sítt virksemi á ymisku havnarløgunum í kommununi.

 Eftir ynski frá umsitingini, nýggja havna og tilbúgvingarleiðaranum og fyritøkunum, varð í morgun skipað fyri morgunmati og fundi við tær fyritøkur, ið hava leigumál og virksemi á havnarlagnum í Hvalvík. Komandi tíðina fara vit at skipa fyri sama fundi við fyritøkur á øðrum havnarløgum í kommununi.

Fyritøkurnar fingu framløgu frá borgarstjóranum, um týdningin fyri kommununa at hava eitt væl virkandi vinnulív. Eisini fingu fyritøkurnar høvið at heilsa upp á nýggja havna og tilbúgvingarleiðaran, Magnus, ið byrjaði í nýggja starvinum stutt síðani. Magnus fekk somuleiðis boðskapin út, um týdningin av at hava eitt væl skipað og trygt havnarlag.

Saman umrøddu vit avbjóðingar og møguleikar á havnarlagnum í Hvalvík, ið geva Magnusi og umsitingini góð amboð at arbeiða frameftir, saman við vinnuni.

Kelda & mynd: sunda.fo

You may also like

Leave a Comment

Hesin portalur nýtir kennifílar, sum er neyðugt fyri heimasíðuni, hagtøl o.a. . Tá tú vitjar 24fo.news so góðtekur tú hettar. Vátta Read More