Hetta eru 0,2 prosenstig minni enn í sama mánað í fjør. Hetta skrivar Hagstovan
Arbeiðsleys eru tey, sum eru skrásett hjá ALS og Almannaverkinum, og sum ikki hava arbeiði, eru fult tøk at arbeiða og eru virkin arbeiðssøkjandi.
Í apríl var arbeiðsloysið 0,9 prosent, sum er 0,2 prosentstig minni samanborið við sama mánað í fjør.
Í apríl vóru 335 persónar raktir av arbeiðsloysi, sum eru 60 færri enn í sama mánað árið fyri.
Fulltíðararbeiðsleys er talið av teimum, sum eru rakt av arbeiðsloysi, umroknað til fulla tíð fyri mánaðin. Til dømis telja tveir persónar, sum hava verið arbeiðsleysir í ein hálvan mánað hvør, samanlagt sum ein fulltíðararbeiðsleysur persónur. Í apríl vóru tað 286 fulltíðararbeiðsleys, sum eru 47 færri enn í apríl í fjør.
Arbeiðsloysið minni hjá kvinnum
Í apríl vóru 118 kvinnur raktar av arbeiðsloysi. Umroknað til fulltíðararbeiðsloysi svaraðu tær til 98, sum er eitt arbeiðsloysi á 0,7 prosent. Hetta er minkað við 0,1 prosentstigi í mun til árið fyri.
Av monnum vóru 217 raktir av arbeiðsloysi. Umroknað til fulltíðararbeiðsloysi vóru teir 188, sum svarar til 1,2 prosent. Hetta er ein minking á 0,1 prosentstig í mun til árið fyri.
Les meira her
Suðuroyar øki størsta arbeiðsloysi
Landkortið vísir arbeiðsloysi eftir bústaðarøki. Í apríl var arbeiðsloysið minst í Vága øki við 0,5 prosentum, sum er 0,5 prosentstig minni enn í sama mánað árið fyri. Í Suðuroyar øki var arbeiðsloysið størst við 1,6 prosentum, sum tó er 1 prosentstig lægri samanborið við apríl í fjør.
Fleiri útgreinað hagtøl um arbeiðsloysi býtt á øki kunnu síggjast á økissíðunum: Norðoya øki, Eysturoyar øki, Norðstreymoyar øki, Suðurstreymoyar øki, Vága øki, Sandoyar øki, Suðuroyar øki
