Makrelur 2026, ICES tilmælið her frá hav.fo
Tilmæld veiða í 2026: 174.357 tons
Tilmælið fyri makrel er 174.357 tons fyri 2026, sum er ein lækking á 70% í mun til í ár.
Makrelstovnurin hevur verið í minking síðani 2014. Niðurgongdin í stovninum stavar helst frá ovveiðu seinnu árini saman við eini minking í tilgongdini seinastu tíggju árini.
Gýtingarstovnurin er mettur at vera 2,74 mió. tons, sum er væl undir burðardygga MSY Btrigger markinum á 4,12 mió. tons, men verri er, at hann er eisini farin undir Blim markið á 3,07 mió. tons. So her lýsa allar lampur reytt.
Nógva veiðan saman við minkandi stovni, hevur havt við sær, at veiðitrýstið seinastu trý árini er vaksið og liggur nú á 0,29, sum er væl oman fyri hámarksvirðið (FMSY = 0,191).
Stovnsmetingin varð eftirmett í vár (Benchmark) og tað ávirkaði fatanina av stovninum.
Hetta, saman við niðurgongd í gýtingarstovninum, eru høvuðsorsøkirnar til stóru niðurgongdina í tilmælinum.
Kelda: hav.fo – 30. september 2025
Vit á 24fo.news fylgja gongdini og fara at spyrja løgtingsfólk hvat tey halda um hendan stóra niðurskurð og vit fara eisini at skriva um tað sum norska reiðarafelagið sigur.
HVAT SIGA TEY Í TINGANESI?
