Peningur á bók í føroysku bankunum var 22 mia. kr. í mai 2025, sum er ein vøkstur á 9,9%, roknað sum eitt 3 mánaðar miðaltal.
Vøksturin í innlánum frá føroyskum kundum í føroysku bankunum var 9,9% í mai 2025, mátað sum eitt 3 mánaðar miðaltal. Tað er millum annað innlánsvøksturin hjá vinnuni (11,2%) og húsarhaldunum (6,9%), sum togar samlaða innlánsvøksturin upp.
Innlánsyvirskotið í føroysku peningastovnunum var 2,5 mia. kr. í mai 2025, sí mynd 1. Innlánsyvirskotið er innlán (uppsparing) í føroyskum peningastovnunum íroknað útlendskar deildir, frátrekt útlán hjá somu.
