Í gjár vitjaði fiskivinnukommisserurin Costas Kadis umborð á Jákup Sverra. Fiskivinnukommisserurin er útbúgvin lívfrøðingur og hevur eina PhD innan lívfrøðiligt margfeldi.
Marita Rasmussen, stjóri á Havstovuni, Leon Smith, deildarleiðari, Jan Arge Jacobsen, fiskifrøðingur, og Erling í Liða, fyrisitingarleiðari og reiðari á Jákup Sverra, tóku ímóti ES umboðunum og umboðum frá Uttanríkis- og fiskimálaráðnum.
Fiskivinnukommisserurin slapp at hyggja seg um umborð á Jákup Sverra og síðani var framløga, har greitt varð frá arbeiðinum á Havstovuni og umborð á Jákup Sverra.
