Lagt út ÓML
22. juni 2023, var vinnarin av arkitektakappingini til nýggjan felagsbygning til Setrið avdúkaður.
Sp/F Henning Larsen North Atlantic við viðurkenda arkitektinum úr Gøtu, Ósbjørn Jacobsen, hevur vunnið arkitektakappingina um nýggjan felagsbygning til Fróðskaparsetur Føroya.
Djóni Nolsøe Joensen, landsstýrismaður í Barna-og útbúgvingarmálum, handaði virðislønirnar.
Fyriuttan fyrstu virðisløn, var onnur, triðja virðisløn handaðar og samsýning til hinar tríggjar.
Dómsnevndin hevur avgjørt at lata hesar virðislønir:
1. virðisløn á kr. 500.000 til Henning Larsen North Atlantic
2. virðisløn á kr. 400.000 til Sp/f Kontrast og Cobe
3. virðisløn á kr. 350.000 til (Arkitektar99 og BIG)
Samsýning á kr. 250.000 til uppskotini, nevnd í talvirðisligari raðfylgju:
uppskot nr. 09052 til SNA
uppskot nr. 31122 til ZETA Arkitektar & Brim Arkitektar
uppskot nr. 65159 til MAP Arkitektar
Møguleiki verður hjá almenninginum at síggja innkomnu uppskotini í Kongshøll á Vestara Bryggju 15, leyardag 24. juni frá kl. 12:00 – 16:00, sunnudag 25. juni frá kl. 12:00 – 16:00, mánadag 26. juni frá kl. 12:00 – 16:00 og týsdag 27. juni frá kl. 12:00 – 16:00.
