Avtala undirskrivað við Hósvíkar Róðrarfelag

Í gjár 31 oktobur undirskrivaðu borgarstjórin í Sunda kommuna og forkvinnan í Hósvíkar Róðrarfelag eina ætlanaryvirlýsing viðvíkjandi nýggja kappróðrarneystinum, ið ætlanin er at byggja í Hósvík.

Uppskotið til avtalu var fyri á býráðsfundi mánadagin 27. oktober og varð einmælt samtykt. Avtalan inniber millum annað ætlaðan stuðul, ognarviðurskiftir og annað.

Arbeiðið hjá róðrarfelagnum at fáa fígging til vega gongur væl, og Sunda kommuna fegnast um ætlanina hjá Hósvíkar Róðrarfelag at byggja nýtt kappróðrarneyst.

Kommunan sær fram til at verða ein viðspælari hjá Hósvíkar Róðrarfelag at gera verkætlanina til veruleika.

_{Kelda & myndir: sunda.fo 31.10.2025}