Julius og vinmenn koma við Jólaskipinum inn á Vágsbotn

Jólamenninir koma inn á Vágsbotn leygardagin 13. desember kl. 16.00. GHM spælir hugnaligan jólatónleik undir Bryggjubakka, og jólamenninir bjóða karamellur.

Fjarrit er komið frá Jólaskipinum, sum boðar frá, at skipið kemur inn á Vágsbotn leygardagin 13. desember klokkan 16.00. Umborð eru Julius og vinmenn hansara, og teir gleða seg at heilsa uppá øll børnini.

Tá jólamenninir eru lidnir at bjóða karamellur, leggja teir leiðina niðan í vakurt prýdda Amtmansgarðin, har Ríkisumboðið bjóðar holukøkur og kakao, meðan Frelsunarherurin spælir.

Hugnaligi jólamarknaðurin og jólasmátturnar á gongugøtuni og Vaglinum hava opið frá kl. 12.00 til 20.00.

_{Kelda torshavn.fo mynd: 123rf.com}