Týsdagin 14. apríl klokkan 15.00-17.00 verður alment hátíðarhald í Kollafirði, nú nýggi frítíðarskúlin er liðugur og verður tikin í nýtslu.
Klokkan 10.00-11.00 er móttøka fyri innbodnum.
Kura er navnið á nýggja frítíðarskúlanum, sum er 409 fermetrar til støddar.
Arbeiðið at gera skúlan hevur gingið væl, og tíðarætlanin hevur hildið. Arbeiðið byrjaði síðst í oktober 2024, tá gamla vatnverkið varð burturbeint, og í februar 2025 byrjaði jørðarbeiðið.
Tað hevur tikið eitt ár at byggja sjálvan bygningin við spæliplássi og parkering.
Nýggi frítíðarskúlin er bygdur til 60 frítíðarskúlabørn frá 0.-3. flokk og til ungdómstilboðið Úthangið.
Heildararbeiðstøkan hevur kostað 18.780.000 krónur, og samlaði verkætlanarkostnaðurin er 22 mió. krónur.
Heildararbeiðstakari: Articon.
Undirráðgevarar: Fuglark (arkitektur), Spenn (konstruktiónir).
Undirarbeiðstakarar: Plan (jørðarbeiði), Renovent (HVS), El.fo (el), Signar á Fríðufløtum (málari), VM Gólv (gólv), Innspark (hegn), IR Asfalt (asfaltarbeiði), Grønt og Grátt (spælipláss).
Innbúgv: Inventartænastan.
Kelda & mynd: torshavn.fo
