Sunda kommuna bjóðar vinnuni til morgundrekka

Hósmorgunin 30. apríl kl. 09.00 bjóðar Sunda kommuna vinnuni í økinum til morgundrekka á kommunuskrivstovuni á Oyrarbakka. Hetta skrivar Kommunan á heimasíðuni

Her er talan um eitt afturvendandi tiltak og virkar hetta sum eitt sera vinnuvinarligt átak og sær út til at Sunda kommuna gongur á odda í Føroyum á hesum økið. Víðari sigur kommunan í kunning um komandi fundin:

Endmálið við fundinum er at styrkja samskiftið við lokala vinnulívið. Vit vilja millum annað fegin hoyra eitt sindur um hvørjar avbjóðingar, ætlanir og tankar tit ganga við, og samstundis eisini kunna um hvat kommunan arbeiðir við á vinnu- og umhvørvisøkinum.

Skráin verður lýst seinni. 

Vit vóna, at tú/tit hava hug og møguleika at luttaka til eitt óformelt og hugnaligt vinnuprát. Ikki er neyðugt við tilmelding. 

Vit gleða okkum at síggja tykkum. 

_{Kelda & mynd: sunda.fo 10-04-2025}