49
Føroya Politi handtók í gjárkvøldið trý fólk í sambandi við kanningarbeiði í stórum rúsevnismáli. Fólkini eru skuldsett fyri at hava smuglað fimm kg av kokaini til Føroya og eisini fyri at hava selt størstapartin av hesum í Føroyum.
Handtøkurnar úrslit av miðvísum politiarbeiði
Handtøkurnar í gjárkvøldið eru eitt úrslit av einum skipaðum og miðvísum arbeiði hjá politinum seinastu mánaðirnar. Talan er um eina kvinnu og tveir menn, sum øll eru í tjúgunum og búsitandi í Føroyum. Fólkini vera mett at hava ein stóran leiklut í føroyska rúsevnisumhvørvinum.
Grundlógaravhoyring í dag
Tey handtiknu verða framstillað í grundlógaravhoyring í Føroya Rætti í dag kl. 10.
Kelda: Føroya Politi 29 mai. 2026 Gjørd mynd AI – illustratión 24.fo
