Sjúkrahússtjórin hevur boðað frá, at sjúkraflutningstænastan í Sandoynni verður niðurløgd.
Hetta er sera løgið, og tykist eisini órættvíst. Serliga tá hugsað verður um, hvussu viðgerðin av øðrum staðsetingum í Føroyum hevur verið, tá talan er um sjúkraflutningstænastu.
Eitt nú var uppá tal at niðurleggja tænastuna í Vágum, tá Vágatunnilin varð tikin í nýtslu, men tann ætlanin varð slept.
Tað er skjótt at koyra í Eysturoynna, bæði úr Tórshavn og Klaksvík, men tað hevur ongantíð verið uppá tal at niðurleggja tænastuna.
Tí kann tað undra, at sandoyggjafólk verða viðgjørd øðrvísi og harvið fáa eina verri tænastu.
