Konjunkturbarometrið, sum gevur ábending um, hvussu vinna og húsarhald meta búskaparstøðuna vera, hækkar. Tað er serliga tænastuvinnan, sum er vorðin bjartskygdari. Væntanirnar hjá handilsvinnuni eru eisini betri, enn tær hava verið. Hinvegin er byggivinnan tó ikki eins jalig, sum hon hevur verið.
Samlaða konjunturbarometrið er samansett soleiðis, at brúkarin vigar 20 prosent, og vinnan vigar 80 prosent. Í vinnuni er tað tilfeingis- og ídnaðarvinnan, sum vigar mest við 40 prosentum, síðan kemur tænastuvinnan við 30 prosentum og byggivinnan og handilsvinnan við hvør sínum 5 prosentum.
