Í fjør varð samtykt at fara undir fleiri lendisgøtur, m.a. í Hoydølum, Sortudýki, Gundadali, Sandagerði, við Hoyvíksvøll, í Havnardali og við Hvítasand.
Vegna starvsfólkatrot varð ikki farið undir fleiri av gøtunum í fjør og nú eru onkrar gøtur komnar aftrat, eitt nú við Stórutjørn.
Nú mælir umsitingin til at játta 4 miljónir at fara undir at bjóða hesi arbeiði út og seta tey í gongd. Hetta varð samtykt í fíggjarnevndini í dag og málið kemur fyri býráðið hósdagin.
