Opið hús á Høgabóli og avdúking av vinnara

Fríggjadagin, hin 9. januar, bjóðar Runavíkar kommuna til opið hús í nýumvældu ráðhúsunum á Høgabóli.

Opið hús verður frá kl. 15 til 17, tá vinnarin av verkætlanarkappingini Glyvra skúli og musikkskúli verður avdúkaður.

Fimm arkitektafyritøkur/samtøk lótu inn hugskot til sniðgeving og heildarráðgeving av næstu stóru verkætlanini í Runavíkar kommunu. Hesi vóru:

• BBP
• Henning Larsen
• MAP
• SNA
• ZETA

Til høvið vera øll innkomnu uppskotini sýnd fram, so tilber at síggja, hvussu komandi menningar- og mentanardepilin í kommununi fer at síggja út.

Á skránni vera harumframt røður, tónleikur og søtt ábit.

Øll eru hjartaliga vælkomin á Heiðavegi 54!

_{Kelda & mynd: runavik.fo – 07. januar 2026}