Nógv børn møttu upp, tá spælandi vættrabørnini í viðarlundini í Kollafirði vórðu avdúkað.
Tað er listamaðurin Napoleon Smith, sum hevur evnað tær fýra hugfloygdu standmyndirnar, sum nú kveikja vøkru viðarlundina.
Sjálvur sigur listamaðurin soleiðis:
“So upprann væl viðraði dagurin, har vættrabørn í viðarlundini í Kollafirði fóru at spæla krógva og blunda. Viðarlundin “í Beitinum [bojtinun]” bleiv gróðursett av børnum í gomlu Kollafjarðar kommunu í 1992 og 1994. Ein risi undir “Elefantklettinum” vildi eisini spæla við. Trøllakampar gróðu undir fótum.”
Nógv børn møttu up til hugnaligu løtuna, tá standmyndirnar vórðu avdúkaðar, og sangurin Karin bleiv sungin í felag.
